Chapitre XX VII

enfans, recommander la viduité de sa femme, declairer ce qu’il sçaura estre necessaire à l’entretenement des pupilles, et ne soyt de mort surprins sans tester et ordonner de son ame et de sa maison : semblablement les cieulx benevoles, comme joyeulx de la nouvelle reception de ces beates ames, avant leur decès semblent faire feuz de joye par telz cometes et apparitions metéores, Les quelles voulent les cieulx estre aux humains pour pronostic certain et veridicque prediétion que, dedans peu de jours, telles venerables ames laisseront leurs corps et la terre.

“Ne plus ne moins que jadis, en Athenes, les juges Areopagites, ballotans pour le jugement des criminelz prisonniers, usoient de certaines notes scelon la varieté des sentences, par © signifians condemnation à mort ; pat T, absolution; par À, ampliation : sçavoir est quand le cas n’estoit encores liquidé?. Icelles, publiquement exposées, houstoient d’esmoy et pensement les parens, amis et aultres, curieulx d’entendre quelle seroit l’issue et jugement des malfaiéteurs detenuz en prison. Ainsi, par telz cometes, comme par notes ætherées, disent les cieulx tacitement : Homes mortelz, si de cestes heureuses ames voulez choseaulcunesçavoir,apprandre, entendre, congnoistre, preveoir, touchant le bien et utilité publicque ou privée, faictez diligence de vous representer à elles, et d’elles response avoir; car la fin et catastrophe® de la comœdie approche. Icelle passée, en vain vous les regretterez.

‘ Font d’adventaige. C’est que, pour declairer la terre et gens terriens n’estre dignes de la presence, compaignie et fruition de telles insignes ames, l’estonnent et

espovantent par prodiges, portentes, monétres, et aultres precedens signes formez contre tout ordre de nautre. Ce que veismes plusieurs jours avant le departement de celle tant illustre, genereuse et heroïque ame du doéte et preux chevalier de Langey, duquel vous avez parlé.

— Il m'en souvient, dist Epistemon, et encores me frissonne et tremble le cœur dedans sa capsule, quand je pense es prodiges tant divers et horrificques lesquelz vismes apertement cinq et six jours avant son depart. De mode que les seigneurs de Assier4, Chemantÿ, Mailly le borgnef, Saint Ayl?, Villeneufve la Guyartf, maistre Gabriel medicin de Savillan®, Rabelays, Cahuau, Massuault, Maioriciti, Bullou, Cercu dit Bourguemaistre, François Proust, Ferron, Charles Girard, François Bourré, et tant d’aultres, amys, domesticques et serviteurs du defunét, tous effrayez, se regardoient les uns les aultres en silence, sans mot dire de bouche, mais bien tous pensans et prevoyans en leurs entendemens que de brief seroit France privée d’un tant perfaict et necessaire chevalier à sa gloire et protection, et que les cieulx le repetoient comme à eulx deu par proprieté naturelle.

— Huppe de froc, dist frere Jan, je veulx devenir clerc sus mes vieulx jours. J’ay assez belle entendouoire, voire. Je vous demande en demandant,

Comme le roy à son sergent, et la Royne à son enfant :

“ Ces Heroes icy et Semidieux des quelz avez parlé peuvent ilz par mort finir ? Par Nettre Denel?! je pensoys en pensaroysl® qu’ilz feussent immortelz, comme