Prologue de l’ Auteur
revolution des Cieulx, la constellation des AStres et aspect des Planettes que quiconques coingnée perdera soubdain deviendra aussi riche ? Hen, hen, ha! par Dieu, coingnée, vous serez perdue, et ne vous en desplaise.” Adoncques tous perdirent leurs coingnées. Au diable l’un à qui demoura coingnée ! Il n’estoit filz de bonne mere qui neper di$t sa coingnée. Plus n’estoit abatu, plus n’estoit fendu boys on pays, en ce default de coingnées.
Encores, dist l’apologue Æsopicque que certains petitz Janspill’hommes68 de bas relief, qui à Couillatris avoient le petit pré et le petit moulin vendu pour soy gourgiaser à la monétref®, advertiz que ce thesaur luy estoit ainsi et par ce moyen seul advenu, vendirent leurs espées pour achapter coingnées, affin de les perdre, comme faisoient les paysans, et par icelle perte recouvtrir montjoie d’or et d’argent. Vous eussiez proprement diét que fussent petitz Romipetes, vendens le leur, empruntans l’aultruy, pour acheter mandatz a tas d’un pape nouvellement creé. Et de crier, et de prier, et de lamenter, et invocquer Juppiter. “ Ma coingnée, ma coingnée, Juppiter! Ma coingnée decà, ma coingnée delà, ma coingnée, ho, ho, ho, ho! Jupiter, ma coingnée! ” L’air tout autour retentissoit aux cris et hurlemens de ces perdeurs de coingnées.
Mercure feut prompt à leur apporter coingnées, à un chascun offrant la sienne perdue, une aultre d’or, et une tierce d’argent. Tous choisissoient celle qui estoit d’or, et l’amassoient, remercians le grand donateur Juppiter; mais sus l’instant qu’ilz la levoient de terre, courbez et enclins, Mercure leur tranchoit les
teStes, comme estoit l’ediét de Juppiter. Et feut des testes couppées le nombre equal et correspondent aux coingnées perdues. Voylà que c’est. Voylà qu’advient à ceulx qui en simplicité soubhaitent et optent choses mediocres.
Prenez y tous exemple, vous aultres gualliers de plats pays, qui diétez que, pour dix mille francs d’intrade, ne quitteriez vos soubhaitz; et dèsormais ne parlez ainsi impudentement, comme quelque foys je vous ay ouy soubhaitans : “ Pleust à Dieu que j’eusse presentement cent soixante et dixhuiét millions d’or! Ho, comme je triumpheroys! ?” Vos males mules! Que soubhaiteroit un Roy, un Empereur, un pape d’advantaige ?
Aussi, voyez vous par experience que, ayans faict telz oultrez soubhayts, ne vous en advient que le tac et la clavelée, en boutse pas maille; non plus que aux deux belistrandiers soubhaiteux à l’usaige de Paris; desquelz l’un soubhaitoyt avoir en beaulx escuz au Soleil autant que à esté en Paris despendu, vendu et: achapté, depuys que pour l’edifier on y jeéta les premiers fondements jusques à l’heure presente : le tout estimé au taux, vente, et valeur de la plus chere année qui ayt passé en ce laps de temps. Cestuy, en vostre advis, estoit il degousté ? Avoit il mangé des prunes aigres sans peler ? Avait il les dens esguassées ? L’aultre soubhaitoit le temple de No$tre Dame tout plein d’aiguilles asserées, depuys le pavé jusques au plus hault des voultes, et avoir autant d’escuz au Soleil qu’il en pourroit entrer en autant de sacs que l’on pourroit couldre de toutes et une chascune aiguille, jusques à ce que
