CHAPITRE CIX

Comment li contes de Hainnau revint à Mons et flst son mandement pour combatre les François.

Les trieuves durant entre le duch de Normendie et ceuls de Thun-l'Évesque,!! contes Guillaumes de Hainnau retourna en son païs et vint en la ville de Mons , et là trouva le signeur de Biaumont et de Chimai , son oncle, qui li recorda tout Testât de son païs et comment on s'i estoit porté depuis son département. Li contes en savoit jà partie et assés par lettres et par messagiers, et avoit si bien esploitié et avanchié ses besongnes que toutes gens d'armes d'Alemagne , qui estoient aloyet et abers en la guerre avoecques le roi d'Engleterre, le sievoient et par l'ordenance et commandement de Lois le Baivier, roi d'Alemagne et empereour de Rome, et s'en vint li dis contes à Valenchiennes où il fu requelliés à joie, et fîst son mandement et sus beure * , des cbevaliers et esquiers de son païs et des communautés des villes, et pour mieuls monstrer que la besongne li touçoit , il se départi de Valencbiennes, bien accompagniés de chevaliers et d'esquiers , et s'en vint passer à Haspre et vint à Nave et à Iwis, et là furent tendus sus les camps , tentes , trefs et pavillons et toutes manières de logeis, et se logièrent tout signeur entre lors gens et par bonne ordennance , et vinrent chil de Valenchiennes et des bonnes villes de Hainnau à grant charoi et pourveu de toutes coses, et estoit dalés le conte de Hainnau et de sa délivrance li contes Jehans de Namur,

» Sus heure, sur l'heure, immédiatement.

bien acompagniés de chevaliers et esquiers de son païs , puis vint li dus de Guéries à bien trois cens lances de Guerlois , li contes de Jullers et li contes de Mons à bien cinq cens lances, li sires de Fauquemont à bien cent lances , messire Ernouls de Baquehem à bien cent lances, li marquis de Mise et d'Eurient à deus cens lances, li marquis de Blanquebourc à deus cens lances. Li dus de Braibant fu li darrains venans et amena bien sys cens lances, et se logièrent toutes ces gens d'armes entre Cambrai et Nave sus la rivière d'Escaut contre les François.