I. rasoir font apareillier
Entendez le baptisement
Que li juis font a l'enfant:
Onques n'i otoile ne cresme, Quant il firent cel saint Lbaptesme, Mes que d’un rasoir bien trenchant Li trenchierent par de devant
De son membre le cuir en son, C'on claime circoncision.
À icel jor qui donc estoit
Autre baptesme n'i avoit,
Mes que le membre li trenchoient Au valleton q'il baptisoient.
Des dames n'ai soing de parler Ne lor baptesme raconter,
Car toute rien doit fame amer
Et chier tenir et honorer
Et essauchier a son pooir.
Ge vos di bien, segnor, por voir Que nostre sire molt ama
Fame, quant en li s'esconsa ;
Et por l'amor a la grant dame Doit on honor porter a fame,
Et por celui qui tant l’en fist
Que sus tous les angles l’assist, Car toz li mondes iert dampnez Quant par fame fu rachetez.
Ovrés vos cuers et vos oreilles, Si escoutez molt granz merveilles Qui a Rome avindrent le jor
Que Dex nasqui por nostre amor.
La grant riviere et tot le Toivre
Qui cort a Rome devint oile, Et une beste vint corant
Par la porte en Jerusalant.
Par la cité huchant ala,
Et toz li mondes l'esgarda,
Et dist que Jhesus estoit nez, Oriert li mondes rachetez.
Li rois Herodes i estoit,
La beste oï qi ce disoit,
Que Dex estoit nez, nostre pere, Qui iert de toz li mons sauvere.
Grant duel en ot en son corage Et dist Ja n'iert de tel lignage Que, s’il voloit sor lui raignier, Ne li feist le chief trenchier.
Donc regarda vers oriant
Et vit l’estoile flamboiant.
Un sien sergant en apela, Isnelement li commanda:
« Va,si m'amaine mes mesages, Si cerchent viles et boscages, Et qui l'enfant pora trover
Si le me face delivrer.
Ge li ferai le chief trenchier, Ardoir en feu et essillier,
Car l'estoile qui lassus est
Nos mostre bien quex homs il est.
Se il vit auques longuement, L’estoille fet bien le semblant Que, se il se fait aourer,
Il me vaudra desheriter. »
Lor fet toute sa gent mander Et fet a chascun commander Par briés, par letres, par seax, Et fet garnir toz ses chastiax, Puis dit qui l'enfant li menra Son mestre chamberlenc sera, Tant li donra de manandie James n'iert povres en sa vie.
DE SAINT FANUEL
Atant lairons d’'Erode ester, D'autre chose vaudron parler.
En orient .ru1. rois estoient, Qui adonc a cel tens vivoient.
1815 Cil .ux, ont l'estoile veue, Qui molt grant joie en ont eue.
Donc sevent bien veraiement Que Dex est nez certainement.
Chascun s’esmut de son païs, 1820 Ainc nel sot nus de ses amis.
Tant sunt alé qu'il sont venu.
Par le commandement Jhesu, À .1. chemin sont assemblé Tot li .111. roi et encontré.
[V°1 Li uns a l’autre demanda 1826 Quels homs il est et ou il va.
Chaseuns a dit que rois estoit, Cele estoile le conduisoit, Que li sires des rois est nez, 1830 Oriert li mondes rachetez.
« Si l'irons volentiers requerre, Mes ne savomes pas la terre. »
Ce dist li tiers: « E je i vois; Or nos conduie Dex li rois. »
1835 Et li estoile s’abaissa, Qui droite voie les mena.
T'ant sont alé q’il sont venu La ou li rois Herode fu.
A l'entrée de la cité 1840 ‘Troevent .x. chevaliers armé, Qui ont les blans haubers vestuz ; En lor mains tienent les brans nus.
11 ont les .in. rois encontrez, Maintenant les ont arrestez.
1845 «Segnor, font il, vos estes pris.
Qui vos conduit par cest pais?
Qu'alez querant par ceste terre?
Je cuit vos la volez conquerre. »
— « Segnor, ce dist li .r. des trois,
Ains nos conduit li rois des rois, Qui a sauveté nos menra. »
— « Par foi, font il, or i parra, Car il n’est nus si grant segnor Com Herode l'empereor.
Se Herode vos conduisist,
Ne trovissiez qui vos presist.
Vos en venrez, voilliés ou non; Devant Herode vos menron.
Se ne vos poez desraisnier,
Ge vos ferai les chiés trenchier. »
Cil responent molt doucement :
« Nos vos sierrons, alez avant, Car la force, ce m'est avis, N'est mie nostre en cest païs. »
À Herodes en sont venu, Chascun li a dit son salu.
Herode les met a raison :
« Dont estes vos, font il, baron?
Estes vos compaignon tout troi?»
Dist li ainsnez : « Oil, par foi, D’Arrabe sui rois coronez
Et Melchior sui apelez. »
Herode dist a l’autre roi:
«Dont estes vos ? dites le moi. »
Cil respont : « Sire, volentiers.
De Tarse sui fors rois et fiers, Toute la terre ai a garder,
Mon non ne vos qier ja celer ; Et cist enfes, rois de Samar,
Si l’apele on Baltazar.
.I. demoisel alons querant,
Qui est nez tout novelement, Qui trestoz nos justisera
Et la contrée maintendra. »
Herodes entent la novele,
Qui ne li fu bone ne bele ;
Mes il lor fist molt bel semblant Et demanda tot en riant:
DE SAINT FANUEL
« Savés vos or combien il a?
Dites le moi, nel celez ja,
Par cele foi que me devez,
À quel termine fu il nez?»
Ce dist il tout par traïson,
Car il voloit savoir le non
De cel saint jor que Dex nasquit.
Et il li a le terme dit.
« Segnor, fet il, alez i lors Tant que trové aiés le cors,
Et quant vos l'arez aouré
Et vostre offrande presenté, Venez par moi, nel lessiez mie :
Si me raconterez sa vie,
Puis si irai delivrement,
Si l’aourerai doucement. »
Departi [se] sont li .ur. roi:
En Belleem en vont li troi.
Quant son entré en Belleant, L'estoile virent flamboiant, Qui sor l'ostel est arrestée
Ou nostre dame iert delivrée De son chier filz, si le tenoit Sor ses genox et l'alaitoit.
Melchior fu li rois ainsnez.
a Segnor, dist il, se vos volez, Ge li donrai avant cel or,
Que je ai pris en men tresor.
Lors saurai bien, se il le prent, Qu'il iert rois pardurablement. »
L'or li dona, et il le prist.
Li jones roi Baltazar dist - Qu'il li presentera encens.
Ce sera senefñiemens,
Se il le prent, ne faudra mie Qu'il ne soit prestres en sa vie.
Donques a dit li rois Jaspar Que le myrre li offerra.
S'il le rechoit, il sera mors
Et ensepulturés li cors.
Le myrre prent Dex, cil l'offri, Puis fu mors et enseveli
Et enz el sepulchre posez
Et el sidoine envolopez,
Quant il fu de la crois jus mis, Ou cloé l’orent lijuis;
Puis surrexi au diemeine.
Li troi roi furent molt estraigne, Qui si ont Dex espermenté Par l’offrende c'ont presenté.
En Belleem sunt herbegié.
La nuit quant il furent couchié, Dex a els .1. angle tramist
Qui lor noncha et si lor dist:
« Par Herode n’en ralez mie, Ne vos metez en sa baillie, Par autre chemin enralez, Dex vos menra a salvetez. »
Li troi roi molt se merveillierent, Isnelement s’apareillierent.
Quant il orent a Deu parlé
Et autre offrende presenté, Alé s'en sunt par autre voie; Et l'estoile les reconvoie,
Tant qu’en lor terre sont venu Et a grant joie recheü.
