Chapitre XXXIV

sembloient aux grosses poultres sus les quelles sont les ponts de Nantes, Saulmur, Bergeracl0, et à Paris les ponts au Change et aux Meusniersil soustenuz, en longueur, grosseur, poisanteur et ferrure) de mil pas loing il ouvtoit les huytres en escalle sans toucher les bords; il esmouchoit une bougie sans l’extaindre; frappoit les pies par l’œil; dessemeloit les bottes sans les endommaiger; deffourroit les barbutes sans rien guaster; tournoit les feuilletz du breviaire de frere Jan, l’un après l’aultre, sans rien dessirer.

Avecques telz dards, des quelz estoit grande munition dedans sa nauf, au premier coup il enferra le physetere sus le front, de mode qu’il luy transperça les deux machouoires et la langue, si que plus ne ouvrit la gueule, plus ne puysa, plus ne jeéta eau. Au second coup il luy creva l’œil droiét; au troyzieme, l’œil guausche. Et feut veu le physetere, en grande jubilation de tous, porter ces troys cornes au front quelque peu penchantes davant, en figure triangulaire equilaterale et tournoyer d’un cousté et d’aultre, chancellant et fourvoyant comme estourdy, aveigle et prochain de mort.

De ce non content, Pantagruel luy en darda un aultre sus la queue, panchant pareillement en arriere; puys troys aultres sus l’eschine en ligne perpendiculaire, par equale distance de queue et bacl? troys foys justement compartie. Enfin luy en lança sus les flancs cinquante d’un couté et cinquante de l’aultre. De maniere que le corps du physetere sembloit à la quille d’un guallion à troys gabies, emmortaisée par competente dimension de ses poultres, comme si feussent cosses et porte-

hausbancs de la carine. Et estoit chose moult plaisante à veoir. Adoncques mourant, le physetere se renversa ventre sus dours, comme font tous poissons mots ; et ainsi renversé, les poultres contre bas en mer, ressembloit au scolopendre, serpent ayant cent pieds comme le descript le saige ancien Nicander1?.

Comment Pantagruel descend en lisle Farouche, manoir antique des Andouilles.