CHAPITRE CVIII
Comment ceuls de Thun-l'Évesque eurent trieuves de quinse jours en donnant pièges que se il n'estoient secouru , il rendroient la forterèce.
Chil de la conté de Hainnau s'esmervilloient trop fort que lors sires estoit devenus, car il n'en ooient nulles nouvelles, et en parloient li chevalier et li esquier et li consaus des bonnes villes à messire Jehan de Hainnau , et li disoient : « Sire , c'est trop mal fait que vous n'en- « voyés plus espéciaulment deviers nostre signeur le « conte, par quoi il soit bien acertes segnefiyés de Testât « de son païs. Il i a jà plus de sys sepmainnes qu'il se « parti et si n'en ot-on nulles nouvelles. Se vous les avés, « si n'en avons-nous nulle congnissance. » Messires Jebans de Hainnau respondoit à ces paroles et disoit : « Il n'a « pas tenu en ma négligense que je ne m'en soie bien ac- « quités. Monsig-neur de Hainnau a esté en Engleterre etli « a li rois d'Engleterre fait très-bonne chière et li a prou- « mis, selonch che que il m'a escript et segnefiyet par ses « lettres, que il sera dedens le jour Saint-Jehan à pois- « sance de gens d'armes et d'archiers en la ville de « l'Escluse, et sur ce monsigneur mon cousin est départis « d'Engleterre et monta en mer à Orvelle là où il arriva « quant il vint ou païs, et a pris terre à Dourdrète en « Hollandes, et tous enfourmés de l'estat de son païs et « pour résister à l'encontre de la poissance dou duch de « Normendie et des François, il est aies deviers le roi « d'Alemagne au sequours et semonce tous les aloyés ; et « temprement vous le verés revenu en ce païs et gens « d'armes à pooir avoecques li. » .
A ces paroles se contentoient et apaisoient li Hainnuier, et se tenoient tout sus lor garde en atendant lor signeur, et li sièges se tenoit devant Thun-l'Évesque et avoient li François sys grans enghiens jettans à la forterèce, ce qui moult les greva , car avoecques tout ce que la poissance et continuance des enghiens avoient abatu les tois et effondré les planciers des tours et moult adamagiés les murs, leur jetoient chil de l'oost à lors enghiens, pour euls empunaiser, mors chevaus et mortes bestes. Ce lor faisoit à un avenant plus de mal que les pierres. Dedens Thunl'Evesque, avoecques les enfans de Mauni et les compagnons, avoit un chevalier d'Engleterre qui se nommoit Ricbars de Limosin , vaillant homme et sage en armes durement, et auquel tout li compagnon se raportoient, et ouvroient par son consel. Li chevaliers considéra que longuement il ne pooient souffrir, ne porter la painne de celle invasive et que chil enghien les menroient à fin et à destruction. Si i convenoit pourveir, car il ne loisoit mie à lui faire perdre', mais i devoit-on obvyer, quant on voit que li besoings touce. Il respondirent et dissent : « Sire, « c'est vérité, i avés-vous pensé et regardé? » — «Oïl, resc( pondi-il, et vechi comment : nous trèterons d'avoir un « respit à durer quinze jours tant seullement, et se là « en dedens nostres sires, li contes de Hainnau, ne vient « si fors que pour combatre les François et lever le « siège, nous renderons la forterèce. Aussi ni avons- « nous jà ensi que riens , puisque il nous fault demorer c< ens es celiers et que chil enghien nous travellent ensi « que il effondrent couvertures et planciers. » Tout li compagnon respondirent et dissent que chils avis estoit
* Cette phrase paraît incomplète.
bons. Donc fu tretié deviers ledit duch de Normendie que il lor vosist donner trieuves quinse jours, et se là en dedens il n'estoient secouru , il renderoient la forterèce , et de ce délivreroient-ils bons pièges.
Li auqun qui considéroient le dangier où li Hainnuier estoient, opposoient au tretié et disoient : « Pourquoi lor « donroit-on jour? Il ne se puent plus tenir. Le cbastiel a est nostre se monsigneur le voelt avoir et nous « aussi. » Nequedent toutes ces paroles remonstrées , li dus de Normendie s'enclina à douceur, non à rigueur, et entendi à lor trettié et i furent recheu et livrèrent pièges Gillion de Soumain et Tiéri de Soumain son frère, Robert de Villers et Huion d'Aunoit, et cessèrent li enghien et se rafresquirent li compagnon, pour lors deniers, de vivres et de vins, et vinrent en l'oost veoir le duch qui les vei volontiers et lor fist donner de son vin bien et largement. Et là avoit dedens la forterèce une damoiselle gentil femme qui enclose s'i estoit pour l'amour de son ami Jehan de Mauni et se nommoit Kateline de Wargni et estoit des damoiselles de l'abéie de Denain et estoit si enchainte que sus ses jours et moult avoit esté destourbée et travilliée dou ject des pierres des enghiens, tant que tout li compagnon en avoient eu grant pité. Si fu menée à sauveté à Bouchain et en fu grant nouvelle en l'oost des François, car par lor dangier et congiet, la convint passer et aler en la garnison de Bouchain.