Atant lairons des rois ester, D'autre chose voudron parler.
S. Semyon el temple estoit,
Qi estoit vex que tot crolloit.
11 atendoit la profecie
De Damedex le fiz Marie,
Que le profete li ot dit Et tesmoignié, selonc l'escrit, Qu’asseur fust qu'il ne morroit Jusq'a cele hore qu'il tenroit , Entre ses bras le salveor,
Le roi del ciel, nostre segnor.
DE SAINT FANUEL
Ce dist li velx S. Semions, Qui atendoit a genoillons:
« Dex, j'ai vescu si longuement, 1970 Or me morrai procheinement.
Las! Le profete m'a menti, Qui ce me dist, quant je le vi, Que je tendroie le tien cors, Aïinz que del mien fust l’ame hors.
1975 Glorieus Dex de majestez, Par les teues saintes bontez, Done moi enluminement En ta gloire durablement, Que de tout soit a ton plaisir.
[F° 29] Sire, ge te cuidai tenir 1981 Ains que ge fusse deviés ; Donc eüsse mes volentez ! »
Ce dit la devine escripture:
Li hom qui en Deu met sa cure 1985 Et qui a lis’atent del tout Mal n’autre chose ne redout, Car Dex li done ce qu'il velt, De nule riens son cuer ne delt, Aiïns a trestout a son talant.
1990 Selonc la loiS. Moysant, Quant les dames se relevoient, Celes qi valletons avoient, Chascune portoit .u. coulons Por fere lor oblations.
1995 Coulons ce est humilitez, Torterele c’est chasteez.
Molt est loiax la torterele:
Quant li masle pert sa femele, James nul’autre n’en ara 2000 Ne sor vert raim ne s’asserra.
.V. semaines tot plainement Jut la dame de son enfant; Mais, pour atendre son lignage, Qu'ele estoit molt de haut parage, 2005 Iot.iu. jors, c'est veritez.
Adonques vint ses parentez, Qui au temple l’en ont menée.
Donc fu s’offrende presentée
De cel segnor qi toz nos fist.
.J angle a S. Symeon dist:
« Simeon, apareille toi,
Ge le te di en bone foi,
Lieve tost sus delivrement, Entre tes bras rechoif l'enfant, Sus l'autel le presenteras. »
Il sailli sus isnelespas,
Si a le temple deffermé,
11 ovri l’uis, s’a encontré Nostre dame sainte Marie,
O li sa bele compaignie.
Entre ses .n1. braz prist Jhesu ; Dex li dona si grant vertu Qu'autresi l'emporta laians Comme s’il n’eust que .xxx. ans; Si l’a offert desus l'autel.
Huimes vos devons bien conter Des .xr1. rois qi sont revenu, Qui par Deu furent porveü, Qui par Herode ne venoient, Et en covenant li avoient Qu'il li diroient le pais,
Et la contrée et le porpris
Ou il aroient Deu trové.
Dist Herodes : « Il m'ont gabé.»
Partout envoie ses mesages Garder les pors et les passages, Que les enfanz n’en portast on, En escripture le trovon.
Herodes ot grant marement, Moit ot le cuer tristre et dolent, Quant vit que li roi ne venoient Ne par li ne retorneroient,
Ne de l'enfant riens ne sara, Ou il est nez ne que sera.
DE SAINT FANUEL t3
Forment li torne a grant annui Que, quant il furent devant li, Qu'il ne les fist toz .IlI. ocire.
Molt par en a en li grant ire De ce qu’il l'ont ainsi gabé, Que par lui ne sont retorné.
Porpensa soi que il fera ;
Se il puet il le trovera.
Herodes fait venir a soi
Toz les menistres de la loi,
Qui mex sevent la loi tenir; Tous les fait devant li venir, Silor demande et fet enquerre Se il sevent nomer la terre La ou cil enfant devoit nestre.
Adonc respondirent li mestre Qui les escriptures savoient, Quant Herode tormenté voient:
« Sire, font il, les profecies Qui .M. anz a furent oïes Dient qu’en Belleem naistroit Jhesu, qui tot governeroit ;
De la ligniée de Yessé Naistroit Jhesu par verité, D'une virge saintime et pure; Ce nos raconte l’escripture Qu'en Belleem cil roi naistra Qui toz li mons gouvernera. »
Quant Herodes ot et entent Que Dex naistroit en Belleant, Si cuide bien, que que nus die, Qu'il li toille sa segnorie,
Por ce qu’il est nez en s’onor.
Porpensa soi de grant folor, Qu'en Belleem fera ocire
Les enfanz qu’il porra eslire De .u. anz et demi le plus ; Ainsi sera ocis Jhesus.
Lors mande Herode coreors
Et chevaliers et vavassors, 2085 Et si lor dit celeement Qu'il s’en voisent apertement Sor lor chevax tres bien armés, Et facent guetier les cités, Que nis .1. ne s’en puisse issir, 2090 Et quant le jor verra venir La cité toute cerchera Et les enfanz en ocira, Quan que il en porra trover.
Donc ne li porra escaper 2095 Jhesu que il ne soit ocis; Ainsi sera à la mort mis. Oiez d'Erode le felon Com il pensa grant traison, Qu'il quide Dex prendre et ocire, 2100 Qui tout le mond voit et remire, Qui fist et ciel et mer et terre.
Molt à enprise fole guerre Li rois Herode, ce m'est vis, [F° 31] Car en la fin en fu honis.
2105 Joseph qui fu en Belleem Ne se gaitoit ne tant ne quant.
En cele nuit lau il se jut .L S. angle li aparut, Qui li dist : « Joseph, sus levez, 2110 Chauciés vos tost et atornez, Prenez la mere atout l'enfant, Issiez molt tost de Belleant, Car Herode demain vendra, La cité toute cerchera, 2115 Ocire fera les enfanz.
Herode li faux, [li] tiranz, Jhesu cuide saisir et prendre; Lieve tost sus, sanz plus atendre, Car tu t'en pues ore aler cuite.
2120 De ci t'en va droit en Egipte, En la cité Pantapolus ; Iluec sera cois et seurs.
DE SAINT FANUEL
En la cité sejorneras,
D'iluec ne te removeras
Desi que je le te dirai
Et que je le t'anoncerai. »
Joseph ot l'amonestement
De Deu le pere omnipotent ;
À mienuit est sus levez,
Comme sages homs et senez;
La virge sus la mule assist
Et son enfant devant li mist.
Joseph s'en est tornez atant,
La mere en maine et son enfant.
As portes parmi la cité
Sunt li baron tot ferarmé ;
La cité gardent tot entor
Que nus n’en isse jusq'au jor.
Joseph, qui vint par la cité,
A tant esploitié et esré
C'a une porte en est venus.
Dinas le garde, .1. hax gius; Amis Herode estoit fievés.
« Sire, dist il, la porte ovrez,
Ge sui .1. povres hom, biau sire, Laissiés me hors, Dex le vos mire !
Povre gent somes, s’alons querre Nos garisons par mainte terre, Car icin’avons garison,
Terre ne rente ne maison, Certes, ne nos ne somes mie Males gens ne de male vie.»
— « Non», dist Dinas, si le regarde :
« Tu pues cheminer, tu n’as garde, Va t'en au Damedeu plaisir. »
Lors li a fet la porte ovrir.
Atant s’en est Joseph issus,
A la campaigne en est venus.
Droit en Egipte s’achemine, L'enfant en maine et la roïne
Del ciel amont et de la terre.
Herode a enpris sote guerre, Car, si comme dit li escris, Ïen fu en la fin honis.
