CHAPITRE CV
Comment li dus de Normendie se départit du mont de Castres et comment li chastiaus d'Escauduevre lui fu rendu.
Vous devés sçavoir que li dus de Normendie et li signeur de France qui avoecques lui estoient et lors gens se tinrent tout ce jour de TAsension sus le mont de Castres à demi-lieue de Valencbiennes en bataille ordonnée, ensi que pour entrer tantos en bataille , banières et pennons ventilans. Grant biauté estoit que de euls veoir. Cbe qui avint au sénescal de Hainnau, li sires d'Antoing n'en sceut riens, se fu li dis sénescaus retournés en Valencbiennes, car se il l'euist sceu, il li euist destourné à cevauchier, ne il ne laissoit nul homme issir:
Quant ce vint sus la remontière ^ et que li signeur estoient tout hodé et lassé de tant estre sus lors cevaus, car ce jour il avoient bien petit beu et mengié fors sus lors cevaus , il se départirent de là et vinrent logier à Fontenelles et à Main en ces biaus prés. Madame de Valois,
• Se quatirent, se cachèrent.
3 La remontière, l'après-dînéo.
ante dou duch de Normendie, n'estoit point pour ces jours à Fontenelles, mais se tenoit à lostel de Hollandes à Valenchiennes, et toutes les dames dou dit monastère et là avoient amené toutes lors coses, car en guerre et en hainne n'a nulle ségurté. Celle nuit fîst-on en l'oost le dit duc, très-grant guet, pour la cause de ce que il logoient priés de Valenchiennes et fissent doubte que il ne fuissent resvilliet, mais non furent. Quant ce vint au matin, on sonna les trompètes de deslogement. Tout se deslogièrent et se missent au cemin. A lor département, la ville de Maing fu toute arse et la mansion de l'abéie de Fontenelles aussi. Li hoosprist le cemin de Cambrai. Chil qui cevauçoient devant et sus les costés, ardoient villes et hameaus et ardirent en lor venant Monchians , Thians , Donei, et partout il abatirent les moulins; car ces villes sont séans sus rivière, et cevauchièrent tant ce jour li François que il aprochièrent Nave et Wés, et vint li dus de Normendie mettre son siège devant le chastiel d'Escauduevre séant sus la rivière d'Escaut. Chil de la garnison d'Escauduevre avoient, tout l'ivier et le temps', moult injuryet et herryet ceuls de Cambrai. Pour celle cause, s'enclina li dus à venir là et i mètre le siège pour plus complaire à ceuls de Cambrai. De la garnison d'Escauduevre estoit capitaines uns chevaliers de Hainnau qui s'apelloit messires Gérais de Sasegnies, lequel on avoit veu loial et preudomme, ne nulle defaute en lui. On se puet esmervillier que li avint, ne comment il fu enchantés % car li dus de Normendie et li François n'orent point sis, ne esté devant Escauduevre sept jours, quant li chastiaus
* Le temps, le printemps.
- Vu enchantés, se laissa séduire, tromper.
fu rendu sains et entiers et bien garnis de pourvéances, de quoi tous li païs fu moult esmervilliés , et en furent acusé de trahison li dis messires Gérars et uns siens esquiers qui s'apelloit Robers Mariniaus, et quant il furent venu en Hainnau , li saudoyer meismes qui en Escauduevre s'estoient tenu avoecques euls, les prisent au commandement messire Jehan de Hainnau qui se tenoit en la ville de Mous , et furent amené devant lui et acusé de trahison. Onques il ne s'en porent escuser de la mise, ne délivrer, mais en morurent honteusement en la ville de Mons meismes, et chil de la chité de Cambrai abatirent le chastiel d'Escauduevre et en fissent mener et acharyer grant fuisson de la pierre dou dit chastiel et en fissent remparer la porte Robert en lor ville, et vint li dus de Normendie en Cambrai, et là se tint et donna biaucop de ses gens d'armes congiet et en envoia une quantité en garnison en Lille et en Douai pour faire frontière à la conté de Hainnau, et ni séjournèrent, pas longuement, quant il vinrent ardoir en Hainnau, en ce plain païs d'Ostrevant, et ni demora ville, ne hamiel, réservé le chastiel de Bouchain, qui ne fust tout ars et mis à séqution, ne nuls ne .lor ala au devant.
Les bonnes gens dou païs d'Ostrevant estoient retrait en Valenchiennes, et là avoient amené une partie de lors biens et les bestes cachiés ens es bois ou fait venir eus es praieries de Valenchiennes et de Condet, et là les tenoient pour eslongier lors ennemis.
