CHAPITRE XX VII

“Je ne vouldroys (di$t Pantagruel continuant) n’avoir pati la tormente marine, laquelle tant nous a vexez et travaillez, pour non entendre ce que nous diét ce bon Macrobe. Encores suys je facilement induiét à croyre ce qu’il nous a diét du comete veu en l’air par certains jours præcedens telle discession. Car aulcunes telles ames tant sont nobles, precieuses et Heroïcques, que, de leur deslogement et trespas, nous est certains jours davant donnée signification des cieulxt. Et, comme le prudent medicin, voyant par les signes prono$ticz son malade entrer en decours de mort, par quelques jours davant advertist les femmes, enfans, parens et amis, du decès imminent du mary, pere, ou prochain, afin, qu’en ce reste de temps qu’il a de vivre, ilz l’admonnestent donner ordre à sa maison, exhorter et benistre ses