Herodes, qui tant fu cruels,
Li emperere des Ebriels,
Fait la cité toute cerchier,
À l’endemain à l’esclerier
A fet touz les enfanz tuer, Martirier et decoler,
Qui n'avoient passé .11. ans ; Morir les fait a grans ahans.
La veissiez plorer les meres, Cousins, parens, serors et freres.
Li tirant les enfants tuoient
La ou les meres alaitoient.
La oissiez crier et braire
Les meres et grant dolor fere, Batre lor palmes, lor poins tordre Et la terre engloutir et mordre, Baisier lor enfanz touz ocis. .
Si s'escrient a molt haus cris:
« Ahi! Herodes, max tirant, Que demandes a nos enfanz?
Cuides tu dex ainsi ocire
Qui touz li monz voit et remire?
Cuides tu a ciltolir vie
Qui le mond a en sa baillie?»
Rachel ne se pot conforter, Quant ses enfanz vit decoler, Aiïns dist ja ne confortera,
Por ses enfanz anchois morra.
Adonc morut de duel la dame, Et Dex en a recheu l’ame,
Mise et assise entre les sains.
Herode ne s’est mie fains
De Deu ocire et detrenchier ; Mes or se puet bien corocier, Que Joseph à ja tant erré,
Et esploitié et cheminé
DE SAINT FANUEL
Qu'en la cité Pantapolus
Est Joseph li sains homs venus.
Quant Dex entra en la cité,
.L. miracle i a demostré:
Que a cel tens iert en usages Que tuit avoient lor ymages En lor chambres ou il creoient ; Au matin quand il se levoient, Les aouroient et cremoient
Et del tout fiance i avoient.
Ces ymages que vos oez, Quant Dex fu en la vile entrez, Debrisierent communalment.
Encontre son avenement,
Par la cite sont pechoié
Les ymages et defroissié ;
Et li juif qui les avoient,
Quant lor ymages froissiez voient, Si se sunt tout esmerveillié,
Li .1. a l’autre a conseillié Quel signes est qui avendra, Par qoi li mons se troublera, Aucuns sires est nez en terre Qui a esmute ceste guerre.
Ainsi sejorna longuement Joseph ovecques cele gent.
Li enfes, la virge Marie Conversent o la gieurie.
Assez 1 fist de ses aviax
Nostre sire o les jueteax.
En la vile ot une fontaine
Qui molt estoit et clere et saine, Et Jhesu l'enfant si gooit
O les juetax qu'il menoit.
Lor canetes en lor mains ont; I] avoit .I. perron reont
Qui en mi la fontaine estoit,
Et nostre sire si getoit
Contre la pierre sa kanete;
2240 Mais ainc n’en esclata micte, Ainz revint toute saine a li.
Et li juis font autresi, Lor pochons getent a la pierre, Mes ne revienent pas arriere, 2245 Ainz sont dedens l’eve affondré, Debrisié et escartelé.
La oïssiez grant braierie ; Sovent s'en claiment a Marie De Jhesu qui lor fet anui.
2250 «Si n’alez pas, fet ele, o lui.»
— «Voir, dame, font il, si ferons, Que tenir ne nos en poons; Mes dites li, se il vos plest, Que il ne nos face plus let. »
2259 — «Douz filz, dist la virge Marie, Lessiez en pes vo compaigniel(re); Soiés si frans, si debonere Que vos puissiez a trestoz plere; [V°] Ne mefaites vos compaignons ; 2260 Que ne nos esmovez tenchons ; Lor meres se claiment a moi, Biau fiz, dont j'ai sovent annoi. »
Adonc respont le salveor :
« Mere, il sera encore un jor 2265 Qu'il le me voudront chier merir.
El vis me vendront escopir Et de lor palmes grans cops rendre ; En la crois me feront estendre, En l'estache batre et lier, 2270 Piés et mains et costé perchier.
Si me venge a ces larronchiax, Qui en la foi seront molt fax :
Demain lor bastirai tel plet Qui lor sera hontoz et lait.
2275 Douce mere, ne vos anuit, Ge faz entr'els de mon deduit. »
Ainsi ont la nuit trespassée, Tant que vint a la matinée,
DE SAINT FANUEL
Que li soleus molt cler raia, Si com Jhesu le commanda.
Puis assemble si compaignon Entré sont en une maison,
Ou il avoit .1. solier haut,
La ou li soleus luisoit chaut, Par les pertuis, cler et vermeil.
Jhesu monte sor le soleil, Ausi montent si compaignon ; Mes tuit chient a ventreillon, Si se brisent braz et espaules.
Jhesu remaint l’esperitables, Qui sor le soleil chevaucha, Si com il veut, et cha et la, Et li juitelse pasmerent
Trestuit, et puis si s’escrierent:
« Jhesuel nos fet mehaignielr| Et toz nos membres debrisier. »
Ainques n’i remest juitel
Qui n’en portast vilein merel, Qui n’eust pié ou bras froissié Ou visage ou chief debrisié.
Chascun jor venoit la clamor De Jhesu nostre salveor.
Apres grant tens, com orrez ja, Li rois Herodes defina,
Qui tant fu mails et renoiés, Pires que lion enragiée.
Or entendez, por Deu amor, La fin de cel mal traïtor :
Oez comment Dex l’atorna ;
Il fu meseax, si engrouta,
Il fu fievreus, il fu liepreus, Toz fu deffez, si fu fieus,
Il ot corson et menoison,
Si li porri foie et pormon,
Il fu enflez, si decreva,
Le flestre en ses plaies entra, Le fondement si li sailli,
Il ot goute, fi et porfi.
Pouacre le fet si trembler, 2320 D'angoisse les denz marteler, [V°] Que hore ne puet estre en pais ; Il est toz devenus contrais.
Quant vit qu'il fu si malbaillis Et de tant de dolors afflis, 2325 Il fet par tot mires mander, Por lui aidier et meciner ; Mes n'i valt riens mediciners.
Quant voit queses tans est finés, Toz ses mires a fet tuer, 2330 Quant ne le porent respasser.
Quant vit qu'il ne porra garir, Del sens commencha a issir, Il plore et brait et usle et crie, Et entre en tel forsenerie, 2335 Por ce qu’il devenoit contrais, Vers sa fame est une nuit trais, Gete les mains, si l’estrangla, Si qu'entre ses mains devia.
Puis s’en revint par ses enfans, 2340 .Ir. en estrangla li tirans ; Le tiers s’en fui tout tremblant, Et trespensis et esmaians, Toz nus s’en fui et descaus.
Rois fu, si out non Archelax.
2345 Son pere fist prendre et tenir, En plom boulant le fist salir.
Toz fu bruis el plon ardant, C'on l'i geta la teste avant.
Li fel tirans ainsi fu mors, 2350 Molt soufri male fin le cors.
Oï avez com faitement [F° 35] Herode morut a torment.
À Joseph est l'angle venuz, Qui de par Deu li rent saluz 2355 Et si li a trestout conté Comment Herodes est finé.
DE SAINT FANUEL
Or puet aler hardiement
En la cite de Belleant,
Ja mar doutera mes nului
Que il li face nul annui.
Apres la mort del mal tirant, Revint Joseph en Belleant, Porpensa soi, sanz plus atendre, Q'au temple ira s'offrende rendre En Jerusalem et ourer,
Lui et la virge per a per. L'enfant Jhesu o lui menra
Molt chierement, que molt l’ama.
Au temple vindrent, si ourerent Devotement et presenterent Lor offrendes, si com drois fu.
Endementres s’en va Jhesu,
Si s’assist entre les juis
Et recorda toz lor escris.
A els commence a desputer
Et l'escripture a demostrer,
Les lois et les commandemens.
Cil qui furent de gregnor sens, Ce furent li plus esbahi ; Devant Jhesu s’en sont fui.
Atant es vos sainte Marie
De son enfant toute esmarie.
