PARTIE REMAINT SAUVAGE

. Mès adonques trovèrent Un courtil d'un home, où entrèrent.

Et en ce courtil, à planté, Et entes et pomiers planté.

Entre les autres, un en virent Où, par desus, le cor saint mirent Sus l'arbre droit, sanz autre place, Pour ce qu'il tenoit grand espace.

Car les rains du pomier portoient En deuz parties, et aloient Vers Oriant l'une sa part, Et vers Occidant l'autre part.

En l'une de ses parz mengèrent, Et le cors saint desus posèrent.

Pour ce que trop aigres estoient,

Deff'ent que mengiées ne soient

Et adonques les refusèrent

Et en la fange les getèrent,

Mès c'un des moines qui en prent

L'une, et ceste chose l'enprent

Et enpris à sanz delaier.

Car il veust l'aigreur essaier.

Quant il la prent, des denz rechine,

Mès au gouster la treuve fine,

De si douz- goust eom l'en puist croire

Et ce fit Diex pour saint Magloire, Et cil qui la sent savoureuse, A mengier soueve, amoureuse, Aus austres dit qu'il en mengussent.

Et comme gousté il en eussent, Il tesmoignerent et jurèrent Qu'omques meilleurs il ne trouvèrent.

Pour confermer donques si grande Vertu, chaseun mengier commande Des unes et des autres pomes.

Si que cens qui là furent homes Et qui jamès seront à nestre Le miracle puissent connestre.

Et dès ce temps que cela vint, Ainsi chascun an en avint, Tant com le pomier pot durer.

Que d'une part sans meùrer Les pomes sauvages estoient, Et de l'autre part meùroient Pomes soueves et débonnaires.

Ainsinc fruit de divers afaires Porta, ce fu chose notoire.

Par la vertu de saint Magloire.

Li moine, au leu dont départirent.

Tout en pais de par Dieu venirent,

Et avecques eus emportèrent Car il méismes les conduit

Le trésor que tant desirièrent ; . Sauvement et a sauf conduit.