C. COMENT l'ÉDIFICACION DU MOUSTIER S. MAGLOIRE PU FAITE
Puis que saint Magloire aportez
Fu de Sargc et transportez
A Lehon par grâce devine, .
Sa renommée, qui ne fine.
Mes vola par toute contrée,
Fist que mainte gent assamblée
Là venoit pour li honorer
Et pour en ce lieu demourer,
Car cil leus ou temps de jadis
Estoit comme un biau paradis,
Plus biau plus ne pouoit on querre :
Assis estoit en pleine terre,
D'une montagne à la costière,
Assis estoit sur la rivière,
Si en estoit plus delitables.
Entre vignes fructefiables
Et herbes très bien odorans.
En ce leu avoit encore enz
Pins, pomiers et arbres portanz ;
Mout estoit cilz leus confortanz,
Diex à merveilles i ouvroit,
Car la montaigne le couvroit.
Le fleuve poisson li donnoit
La terre li abandonnoit
De vin et froment avantage.
Et les herbes de maint buvrage
Bon, odorant et deUtable,
Li arbre maint fruit profitable.
Et lors clercs et pueples ensement Conseil ont pris communément Que cele petite eglisete,
Qui de vil matire estoit faite.
Soit mise à terre et despecie.
Et que nouvelle soit bastie.
Et quant les frères ceus oïrent, Entr'eus mout grant doleur en firent.
Jusqu'à tant qu'aucuns qui là furent.
Des plus anciens, s'aperçurent D'un édifice dechéu Qui estoit de pieçà chéu, Ouquel li païen aouroient Leur diex, quant il i demouroient :
E cilz leus estoit hautement Edefiez et fermement, Car les paroiz d'entour estoient Fermes et bien se maintenoient.
Lors les frères se conseillèrent Et les evesques appelèrent, Et puis ont, d'un assentement, Tous les ouvriers communément Envoié pour tout jus abatre.
Lors se prist chascun à debatre, Et fièrent des hoes et piz.
Mès si s'en va de piz en piz Que, pour force ne pour maistrise, Pierre n'en chiet, pierre n'en brise.
L'un fiert et boute, l'autre tire, Mès pierre ne s'en part de tire.
Ainsinc troiz jourz y labourèrent, Mais en ce riens ne profitèrent.
Lors, pourl'amour de saint Magloire,
NOTES ET PIECES JUSTIFICATIVES 309
Si com nous raconte l'estoire, Le maçon, dont j'ai dit arrière, En plorant dit en tel manière A ses compaignons, aus evesques, Et aus moines là joinz avecques :
Vez là un pillier par desrière
Qui soustient ceste grant perrière ;
Il est si fort et sihaut faiz,
Car il soutient trestout le laiz ;
Et s'aucun prenoit hardiesce
De abatre jus sa fortresce,
Tout ce qui céenz est en l'erré
Pardessus verseroit à terre :
Ce puet chascun de nous connestre.
Mès ce sans péril ne puet estre.
(Car en saint Magloire me fie Qiren ce besoin ne faudra mie) Ce grand piller detrancherai Et tout à terre aplanerai Car piller et pierres cherront.
Si que toutes genz la verront. »
A donc touz ceuz qui ce oïrent, En lermes du cuer li promistrent Ce qu'il leur avoit demandé, Et puis à Dieu s'est commandé.
Son pic et ses ferremenz prist, Et le piller abatre enprist.
Et cil pleurent, braient et crient, Ne autre chose ne font ne dient^ Et li maçons fiert, hurte, et boute, Et là mis a sa force toute.
De grant sueur et de grant force
A verser ce piller s'esforce Et tant fiert qu'en terre le verse.
A donc cele pierre diverse A grant noise toute versa, Et l'ouvrier desous renversa.
Riens n'i demoura en tenant Que tout me chéist maintenant.
Et cilz desouz est demourez.
Qui griement fut de tous plourez.
Et lors, com si ne li grevast Et que de son lit se levast, Cilz leur tent la main et parole En disant leur cele parole :
« — Hé, frères, ne vous traueilliez, Mès les vertuz Dieu merveilliez.
Car dès ce qu'à terre chéï, De mon cors ne me meschéï ; Car entre les pierres et moi Saint Magloire estoit avec moi, Et sus mon cors et sus mon chief Si n'ai sentu fais ne meschief. « Et, ce dit, par les mains le prirent Et grâces et merciz rendirent A Dieu touz, pour sa délivrance.
Joinz piez saut sus, et sain de vie S'en retourna à l'abbaïe Liez : et aussinques ot grant joie Chascun de ceus qui le convoie.
Puis en après les pierres prirent Dont l'église mout noble firent, Où fut saint Magloire honoré De mainte gent et aouré.