A dire l’out, si le queroit.
Quant entre les juis le voit:
« Fiz, fait elle, je te queroie, De toi mult corociée estoie,
Ge et ton pere, biau dous fis.
Que fais tu entre ces juis ? »
I] li respont : « Ma douce mere, Ge faz le commant a mon pere.
Des or mes voudrai preechier Et la loi mon pere essauchier. »
Atant s'en parti et torna;
En Galilée preécha.
Par la terre de Galilée,
S'en va jouste la mer salée.
Jluec trova .Ir. pescheors, Qui vivoient de lor labors.
Pescheor erent en la mer; 2400 De ce soloient laborer.
Se vos volez, de ces barons Porrez ici oïr les nons:
Pierres, Simon, le tiers Andreu.
« Segnor baron, ce lor dist Deu, 2405 Ge sui venuz li mons salver, Por mes amis d'enfer geter.
De mon sance les racheterai, Por mes amis en crois morrai.
Or lest chas[cuns] le soen mestier, 2410 Et si m'aidiez a preechier.
Ge vos ferai pescheors d'omes. »
— « Sire, dist S. Pierre, nos somes De toi servir tout apresté.
[F° 36] ‘lrestot ferons ta volenté, 2415 Et por toi lairons no mestier, Et si feron ton desirier.
De toi servir est chascun prest ; Por toi morrons se mestier est. »
Adonc lessierent lor labor, 2420 Por l'amistié nostre segnor.
Laissié ont lor chalant tot troi, Si sievirent le sovrain roi.
Ainsi devroient tote gent Faire le Deu commandement, 2425 Comme fist S. Pierre et sifrere Qui firent le commant lor pere.
A chaus doivent example prendre Chil qia Deu velt l'ame rendre, Car cil qui trop tent a avoir 2430 Ne fet mie trop grant savoir, Qu'il en pert Dex et s'amisté ; Ne li membre de charité, Ne de la povre gent aidier, Ne de vestir ne de chaucier.
DE SAINT FANUEL 63
Mes bien sachent la riche gent, Qui assez ont or et argent,
S'il n'en departent a lor vie, J'a n’aront Deu a compaignie Ne ja o lui ne raigneront,
Ne sa compaignie n’aront.
Tot seront mis hors de la porte.
Qui ce ne fet s’ame en iert morte ; O les mals fez sera portée,
En infer mise et covrée.
En enfer aront tenebror
Cil qi vers Deu n'’aront amor.
Iluec languiront a tot dis,
Tant com Dex iert en paradis.
Por avoir est li mons troublez, Avoir fet faire malvestés,
Avoir fet fere mariages
Qui puis tornent a grans damages, Que, puis que fame est espousée Et qu'ele est loialment sacrée, S'el se meffet vers son mari,
En enfer ara cuer mari,
Des deables iert defoulée
Et enz el feu ardant jetée ;
Et si li durra cele vie
Tant com vivra le fiz Marie.
Et cil qui meffait vers sa fame Ja Dex ne verra en sonragne; Geté seront o les deables.
Ne tenez pas cest dit a fables, Car l'escripture le nos dit.
Por ce ne doit prendre respit Nus preudons de lui amender, Car on ne puet longues durer.
Nus ne doit avoir seurté
Ne en avoir ne en santé ; Deguerpir devons tote honor, Por l'amistié nostre segnor.
Si ensieons le roi del mond,
Si com saint Pierre fist adont.
Quant Dex ot ces .r11. convertis, En une cité de juis
S'en est nostre sire venus.
Iluec trova molt de gius.
La loi lor prist a sarmoner
Et l’escripture a demostrer.
.L. changeor iot le jor,
Riches homs et de grant honor.
Assez avoit a[r|gent et or
Et grant richesce et grant tresor.
Quant le fiz Deu oï parler, Devant lui vint merci crier.
Maheus ot non li toneliers; Devant Jhesu chaï as piés,
Et Diex li dist molt doucement:
« Mahiex, fai mon commandement.
Lai por moi t’onnor et ton or; Ge te donrai gregnor tresor :
En paradis seras o moi. »
Dist S. Mahiex : « Et je l’otroi.»
Quant il ot illuec sarmoné
Et l'escripture demostré,
Vint as noces Archetriclin.
Iluecques fist de l’eve vin.
Archetriclin fist grant ator Contre Jhesu le creator ;
Riches noces fist on de li,
Moit l'onorerent li gui;
Molt furent riche li mengier; Mais vin failli au bouteillier.
Si en fu forment esmaris
Et tout li menistre esbahis.
Nostre segnor vit les serganz Qui molt sunt tristres et dol&n:; À soi apele .r. des menistres:
a Faites moi tost emplir ces ydres; Quant li vaissel seront empli,
Si m'en metez .1. devant mi.»
DE SAINT FANUEL 65
Cil firent son commandement ; Les vaissiax emplent erramment.
Quant li vessel furent empli, Nostre sire un en beneiï.
Quant segnié l'ot Dex nostre pere, Vin devint l’eve qi fu clere;
S'en mist on par toz les vessiax ; Vins devint preciels et biax.
« Alés, dist Dex, si en portez Archetriclin, si l’en donez. »
Archetriclin en essaia;
Ainc de tel, ce dist, ne gousta.
Molt en blasme son boteillier Qu'il n'en fist servir au premier ; Et cil li content le miracle
Que Dex ot fet el tabernacle
Et con il fist de l’eve vin.
Adonc fu liez Archetriclin,
En Deu creiï, merci li crie,
Lui et tote sa compaignie.
Et nostre sire s’en torna,
O ses apostres qu’il mena ;
Et molt grans pules le sievoit Qui en li pas bien ne creoit.
Li 1. le sievent por oir
Et por ses commans retenir,
Li autre i erent por entendre,
Et li autre por entreprendre.
Encore est il assez de gent
Qui sievent Deu par tel semblant, Car li homs qi va au mostier
Et puis n’i fine de plaidier,
Cil sievent Deu por entreprendre, Cil n'i va mie por aprendre ;
Et cil qui ot la Deu parole,
S'il fait noise ou il parole,
Se il destorbe le sermon,
Sachiez q'il n’est mie preudon ; Ainz est cil qi va Deu sievant
Et n'a cure de son comant.
Ja nos raconte l'escripture, Nient plus com enfant par nature Puet dedenz sa mere crier,
Ne devroient por rien parler Nus crestiens en sainte eglise,
. Por tant c’on fache le servise ;
Et qui ce fet, ge vos di bien Qu'’el Deu servise n’a il rien.
Donc si doit on molt bien garder, La messe oïr et escouter.
L'en ne doit mie de cels estre Qui sievirent le roi celestre,
Qui le voloient entreprendre.
On ne puet mie trop aprendre De Deu amer, de Deu servir.
C'est grant sens de s’ame garir.
Nostre sires s'en est partis D'Archetriclin, o ses amis ;
En un haut mont s'en est montez.
Son poeple estoit forment lassez, Traveilliés et brisiez d’errer,
Et de veillier et de juner,
Car il n’orent mie de pain,
Et si dient qu'il ont grant fain.
S. Felippe por la doulor
En apela nostre segnor :
« Sire, dist il, iceste gent
Se gramoient molt durement.
Dementent qu'il n’ont point de pain Et si sont molt gfrlevé de fain, N'en vo compaigne n'en a tant Don on eust demi besant,
Fors q'il a cha un valletons
Qui a.v. pains ef .II. poissons ; Mes tot ce ne seroit noient ;
Que vauroit ce a tant de gent?
Qui aroit ore tot le pain
De .u. c. deniers en sa main,
DE SAINT FANUEL 67
Nel porroit si menu trenchier C'on en peust chascun baillier Tant c’on s’en peust desjuner.
