CHAPITRE CVn
Comment li dus de Normendie mist le siège devant Thun-l'Évesque.
Le duc de Normendie estans et séjour nans en la chité de Cambrai, il fu pryés moult doucement de l'évesque dou lieu et des Cambrisiens que il vosist entendre à clie que il vosist tant faire, fust par siège ou par aultre moyen, que li chastiaus de Thun-l'Évesque, liquel li Hainnuier tenoient et avoient emblet, fust raquis, car il lor estoit trop proçains et jà li compagnon qui l'avoient en garde lor avoient fait moult de destourbiers. Li dus i entendi et iîst son mandement très- grant en Artois, en Vermendois, en Bar, en Amiennoiset en Lorrainne, et retournèrent de-
55a CHRONIQUES
viers li grant fuisson de signeurs qui avoient esté en sa cevauchie, et vinrent en Cambrai ou là priés. Avoecques tout ce, li Cambrisien fissent en grant haste ouvrer et carpenter enghiens et bricoles pour jeter au cbastielet abatre les tois et les manandies ' , et sedéparti un jour li dus de Normendie en grant arroi de Cambrai et s'en vint mettre le siège devant Thun-l'Évesque, et furent logiet es tentes et trefs , auqubes et pavillons, au lés devers le païs d'Ostrevant et furent drechiet les enghiens pour jeter au chastiel et pour tout abatre. Jebans de Mauni et Tiéris son frère qui cbapitainne en estoient, se reconfortoient en ce que il estoient bien pourveu, et aussi que lors sires li contes de Hainnau quéroit aliances partout, et que de poissance le siège seroit levés. Si ne se esbahirent point li Hainnuiers, quoique li enghien jetaissent continuelment, qui lor rompirent tous les tois doudit manage.
Ce siège estant devant Thun-l'Évesque, chil de la garnison de Bouchain issirent une fois hors et vinrent au matin cevauchier jusques à Esquerchin et trouvèrent les hommes en lors lis et prissent desquels que il vodrent et puis se missent au retour et boutèrent le feu en Esquerchin et ardirent L ambres et les fourbours de Douai et tout ce qui de France se tenoit, et rentrèrent dedens la garnison de Bouchain, sans prendre nul damage. Ensi couroient les garnisons , l'un sus l'aultre et faisoient les armes.
» Mmandie, demeure^ habitation. Le mot manage qu'on trouvera (quelques lignes plus bas, oifre le même sens.
