Chapitre X XIV

veult, entendez vous bien ? que nous mangeons noëtre pain en la sueur de nos corps, non pas rien ne faisans, comme ce penaillon de moine que voyez, frere Jan, qui boyt, et meurt de paour. Voycy beau temps. A ? ce$te heure congnois je la response de Anacharsis le noble philosophe estre veritable et bien en raison fondée, quand il, interrogé quelle navire luy sembloit la plus sceure, respondit : celle qui seroit on port.

— Encores mieulx, dist Pantagruel, quand il, interrogé des quelz plus grand estoit le nombre, des mors ou des vivans, demanda : Entre les quelz comptez vous ceux qui navigent sus mer ? Subtilement signifiant que ceulx qui sus mer navigent, tant près sont du continuel dangier de mort qu’ilz vivent mourans, et mourent vivens5. Ainsi Portius Cato disoit de troys choses seulement soy repentir. Sçavoir est s’il avoit jamais son secret à femme revelé; si en oiziveté jamais avoit un jour passé et si par mer il avoit peregriné en lieu aultrement accessible par terre.

— Par le digne froc que je porte, dist frere Jan à Panurge, couillon mon amy, durant la tempeste tu as eu paour sans cause et sans raison. Car tes destinées fatales ne sont à perir en eau. Tu seras hault en Pair certainement pendu, ou bruslé guaillard comme un Pere. Seigneur, voulez vous un bon guaban contre la pluie ? Laissez moy ces manteaulx de loup et de bedouault?, Faictes escorcher Panurge et de sa peau couvrez vous. N’approchez pas du feu et ne passez par davant les forges des mareschaulx, de par Dieu : en un moment vous la voyriez en cendres; mais à la pluie exposez

vous tant que vouldrez, à la neige et à la gresle. Voire,

pat Dieu, jetez vous au plonge dedans le profond de l’eau, ja ne serez pourtant mouillé. Faiétez en bottes d’hyver, jamais ne prendront eau. Faictez en des nasses pour apprendre les jeunes gens à naïger : ilz apprendront sans dangier.

— Sa peau doncques, dist Pantagruel, seroit comme l’herbe die Cheveu de Venus, laquelle jamais n’est : mouillée, ne remoytie, tous jours est seiche, encores qu’elle feust au profond de l’eau tant que vouldrez ; pourtant, est diéte Adiantos.

— Panurge, mon amy, dist frere Jan, n’aye jamais paour de l’eau, je t’en prie. Par element contraire sera ta vie terminée.

— Voire, respondit Panurge ; mais les cuisiniers des Diables resvent quelque foys et errent en leur office ; et mettent souvent bouillir ce qu’on destinoit pour roustir ; comme, en la cuisine de ceans, les maistres queux souvent lardent perdris, ramiers et bizets, en intention (comme est vray semblable) de les mettre roufstir. Advient toutes foys que les perdris aux choux, les ramiers aux pourreaulx, et les bizets ilz mettent bouillir aux naveaulx.

“Escoutez, beaulx amis : je proteste davant la noble compaignie que, de la chapelle vouée à monsieur S. Nicolas entre Quande et Monssoreau, j'entends que sera une chappelle d’eau rose°, en laquelle ne paistra vache ne veau; car je la jetteray au fond de l’eau.

— Voylà, dist Rusthenes, le guallant. Voylà le guallant, guallant et demy! C’est verifié le proverbe Lombardique :

Passato el pericolo, gabbato el santo®,