— «Or les me faites aporter, Dist nostre sire, isnelement,
Et faites asseoir la gent. »
Saint Felippe sanz contredit
A fet ce que Jhesu li dist;
Les poissons aporte et le pain; Et nostre sires de sa main
L'a benei e puis le fent. | Quant brisié l’ot, apres lor tent, Et S. Felippe lor depart.
A chascun en done sa part,
Et les poissons tot ensement.
Tout en orent a remanant.
Il yavoit de gent .v. mile,
Ce nos raconte l’evangille.
Si sont trestuit bien assasé
Et raempli et saoulé.
Douse corbeilles de relief
I ot, ce tesmoigne le brief.
Don otilici bele usure.
Or esgardez, selonc droiture, Devroit nus d'usure prester, Fors Deu qui tot a a sauver?
Nus ne devroit estre usurier, Por son avoir multiplier.
Usurier sont il donc dampné ?
Oil: mar furent d'Adan né.
Se Jhesu Crist des ciex ne ment, Il sunt mort pardurablement.
Nus fors Deu n’est droit usurier, Por loialment multiplier,
Que d’un sol grain fet .XxxxvI..
Et d’un sol arbre fera dis,
Et d’une beste en issent .c.
Comment a hom tel hardement Que le filz Damedeu parjure ?
Et qui onques preste a usure, Et qui enferme le forment,
Qui tant le garde longuement Qu'il est malmis et qu’il porrist, Il est maudis de Jhesu Crist.
Quant nostre sire a si ovré
Et che au pueple demostré,
En .1. haut mont amont monta.
Trois deciples o lui mena:
Saint Jehan, S. Jaque, $. Pere.
Or oez que fist le sauvere:
Il lor mostra sa poesté(s)
Et qu'il iert rois de majesté(s.) Bien lor mostra q'il iert vrai rois ; Del ciel desendi une voiz.
A grant clarte, a grant luor Descent la voiz au creator.
Vos ne savez que dit la voiz?
«Vez ci Jhesu. li sovrain rois!
Cist est mes fiz, bien le creez; Cestui oez et entendez ;
Cist vit et regne et raignera
In seculorum secula.
Cist sauvera l'umain lignage
Qui en enfer ont lor manage ; Par cestui iert li mons sauvez, Mon fiz est eslut, ce creez. »
Li troi apostre qui l'oirent
De la clarté s’en esbahirent.
À terre chaïrent tout troi;
Ne porent choisir le vrai roi, Que, quant il se trensfigura,
Si grant clarté son cors geta Qu’ainc ne porent sor piés ester.
Ains les covint toz adenter
Et lor poins clos devant lor ex, Tant devint clers et nobles Dex. Quant S. Pierre vit les miracles:
« Sire, faisons ci tabernacles,
DE SAINT FANUEL
.Ji. à vos etle tiers a nos,
Que cil lex est molt precious. »
Li pocples forment s’esmerveille Del miracle et de la merveille ; Forment les a Dex honoré Quant lor mostra sa deité.
Donc s’en torna le fiz Marie Del mont a bele compaignie.
En Bethanie s’en ala
Ou Lazaron resuscita.
Lasaron iert ensevelis:
En la biere estoit ses amis ; Quart jor avoit ja esté mors,
Si que ja tout puoit li cors.
Marie et Marthe sa seror Atendoient nostre segnor.
Quant la novele orent oïe
De Deu et de sa compaignie, Eles corent au creator,
Merci li prient par doucor.
« Sire, font eles, rois Jhesus, Si tu piecha fusses venus, Lazarus ne fust mie mors.
Enseveli(s) avons le cors. »
Quant nostre sires l'entendi Marthe, dist Dex, por voir te di, Qui fermement en moi creroit, Se mors estoit, il revivroit,
Car je sui resurrection
Et vie et consolation. »
Dist Marthe : « Sire, ge croi bien
Que sires es sor toute rien. »
Adonc en vient Jhesu au cors Qui gisoit en la biere mors.
Quant nostre sire l’esgarda, Por son amiiluec plora.
Par sa grant debonereté Plora li rois de majesté,
Et puis leva sa main amon,
Si li a fet beneichon.
« Ladres, dist Jhesu, levés sus! » 2710 Et cil ne s’est arresteus; Aïinz est molt tost saillis en piés, À son segnor dist : « Bien veigniez, Bien vieigne Dex li rois Jhesus, Par qi je suis d'infer issus, 2715 Ouj'aien grant torment esté.
Si me semble par verité Que je i aie esté mil anz, Tant i ai soffers griés tormenz.
Sire, m'ame en avez getée 2720 Et d’infer au cors ramenée.
Jamais ne ferai se bien non, Car molt 1 a male maison. »
Quant le miracle orent veue [F° 41] La gent qui la estoit venue, 2725 Trestot dient communalment Que c’est le fiz Deu vraiement, Qui est venu salver sa gent, Qui iert en paine et en torment.
C'est Messies qui doit venir 2730 Por tot le monde raemir.
Quant le fiz Deu out si ovré, Et il out Ladre suscité, Avoegles sana et lieprox Et maint malade dolerox 2735 Qui erent en caitivoison.
De lui fu molt grant le renon ; Si s’en est a itant torné, Ses deciples a apelé Et ses grans amis entor soi.
2740 «Segnor, dist Dex, entendez moi, Aler voeil en Jerusalem; Iluec sofferrai grant ahem, lluec voudrai en crois morir Por mes amis a reemmir. »
2745 Quant nostre sire ot si parlé Et as apostres demostré,
DE SAINT FANUEL 71
Ir. apostres apele o soi.
«Segnor, dist il, entendez moi; En Jherusalem en irez,
Ou une beste troverez
A une estache et .r. faon ; Amenez la, segnor baron.
Sus la beste voudrai monter ; Ge voil humilité mostrer;
Ge ne voeil destrier ne cheval:
Ne sui pas descenduz aval
Ne por orgoil ne por richesce ; Por mes amis sui en tristresce, Qui en enfer sunt en prison; Ge n'ai que fere de felon,
Ne d’orgoil ne de felenie ;
Ja cil n’aront ma compaignie ; Mes qui o moi voudra regner, Par tout li covient pais porter Et a toz porter grant honor,
il velt avoir la moie amor, Ausi as povres comme as riches.
Com plus sera haus homs et riches Et plus ara terre et honor,
Se as povres ne porte honor
Et il n’ot volentiers la messe, Tot soit seur de ma promesse Que ja n'ara part en mon reine ; S'ame sera touz jors en peine. »
Li doi disciple s’en alerent,
En Jerusalem s’en entrerent;
O son faon troevent la beste ;
La fu appareilliée et preste,
Si l’amainent au creator.
Li sires monta par doucçor, Simplement en la vile entra.
Savés vos que senefa
Cele beste dont je vos di,
Sus qoi Jhesu monta ainsi ?
El senefie la viez loi,
Ge le vos di en bone foi,
Et li faons qi empres va
Novele loi senefia.
Quant li juis ont entendu L’avenement au roi Jhesu
Et il sorent de verité
Que c'iert li rois de majesté,
En Jerusalem font grant joie.
Toute firent jonchier la voie, Par ou Jhesu devoit passer,
Et de pailes encortiner.
Donc issirent de la cité
Et li enfant et li barbé,
Et li prevost et'li major,
Li jugeor, li senator ;
Contre Jhesu toz s’en issirent
Et merveillose feste firent;
Et li fiz as juis chantoient
Entr’ ex et grant joie faisoient :
« Osanna filio David!
Bien viegne cil c’ainc ne menti!»
Quant Jhesu Crist vit la leesce Qu'il faisoient por sa hautesce, Adonc commença a plorer, Quant il les vit si demener.
