CHAPITRE CIV
Comment li dus de Normandie approcha Valenchiennes et fist assalir la tour de Maing; et comment Gérars de Werchin déconfist messire Bouchicau.
Ensi fu , la seconde nuit que li dus de Normendie se logea en Hainnau, li hoos des François resvillié des Hainnuiers, liquel avoient tout ce fait, sans porter point de damage à euls et à lor compagnie, de quoi li dus de Normendie en dist au matin, quant il en fu enfourmés : « Ces « Hainnuiers sont de grant corage et de bonne emprise. G Nous n'avons que deus nuis dormi en Hainnau; mes « tout dis nous ont-il resvillié : chi apriès, il seront resvil- « liet aussi. »
Li sires de Piquegni, liquels estoit navrés tout parmi le corps, fu mis en une litière et portés à Cambrai pour saner et médeciner ; mes onques de la navreure, ils ne pot avoir garison et morut. Si retourna la terre de Piquegni à un sien fil, jone enfant, que on nommoit Jehan et qui depuis fist moult de mauls en France , voires à Amiens et là environ, ensi que vous orés recorder avant en Tistore '.
* Froissart veut parler ici de Jean de Pocquigny qui par ses intri-
Quant ce vint au matin, on se deslogea, et sonnèrent les trompètes parmi l'oost. Tout s'armèrent et montèrent à chevaus et se traïssent sus les camps. Ce jour fîst-il moult biel , moult cler et moult joli , ensi que il fait ou mois de mai, et fu la nuit de une Asention, Li dus de Normendie ordonna à traire viers Valenchiennes. Dont cevauchièrent les batailles moult ordonnéement et n'aloient que le pas et costyèrent Werchin , mais point n'asallirent au cbastiel, mais la ville fu arse, et s'en vinrent tout li François arester et faire lor monstre sus le mont de Castres et véoient Valenchiennes tout au plain devant euls, et là ordonnèrent trois batailles tout armé au cler. Ce estoit une grande biauté que de euls veoir, les armes (hiaumes de quoi on s'armoit adonc), banières et pennons resplendir au solel, et se tenoient li signeur tout quoi atendans que on les venist combatre. Li jone ôhevalier de France et li esquier qui désiroient les armes, ne se pooient tenir que il ne cevauçassent, et s'en vinrent li marescaus de Mirepois, li sires de Noyers, li Galois de la Baume, messires Tiébausde
Moruel, li viscontes ', li sires d'Englure, li sires de Trai-
niel, messires Tristans de Magnelers, li sires d'Aubegni, li sires de Fransures , li cbastelains de Biauvais et pluisseur aultre tout de grant volenté, et estoient quatre cens d'emprise et de fait et bien montés et vinrent courir devant le Quesnoi et s'arestèrent sus les camps, et monstroient que on les venist combatre. Li marescaus de Hainnau et bien cinquante lances de bons Hainnuiers estoient là dedens. Pour ces jours li Quesnois n'estoit point si bien fermée
gués joua un si grand rôle dans les troubles excités par le roi de Navarre, Charles le Mauvais. Notre manuscrit s'arrête bien avant cette époque.
^ Lacune.
comme elle estoit soisante ans apriès, et tous les jours elle amendoit en fermeté.
Li compagnon considéroient trop bien l'ordenance des François comment il fretoloient ' sus lors cevaus et faisoient courner lors ménestrels , et monstroient que on les alast veoir et escarmucliier, mais il n'estoient pas gens assés. Si se tinrent tout quoi et pourveu de euls deffendre se on les euist assallis. Quant il veirent ce que nuls ne saudroit % il s'en départirent et cevauchièrent viers Villers et menoient ces gens d'armes, boutefeus, avoecques euls, qui couroient de ville en ville et boutoient le feu dedens et ne s'en départoient, si estoit la ville toute embrasée. Se ardirent de celle empri use Genlain, Curgies, Sautain, Presiel, Marce, Aunoit, Biauvoir, Fielainnes, Escaillon et Famiars, et voloient les flamesques et les fascôns ^ en la ville de Valenchiennes, et li rai dou solel en estoient tout encombré , et s'avalèrent auqun François dou mont de Castres et vinrent ardoir les Marlis et boutèrent le feu eus es fourbours de la porte Cambrisienne. Pour ces jours estoit chapitainnes et gardyens de la ville de Valenchiennes institués et ordonnés de par messire Jehan de Hainnau, messires Henris d'Antoing, quoique li sénescaus de Hainnau et aultres chevaliers fuissent en la ville; mais il en avoit la souverainne aministration et se tenoit à la porte Cambrisienne, et là estoit trop fort héryés et pressés d'auquns fols outrageus et outre-quidiés qui voloient issir et euls aler perdre, et bien leur disoit et remonstroit li chevaliers que point n'estoit heure de issir : a Souffrés-vous, bonnes gens : la poissance des François
* Fretoloient^ s'agitaient, se remuaient. » Ne saudroit, ne sortirait.
' Fascons, flocons.
