Prologue de 1? Auteur

toutes feussent crevées ou espoinétées. C’est soubhaité cela! Que vous en semble ? Qu’en advint il? Au soir un chascun d’eulx eut les mules au talon ?0,

le petit cancre au menton,

la male toux au poulmon,

le catarrhe au gavion,

le gros froncle au cropion ; et au diable le boussin de pain pour s’escurer les dens.

Soubhaitez donc mediocrité : elle vous adviendra; et encores mieulx, deuement ce pendent labourans et travaillans. Voire mais, dictes vous, Dieu m’en eust aussi toust donné soixante et dixhuiét mille comme la treziesme partie d’un demy. Car il est tout puissant. Un million d’or luy est aussi peu qu’une obole.” Hay, hay, hay. Et de qui e$tez vous apprins ainsi discourir et parler de la puissance et predestination de Dieu, paouvres gens ? Paix: st, st, st; humiliez vous davant sa sacre face et recongnoissez vos imperfections.

C’est, goutteux, sus quoy je fonde mon esperance, et croy fermement que, s’il plaist au bon Dieu, vous obtiendrez santé, veu que rien plus que santé pour le present ne demandez. Attendez encores un peu avecques demie once de patience. Ainsi ne font les Genevoys”’1 quand, au matin, avoit dedans leurs escriptoires et cabinetz discouru, propensé et resolu de qui'et de quelz, celluy jour, ilz pourront tirer denares et qui, par leur astuce, sera beliné, corbiné, trompé et affiné, ilz sortent en place, et s’entresaluant, disent : Sonifa et guadain, messer. Wz ne se contentent de santé, d’abondant ils soubhaytent gaing, voire les escuz de Gua-

daigne7?. Dont advient qu’ilz, souvent, n’obtiennent l’un ne l’autre. Or, en bonne santé toussez un bon coup, beuvez en trois, secouez dehaït vos aureilles, et vous oyrez dire merveilles du noble et bon Pantagruel.

Comment Pantagruel monta sus mer pour visiter l’oracle de la dive Bacbuc.