S. Pierre molt se merveilla ;
À son segnor demandé a:
«Sire, dist il, et vos q'avés ?
Molt me merveil que vos plorés.
Vos veez ci tel joie faire ;
Molt par en avons grant contraire De ce que vos veons plorer
Et tel tristrece demener.
Vos veez ci si grant leesce,
Et vos menez si grant tristrece !»
Jhesu respont molt simplement :
« Pierres, je pleur por ceste gent Que tu vois qui joie me font ; Saches que tel doulor aront
DE SAINT FANUEL
Et tel famine cha avant
La mere mengera l'enfant. »
Saint Pierre si li respondi:
«Sire, dist il, et car me di Por qoi tel dolor avendra. »
Jhesu respont q'il li dira.
« Pierres, dist il, cil qi la sont, Ce saches tu, me traiïront.
Entr’ ax serai crucifiez,
Por mes amis, et ledengiez ; Et tout cil qi me traïront
Si grant doulor en averont,
Et tel vengance en sera prise, Ceste cité en iert esprise,
Cist mur et cist palés listé Seront par terre craventé;
N'i remaindra tor ne palés Qui ne soit craventés et fres. Ce avendra apres ma mort, Por ce qu'il m’ocirront a tort.
S'estoies en Jerusalem,
Tu i verroies tel ahem
Que les fames beneistront Ventres qui fruit ne porteront.
Ce lor avendra a un jor. »
S. Pierre l’ot, s’en ot dolor ; De la pitié en larmoia,
De l'angoisse tout tressua.
Adonc entra en la cité
Le fiz au roi de majesté.
Qui la veist pailles geter
Et des arbres les rains couper, :
Trestoute en ont jonchié la voie, Le jor i ot mené grant joie.
En l'ostel Simon le liepreus Herbega Dex li glorieus.
Marte i fu e sa suer Marie; Molt i out bele compaignie
De ses'apostres, de sa gent,
Qui le sievoient bonement.
En Jursalem, ce dit l’escris, Avoit donc une pecheris :
La Magdalene avoit a non, Molt estoit de gentil fachon, Pecheresse estoit fiere et fors ;
. Vu. deables avoit el cors,
Car ele avoit les .v. pechiés Par qoi on est a mort jugiés.
Quant ele oï de Deu parler, Forment commencha a plorer; Porpensa soi qg'aliira
La bele et merci priera
Por ses forfés, por ses pechiés, Li carra maintenant as piés.
Or oez de la pecherise,
Comme ele s’esttresbien porquise, Ele acheta un oïignement
Qui mex valoit c'or ne argent, Del meillor qu'ele pot trover, Et dit, s’ele puet enz entrer,
En la maison ou Dex mengüe, Dont seroit ele bien venue, S'ele pooit ses piés tenir,
Et longuement et par loisir
De l'oignement les oinderoit
Et ses pechiés sus ploreroit.
Mais ele pense bien de fi,
Se le savoient li gui, Sempresl’aront molttost hors mise Por ce qu’ele est si pecherise.
Atant s’en vint la coiement ;
Si s'embati entre la gent,
Tant qu'ele tint les piés Jhesu.
Tant a alé, tant a venu,
Par desouz la table se mist.
Quant el vint as piés Jhesu Crist, Por ce que tant se sent forfaite, S’est la belle arriere retraite,
DE SAINT FANUEL
Sor les piés Jhesu mist son front Grans souspirs gete de parfont.
La bele plore sor ses piés ;
Por la doulor de ses pechiés, Desor ses piés la bele plore.
Dex la perchoit en icele hore, Mais ainques Dex n'en fist semblant À ses apostres n’a sa gent,
Et ne porquant forment li plaist Ce que la pecheresse fait.
De l'oudor de cel ongnement Empli la maison maintenant,
Si que tot en sont embasmé, Tant est l’ongnement esmeré.
Quant li guis l’ont perceue, Marie, qui l'ont porveue,
Qui la s’estoit as piés Deu mise, Por ce que tant est pecherise,
Si ont a grant desdaing tenu
Ce qu’ele est si pres de Jhesu.
Entr’ ax en ont molt grant merveille:
Li uns a l’autre s’en conseille:
« Se cist fust fix au salveor,
Ja ne soufrist cel deshonor ;
Se il fust rois de majesté,
Ja ne feist tel mauvesté. »
Dex connut bien les mescreanz, Dont li conciles estoit granz.
Symon apele que il voit,
Porce que ses hostes estoit.
« Symon, fet il, or escoutez.
Ge sai bien que vos voz pensez:
Vos parlez de ceste moillier Que je les a moi atouchier.
Por ce qu’ele est si pecherise Et qu’el s’est si pres de moi mise, Si vos torne a moll grant anui.
Mes plus de bien m'ara fet hui, Symon, que vos ne m'avez fet;
Et sachiés bien tot entresuit, Quant nos eus hui herbegiés,
Ne me lavas mie mes piés
Que je ai fenduz et crevez,
Et ceste les mefs) a lavez
Et essuiez a ses keviax.
Cist repentemens est molt biax Et molt me siet et molt me plaist.
Or li pardons quan qu'a meffait, Si l’assoil de toz ses pechiés,
Et des noviax et puis des viés. »
Quant Judas Scariotes l'ot,
Si li respont .r. cruel mot:
«Sire maistre, ce m'est avis,
Se or fust cist oignement pris, Que Marie a mis sor vos piés,
Et il fust venduz as deniers
Et il fust as povres doné,
Mex venist que il fust gasté,
Car molt estoit et riche et fresc ; Mes orn’ia point de conquest.»
— «Judas, ce dist Dex doucement, Tu aras assez povre gent.
Des povres genz ass[e]z aras,
Et se tu veus, bien lor feras ; Mais moi n’arés vos pas toz dis.
Par l’un de vos serai traiïs;
Li un de vos me traira
Et as max juis me vendra.
Celui qi menjue ovec moi
Si traïra le cors de moi. »
— « Sui ge ce ? » Judas li respont ; Et nostre sire dist adonc:
«Bien puet estre, quant tu le dis.»
Adonc fu Judas molt maris, Puis dist a soi tout coiement, Basset, si que nus ne l'entent, Mes ne pot dire si bas mot Que Dex ne le seust tantost :
DE SAINT FANUEL 71
« Mal le pensastes, se je vis;
Je vos traïrai, se je puis.
Ja de respit n’i arés point,
Se ge truis qi argent m'en doinst.»
En icelui jor maintenant
Vint Judas a la male gent,
As max juis qi Dex haoïient
Et qui de lui cure n’avoient.
Ce dist Judas: « Segnor jui, Que me donrés vos el jor d’ui, Se le profete vos traïs ?
Que me donrez, que vos est vis ?
Que me donrés vos por vo roi, Qui si abaisse vostre loi? »
Cil respondent communalment :
« Trente pieches aras d'argent, Ja n’en aras mains .I. denier ; Si les prendrons a l’usurier. » Por ce est usure deffendue
Que la char Deu en fu vendue.
Donc doit bien usure hair
Qui ovec Deu voudra venir.
« Seguor, dist Judas li dervez, Savez con vos esploiterez, Comment vos connoistrez Jhesu, Que je vos ai ici vendu ?
Celui que me verrez baisier, Celui faites prendre et lier;
Ce iert celui que vos querez.
Au serain bien tart i venez,
Si le prendrez tot coiement, Por le destorbier de la gent, Car, se les tourbes le savoient, Ge croi que il le deffendroient. »
Et Cayfas li respondi:
« Molt es sage, ge le t’afi;
En toi a grant sens et felon ; Bien ses porchacier traison,
De sutillesce es et aduis.
