LE CHEVALIER

De Ja savance et cognoïissance qui doit acompaigner la

magesté des princes et des seigneurs et leurs chevances convertir en maintes oeuvres me puis je bien taire et en laïssier les parolles a ceulx a qui sont les faiz et les dangiers, mais je m'arreste à l'obeissance et discipline de chevalerie dont nostre estat est a present reprouchiez et griefment reprins. Ou est cellui de nous qui peut garder “onde d'armes ne discipline de chevalerie a part soy, et qui la recevra ne retendra, s’elle ne lui est baillee et maintenue ? Comme commencera elle entre les membres, s’elle est defaillie es plus haulx ? Et comment la garderont les subgiez se leurs souverains la corrumpent? Et qui veultactaindre la racine de ceste maladie, il fault venir au fondement et a la sourse dont ceste ordonnance chevalereuse doit prendre sa continuacion et sa naissance, et que des maïistres viengne le patron et l’exemple sur ous leurs aides et leurs apprentiz doivent ouvrer, Les tresesleuz ensaignemens de Aristote pratiquez par voies de fait firent toutes choses subgectes et seurmontables a la chevalerie d’Alixandre, la constance et courageuse amonicion du roy Preamus redoubla la proesce du vaillant Hector, les aguaitz et advisé gouvernement de Hannibal

firent a ses gens passer les Alpes et les grans maraiz et mer-

veilleux passaiges sans grans dommaiges, les entreprinses et exercice d'armes du roy Charles le orant donnerent a Rouland, Ogier et Olivier leur grant renommee qui encores dure, et le meur adrecement et hault esgard du roy Charles derrenier mort fist le bon Bertran tant de foiz vaincre les ennemis glorieusement et le royaume de grief maleur soy ressourdre en paisible bieneureté. | | Cestui Bertran laissa de son temps une tele remonstrance en memoire de discipline er de chevalerie, dont nous parlons,

que, quiconcques homme noble se forfaisoit reprochable,

on lui venoit au mengier trencher la nappe devant soy. Ceste estroicte garde d’onneur et de sceurté fist le large chemin de