CHAPITRE I
On moys de juin, au jour des festes Vestalest, celluy propre on quel Brutus conquesta Hespaigne et subjugua les Hespaignolz; on quel.aussi Crassus l’avaricieux feut vaincu et deffai& par les Parthes?, Pantagruel, prenant congé du bon Gargantua son pere, icelluy bien priant (comme en l'Eglise primitive estoit louable coustume entre les sainéts Christians) pour le prospere naviguaige de son filz et toute sa compaignie, monta sus mer au port de Thalasset, accompaigné de Panurge, frere Jan des Entommeures, Epistemon, Gymnaste, * Eusthenes, Rhizotome, Carpalim et aultres siens serviteurs et domestiques anciens®; ensemble de Xenomanes le grand voyageur et traverseur des voies perilleusesé lequel, certains jours paravant, estoit arrivé au mandement de Panurge. Icelluy, pour certaines et bonnes causes, avoit à Gargantua laissé et signé, en sa . grande et universelle Hydrographie?, la route qu’ilz
tiendroient visitans l’oracle de la dive Bouteille Bacbucs.
Le nombre des navires fut tel que vous ay exposé on tiers livre, en conserve de triremes, ramberges®, gallions et liburnicques1®, nombre pareil, bien equippées, bien calfatées, bien munies, avecques abondance de Pantagruelion. L'assemblée de tous officiers, truchemens, pilotz, capitaines, nauchiers, fadrins, hespailliers et matelots feut en la Thalamegett, Ainsi estoit nommée la grande et maistresse nauf de Pantagruel, ayant en pouppe pour enseigne une grande et ample bouteille, à moytié d’argent bien liz et polly, l’aultre moitié estoit d’or esmaillé de couleur incarnat. En quoy facile estoit de juger que blanc et clairet estoient les couleurs des nobles voyagiers, et qu’ilz alloient pour avoir le mot de la Bouteille.
Sus la pouppe de la seconde estoit hault enlevée une lanterne antiquaire, faite industrieusement de pierre sphengitide et speculairel?, denotant qu’ilz passeroient par Lanternoys15,
La tierce pour divise avoit un beau et profond hanat de porcelaine.
La quarte, un potet d’or à deux anses, comme si feust une urne antique.
La quinte, un brocqinsigne, de sperme d’émeraude14,
La sizième, un bourrabaquin monachal, faict des quatre metaulx 15 ensemble.
La septieme, un entonnoir de ebene, tout requamé d’or, à ouvraige de tauchie16,
La huitieme, un goubelet de lierre bien precieux, battu d’or à la damasquine.