Sempres irons quant il iert nuis. »
Atant Judas s'en repaira ;
À son segnor s’en retorna,
O les deciples s’est mellez,
Vers Jhesu s’en est enclinez.
Ce fu le joesdi assolu ;
Et nostre sire Dex Jhesu
Apres la ceine s’est levés,
D'un blanc drap s’est envolopés, À ses apostres est venuz,
Orant, rendant a Deu saluz.
El bachin fist eve aporter,
S. Pierre vos ses piés laver, Devant ses piés s’agenoilla;
Et S. Pierre le regarda.
« Sire, fet il, que volez feref Moilt me torne ore a grant contrere Quant vos estes a mes piés mis.
Vos estes rois de paradis
Et fix au roi de majesté,
De tout avez la poosté,
Vos estes pere et rois et angles Et des virges et des archangles, Li angle sont a vos sosmis,
Et vos estes a mes piés mis!
Por Deu, biau sire, levés sus, Ge sui por vos tout irascus, Quant si vos estes abaissiez.
Ja n’adeserez a mes piés,
Ja voir mes piés ne laverez, Car ce seroit deshonestez. n Nostre sire li respondi:
« Pierres, dist il, et je te di,
Se ne me lais tes piés laver,
En mon regne ne pues entrer. »
Saint Pierre dist : eSire, merci!
Donc voeil ge que il soit ainsi; Ne lavés pas tant seulement
Mes piés, mes mon chief ensement.
LA
DE SAINT FANUEL 79
Adonc lava a toz lor piés,
Et puis si s’est amont dreciés.
«Segnor, dist-il, faites ainsi Apres ma mort com je faz ci:
L'un a l’autre vos piés lavés.
Ce senefie humilitez;
Et cil qui ainsi ne fera
Ja en mon regne n'enterra.
Soiés humble, plain(t) de pitié, L'un vers l'autre aiés amistié. »
Puis lor a dit : «Li mien ami, Veilliez anuit oveques mi; Judas m'a vendu as gius,
Et cil de vos qui m'aime plus Anquenuit me renoiera
De sa bouche, ja n’i faudra. »
Et S. Pierre molt s’en aïre,
À son segnor commence à dire :
«Sire, tu dis ce que toi plest.
Qui que te faille ne qui lest,
Ne te faudrai n’a droit n’a tort, Jusq'a la fin, jusq'a la mort. »
— «Pierres, dist Dex, lessiez ester; Ains que le coc doie chanter, .
Diras tu as felons juis
Que onques mes ne me veis. »
Saint Pierre l’ot, si n’en dit plus ; Atant s'en est des gens issus, Molt corociez de la novele;
De son dos trait une gonele,
À un forbeor l'a donée,
S'en a acheté une espée;
Puis s’en repaire o son segnor, Toz corociez et plain d'iror.
Atant lor est Judas venus,
A grant compaigne de gius.
Dex salua con son segnor, Apres le baise sanz amor,
Et el baisier qu'il li à fet,
As max juis prendre le fet.
Adonques l'ont li juis pris.
A lanternes a feu espris,
En la maison dant Cayfas
L’en ont mené plus que le pas.
Cil ert evesque de la loi.
La ont mené Jhesu le roi.
Quant S. Pierre vit Dex saisir, De l’espée en va un ferir.
Tel coup li done de l’espée Que l'oreille li a coupée.
Dex regarda adonc $S. Pere,
Si dist : «Met el fuerre t’espée, Quer qui d'espée home ocira Par espée ausi perira.
Por ce ne doit nus autre ocire, Car Dex le deffent nostre sire. Donques vers terre regarda Jhesu qui le monde forma, Vit l'oreille qi ert coupée Gesir a ses pies enboée; L'oreille prist, si l’en leva.
Au fax gui(s) la resana.
Donc fu Jhesu plus mal menés; S. Pierres est apres alez,
Car il voloit savoir tout l’estre C'on fera de Jhesu son mestre.
Saint Pierre sist jouste le fu, D'autre part, encontre Jhesu.
Atant es venu un sergant ; Pierres avoit veu devant
À Jhesu pree a la meslée,
La ou l’oreille fu coupée.
« Segnor, dist il, qui est cil la Que je voi outre cel feu la?
Il me semble de la gent Crist. »
Pierres lot, le sanc li fremist, Donc se commencha a maudire, À jurer et a escondire :
DE SAINT FANUEL 81
«Onques certes, fait il, ne fui,
Ne jor ne nuit, oveques lui.»
Saint Pierre molt grant peur a, D'iluec s’en torne, si s’en va.
S1 comme de la porte issoit,
Une fame si l’aperchoit.
«Parle grant Deu, segnor, ce cuit, Vez de la gent Crist qui s’en fuit.
Il est compaiguon au profete;
Or tost apres, ci a grant perte. »
— «Non est voir, .I. des giex dist, Cuidiés vos qu’il s’en maudeist? »
— «Me tenez vos, fet ele, a fole?
Jel connois bien a la parole.
Tu es des gens Nazarenus.»
Pierres respont :« Non sui,pa dius, Sachiés que onques mes nel vi, Fors orains quant je le vici.»
À tant s’en est tornez fuiant,
Par la grant presse de la gent.
Une autre fame l’encontra
Qui par son mantel le happa,
Si li dist : « Amis, qui.es tu?
Tu sembles deciple Jhesu.»
Pierre respont :« Bien estes lasse ; Cuidies vos que m'en conjurasse ?
Nenil, je ne sui pas o lui;
Ja n’i serai n’onques ni fui. »
Atant s’est Pierres eschapé.
En cel point le coc a chanté.
Adonques s’est bien aperchut
S. Pierres que il est dechut ; Durement a le cuer irié
De ce qu’il a Deu renoié, Forment gemist, soupire et plore, Et se tormente et maldit l'heure Que il onques fu nez de mere;
Or li est trop sa vie amere.
Dont fu Jhesu a mort jugiés
Et en crois mis por nos pechiés.
Iluec soufri mortel doulor
Nostre sire, por nostre amor.
Or esgardez que vos ferez,
Com faitement vos li rendrez,
Que quant vendra au jugement, Que li felon seront dolent,
Que ne perdez sa conpaignie, Por la joie de ceste vie.
Le vendredi fu en la crois,
Por nostre amor, li sovrain rois.
Donc vint Joseph .r. chevaliers, Qui fu Pilate soudoiers.
Quant il vit Dex sol en la crois, Forment en ot le cuer destrois; Il creoit bien en Jhesu Crist ; De son segnor grant dolor fist, Mais n’en osoit mostrer semblant Que il l'amast ne tant ne quant.
À Pilate que il servoit
En est Joseph venus tot droit.
«Sire, dist il, se Dex m'ait,
Or vos dirai sanz nul respit :
Ge t'ai servi molt longuement, Onques n’en oi or ne argent; Or te demant ge mes soudées Que je arai tant desirées,
Car servi it’ai a mon pooir;
Si voeil mes soudées avoir. »
Dist Pilates: « À ton talent ; Prendez monor et mon argent, Pren mes chevax et mes deniers,
Mes palefrois et mes destriers, Esgarde que tu vels del mien
A ton talent, je le voeil bien. »
— «Sire, dist Joseph, ge ne voeil
. Nule riens que voient mi oeil,
Or ne argent, destrier ne beste, Fors seul que le cors del profete.
DE SAINT FANUEL
De mon loier ne voeil el prendre, Fors que le sien cors a despendre.
C'est mon voloir, ge ne qier plus For que son cors soit despendus. »
Pilate l’ot, si en a ris.
« C'est folie, dist il, amis;
À bandon te met mes tresors ;
Or soit a ton plaisir li cors,
Car vers toi ne me puis tenir,
Or fai del cors a ton plaisir. »
— « Sire, dist Joseph, vo merci.
