DISCOURS DE FRANCE

du seurplus, et neantmoins se desmentoit et decrevoit en pluseurs lieux et des principaulx piliers s’enclinoient aux fais des aucuns. Or fut moult fort grevée de si long travail. Si se retourna le visage couvert de larlmes a l’entour de soy, comme desireuse de secours et contrainte par besoing. Et a celle heure apperceut trois de ses enfans, Pun estant droit en armes appuyé sur sa hasche, effrayé et songeux, l’autre en vestement long sur ung siege de costé, escoutant et taisant, letiers, en vil habit, reversé sur la terre, plaintif et Jangoureux. Comme doncques elle les eust choisiz a l’ueil, indignee en son hault couraige, vers eulx les prist a reprendre de leur oiseuse lacheté par parolles entrerompues souvent de douloureux soupirs qui de cuer adollé lui mouvoient, leur disant en ceste maniere: