CHAPITRE CVI
Comment li sires de Potelles fu navrés à mort.
Ens ou chastiel de Landrecies se tenoit li sires de Potelles en garnison, là establis de par messire Jehan de Hainnau. Quoique la ville et Avesnes fuissent au conte de Blois, se les avoit li contes de Hainnau saisies et les faisoit garder. Chils sires de Potelles estoit un moult appers chevaliers et bacelereus. En la Maie-Maison, une lieue en sus de là, avoit des Alemans en garnison que li évesques de Cambrai i avoit envoyet et establis , et en estoit capitainne uns esquiers qui senommoit Albrest Qose, de Coulogne. Chil Albrest et li sien vinrent un jour courir viers Landrechies et amont, et emmenèrent et quellièrent toute la proie. Les nouvelles en vinrent au signeur de Potelles que la garnison de la Maie-Maison emmenoient la proie. Il monta tantos à cheval et fîst monter ses gens et dist que il ne l'emmenroient point ensi, et issirent hors de Landrechies et se missent a§ camps et férirent à l'esperon apriès le signeur de Potelles, tout devant Albrest. Chils Alemans regarda que li Hennuier venoient à la resquousse et lor voloient ester la proie. Il se retourna et prist son glave et l'abaissa et féri cheval des espérons et avisa le signeur de Potelles qui venoit tout devant, et aussi li sires de Potelles, et se consievirent sus les targes ; mais il avint que li Alemans ataindi le signeur de Potelles si acertes qu'il li perça la targe , la plate d'achier , l'auqueton , et li bouta tout oultre et le reversa à terre navré à mort. Donc vinrent li compagnon hainnuier
qui estoient issi hors avoecques li signeur de Potelles, li sires deBousies, Gérars de Mastain et Jehans deMastainet pluisseur aultre , et envaïrent ces François Alemans et les assallirent de grant volenté, et se portèrent si bien li Hainnuier que la proie fu rescouse et Albrest pris et auquns des aultres, et chil qui se sauvèrent furent cachiet jusques ens es portes de la Maie-Maison. Si raportèrent li compagnon , le signeur de Potelles tout mort à Landrecliies. Depuis fu-il envoyés à Valenchiennes sus un char et en un linsiel et ensepvelis en l'église des Cordeliers de Valenchiennes. Ensi se portent les aventures d'armes. Tels se lieuve au matin, qui ne scet que li avenra, et fu depuis li sires de Floion gardyens et chapitainne de Landrecies, et cevauçoient moult souvent li Hainnuier sus ceuls de Bohain et de la Maie-Maison. Une foisgaegnoient, et l'aultre perdoient : ensi estoit tous li païs entouelliés.