Richement le m'avez meri,
Une rien voeil que vos sachiés, Molt est precieus cil loiers. »
Atant s’en est Joseph venus, Siapela Nichodemus.
« Sire, fait il, vos m’aiderés
Tant que Jhesu soit desclavés, Puis le metrons el monument,
Car ce est drois, molt hautement.
Gardés que tost soit atorné; Girai savoir en la cité
Se troverai .1. drap a vendre,
Ou nos le metrons au despendre. »
Atant s'en est Joseph tornez, Siest entre en la citez.
À itant a Joseph veue
Enz el marchié une giue :
Pucele estoit et bele et jone,
. En son braz portoit .r. sidone;
. Vi. anz avoit mis au filer
Et au tistre et au manovrer.
En tant com ele le filoit,
Une soe mere gardoit;
En chartre avoit.v. anz geu.
Or li estoit si avenu
Que failli lor est tout lor vivre De quoi il se devoient vivre ; Et ore la porte por vendre
La pucelote et por despendre ; S'en paistra sa mere la touse.
Molt en iert l’uevre preciouse.
Joseph vit le sydoine chier;
Si le commence à covoitier.
«Bele, vendez moi cel samis ; Ja i sera le cors Deu mis, Enseveliz et conreez.
En la crois est por nos penez. »
Marie Verone qui l'ot
Si respondi tout mot a mot:
« Sire, ge ne le vos vendrai,
A l’i metre le vos donrai,
Car ne sai ne ne puis entendre Ou gele peusse mex vendre, Mes que la moitié me donez Del pardon que en atendez. »
— «Bele, fait il, et je l'otroi, Et s’en pri Jhesu Crist por toi.»
A itant Joseph le drap prent.
Cele n'en vaut goute d'argent, Com pucele bien eürée,
Qui Dex avoit enluminée.
Ele s’est mise el repairier.
Oez com ot gentil loier:
Sa mere troeve emmi la voie Toute garie, s'ot grant joie, Et fu si garnis ses ostex
Por cent livres ne fust pas mex.
Molt fu liée la demoisele ; Entre la mere-et la pucele S’en corurent au roi Jhesus, Qui ja estoit de la crois jus
Et el sepulchre ensevelis.
Oiés que fisent li juis:
Droit a Pilate en sont venu, Si li ont dite la vertu.
« Sire, nos somes porpensé Qu'il fu jadis dit et conté
DE SAINT FANUEL 85
Que cist hom, tant com il vivoit, À son poeple sovent disoit Que au tiers jor sanz plus ester Voloit de mort resusciter.
Nos te voulons, sire, proier, Le monument fai loi guetier.
Peur avons que si manciple, Et si apostre et si deciple
Ne vieignent anuit coiement Por lui oster del monument.
Puis feroient partot acroire, Par lor engin, par lor atoivre, Que suscitez seroit de mort; Donc serions honi et mort; Adonc seroit pis que devant. »
Dist Pilates : « À vo commant Alez, fait il, si le gardez
Au mex que vos onques poés.»
Donc s’en{tornerent li jui,
Si ont le sepulchre garni
De dars, d’espées et d'escus.
La nuit fu bien gaïtiés Jhesus; Des max guis, des renoiés
Fu bien Jhesu la nuit gaitiés.
Molt en furent tuit escarni, C’a mienuit sont endormi.
Adonc s’en vint la deitez
Et la celestial clartez,
Et les virges et li archangle, Et li apostre et tuit li angle. Plus en i ot que ne puis dire.
Adonc surrexi nostre sire, Adonc issi del monument
Le fiz le roi omnipotent.
Droit en enfer en estjvenus Nostres sires li rois Jhesus.
Quant en enfer vint nostre sire, Si a parlé par mult grant ire.
Il apele la male gent:
«Ovrez», dist il apertement.
A cel jor fu infer brisiez,
Et desrobez et despoilliez.
Donc saisi Sathenas Jhesus, Desous ses piés l’abati jus.
Quant Dex fu en enfer entrez, Molt i fu grande la clartez.
Cil qui furent el plus parfont Virent la clarté sus amont.
Merveillierent, por l'oscurté, Dont lor venoit cele clarté.
Et Dex parla molt hautement:
«Tout mi ami, venes vos ent, Issiés vos ent, tot mi ami;
De mon sanc vos ai raami. »
Adans oi la voiz'Jhesu.
Ha Dex ! comestliez devenu!
El feu estoit li premiers hom, C'on apele purgation ;
Quant Jhesu vit, merci li crie:
«Bien vieigne Dex, le fix Marie!»
— « Adan, dist Dex, mal esploitas, Quant mon commandement passas ; Mais tu l'as molt chier comparé Et en cruel prison esté. »
— «Sire, dist il, merci te quier; Ce me fist Eve ma moillier.»
Eve s’estut .1. peu arriere
Et fist semblant de tristre chiere ; De sa grant dolor se demente, Semblant fet que molt est dolente.
La lasse fame, la dervée,
Fu el feu toute esquevelée ;
À soi meismes se complaint,
Por la doulor qi le destraint:
« Lasse, dist ele, malostrue,
Com deable m'ont deceue,
Quant trai mon segnor Adan, Dont je sui ci a tel ahan.
DE SAINT FANUEL 87
Por qoi traï mon bon segnor, Dont je muir a si grant dolor?»
Si grant honte a de son pechie Que derriere Adan s’est muchie ; Mex aime a soufrir la doulor Que la honte de son segnor. Nostre sire l'a regardée.
Quant il la vit si tormentée, Pitié en ot, si l’apela.
« Eve, dist il, entendez cha.
Moit as puis esté en doulor Que tu traiïs ton bon segnor ; Por qoi fesis au fiz Marie
Tel fait et tel forsenerie ?
Ore, Eve, por le mal qu'as tret, T'en pardons citot le meffet. »
Donc prist Adan par la main destre Et Eve prist par la senestre ; Si parla Dex molt hautement :
« Li mien ami, venez vos ent.»
Adonc issi fors Jheremie, Ezechiel et Ysaïe,
Noe, Jacob et Abrahans,
Qui molt i soufrirent d’ahans, Salemons et ses fix Davis,
Et Moyses, li vex floris.
« Issiés d'enfer, boneüré,
De mon sanc vos ai racheté. »
Donc fu enfer bien despoilliés Et deables sont molt iriés.
Ainsi en traist Dex sa mesnie, Ses mist en parmenable vie.
Quant nostre sire Dex li vrais Ot toz ses amis d'enfer trais,
Et il les ot en joie mis,
La ou il volt en paradis,
Ses deciples pas n'oublia ; Repairiés est en Gorgata. Mont de Calvere est apelez
Gorgata, ce que vos 0ez.
Nostre dame ert molt covoiteuse, De son fiz veoir desireuse ; Grant duel avoit de son enfant, Qu'en crois avoient mis tirant.
« Fiz, dist la mere, douce chose, Plus douce que n’est liz ne rose, Soviegne vos de vostre mere, Quant lassus es ovec ton pere. »
Les .rr1. Maries n’arresterent, Au sepulchre Deu s’en alerent, Por oindre le cors lor segnor
Et sevelir et fere honor ;
Si acheterent oignement,
Qui mex valoit c’or ne argent.
Dex en voloient honorer
Et le sien cors enbalsamer.
Quant au monument sont venues, Les pierres troevent revolues, Si comme Dex fu relevez
Et de la mort resuscitez.
Lors furent forment esbahies Et troublées les .nr. Maries, Quant il n'ont fors les dras trovez La ou Dex fu envolopez,
La ou Joseph l’envolopa
Qui a Pilate le rova.
Lors se regardent les Maries, Qui molt estoient esmaries,
Et voient sor le sepulture