« est trop grande. Atendés que vous ayés vostre signeur a dalés vous; si en serés plus fort et mieuls consilliés. Il « m'est deffendu que nuls ne isse , car se vous receviés « blâme, ne damage, je n'enporoie estre escusés. » Ensi à grant mescief les amodéroit et refroidoit de lors. folies li sires d'Antoing. Encores, en ce meisme jour, par le consentement dou connestable de France et des marescaus, se départirent dou mont de Castres auqun jone chevalier et esquier françois et cevauchièrent as aventures, et tout estoit fait pour atraire les Valen-cliiennois hors de la ville, et furent de une sorte environ deux cens lances et les menoient li sires de Craon, li sires de Maulevrier, li sires de Partenai , li sires de Torsi et li sires de Matefelon , et s'avalèrent dou mont de Castres à Fontenelles et vinrent à Maing, et là avoit une tour belle et bonne et encores a, laquelle pour ce temps estoit à un bourgeois de Valenchiennes qui s'apelloit Jehan Bernier, et puis fu-elle transmuée à aultres hoirs. Chil chevalier de France et lor route vinrent là et l'environnèrent et le fissent asallir. La tour estoit forte assés, environnée de fossés et pourveue d'artellerie ; car on i avoit envoyet des arbalestriers de Valenchiennes pour le defFendre et garder. Là ot grant asaut, mais li François ni peurent riens faire. Avant en i ot des bléchiés dou tret. Si passèrent oultre et vinrent à Trit '. Li homme de la ville avoientle pont deffait. Si ne peurent oultre par ce pas-là, mais il trouvèrent des hommes dou païs meismes qui les menèrent autour à Fiances et à Prouvi '. Si passèrent là l'Eschaut et retournèrent à Trit, et fu la ville toute arse et li moulin abatu, et ensi à Prouvi et à Eouvegni, et refissent li François le pont à
* Trith, berceau d'un des héros de la croisade de 1204. 2 Plancques et Prouvy.
DK FROÏ^SART. 3te
Trit et ardirent Wercinuel, Bourhim et Infier et tant que les fascons eu avoloient à graut volées à Valeuchiennes, et retournèrent chil François et s'en râlèrent en lor hoost c'est-à-entendre sus le mont de Castres avoecques les aultres. Ce jour s'estoient aussi parti de lors awais, troi jone chevalier de Poitou, li uns fu nommés messires Bouchicaus, li autres messires Jaques de Surgières et li tiers, messires Guis Poteron, et avoient passet l'Escaut au pont à Trit, car il estoit refais des plances meismes que chil de Trit en avoient osté, et les avoient les François rasisses pour passer et repasser à lor volenté. Chil troi chevalier et lor route pooient estre jusques à vint-cincq lances, et passèrent le pont à Trit, ef vinrent courir viersHartebise, et fissent bouter le feu dedens tant que on le veoit tout clèrement de Valenchienes, car il ni a que une petite lieue. Li sénescaus de Hainnau qui se tenoit adonc à Valeuchiennes, entendi que auquns François estoient avalé et passé oultre l'Eschaut au pont à Trit et couroient sus ces biaus plains desus un moustier que on nomme Saint- Vast, et ne lor aloit nuls au devant. Si parla au signeur de Berlaimont à messire Henri d'Uffalise, à messire Ouïefart de Ghistelle, au signeur de Biellain et à auquns chevaliers qui en Valeuchiennes estoient enclos avoecques lui : « Je vous pri que nous montons sus nos chevaus et alons « veoir viers Saint-Vast quel sont chil qui i chevaucent. « Espoir poront estre tel que il paieront nostre escot. » Tout s'acordèrent à la volenté dou sénescal et montèrent environ cent compagnons tout bien armés, et prist casquns son glave, et fissent ouvrir les deus portes d'Anzain, la grande et la petite, et se missent sus les camps et si à point que droit au-desus d'un moustier que on dist de Saint-Vast, il vont trouver ces chevaliers poitevins qui
avoient pris lor tour viers Bellain et lérin et avoient fait bouter le feu dedens et s'en retournoient pour passer à Trit et avoient guides proprement dou païs qui les menoient. Quant li sénescaus de Hainnau les vei et sa route aussi qui estoient monté sus bons coursiers et bon alans, si lor vinrent au devant et escryèrent : « Hainnau! » et abaissièrent les glaves. Li sénescbaus de Hainnau fu li premiers qui asambla à messire Bouchicau qui estoit pour lors Jones chevaliers etfu depuis uns moult vaillant homs. Il le féri à plainne targe un si grant cop, avoecques ce que il estoit fors chevaliers et bien montés, que il le bouta jus et passa oultre. Li sires de Berlaimont consievi parellement messire Gui Poteron et le renversa jus à terre. Chil Hainnuier se f râpèrent en ces François et en abatirent jusques à sept. Entrues que il entendirent à euls fianchier et faire rendre, messires Jaquèmes de Surgières et bien douse des leurs retournèrent sus frain et prissent le cemin viers un village que on appelle lérin; mais avant que il i parvenissent, pour euls sauver, il se boutèrent eus es bois d'Aubri et ne savoient où il aloient, car point ne congnisoient le païs. Quant li sénescbaus de Hainnau vei que chil François prendoient le cemin dou bois, si fist doubte que li François n'euissent là jette une enbusque, et que chil qui pris estoient et qui fuioient, n'euissent esté là envoyet tout de fait pour descouvrir et pour fairarsallir hors de Valenchiennes auquns gentils hommes qui s'i tenoient. Si fist cesser ses gens de non aler plus avant et non cachier, et se retraïssent tout le pas viers Valenchiennes, et emmenèrent les deus chevaliers prisonniers, messire Bouchicau et messire Gui Poteron, poitevins, et jusques à dys de lors compagnons. Dont li sénescbaus acquist grant grasce des Valenchiennois, et
messires Jaquèmes de Surgières et li autre qui se boutèrent ens es bos d'Aubri, se tinrent là et se quatirent ' tout bellement jusques à tant que li viespres fu venus, et puis issirent hors et vinrent tout droit à Hartebise et de là au pont à Trit et rapassèrent l'Escaut, et quant il furent venu en l'oost, il comptèrent lor aventure, et comment messire Bouchicau et messire Gui Poteron estoient demoré et prisdou sénescalde Hainnau.
