I. angle o bele vesteure
Que Dex lor i avoit tramis
- Et envoié de paradis.
Tout le viaire avoit vermeil, Plus que carbon luisent si oeil.
« Dames, dist il, n’aiés paor, Jhesum querez nostre segnor ; Il est de mort resuscitez,
En Galilee le querez ;
DE SAINT FANUEL | 89
Ilueques le porrez trover,
Se vos volez a lui parler.
Dites S. Pierre isnelement,
Les apostres communalment, Qu'il aillent apres lor segnor, Qui est surrexi au tiers jor.
Dex a aus iluec parlera,
Sa beneichon lor donra,
Et, se vos ce ne volez croire
Que ma parole ne soit voire, Venez garder el monument,
De lui n’i troverez noient. »
Lors s’en tornent les .17. Maries, À grant joie, que molt sont lies.
Or oez de la Maselaine:
Por son segnor grant duel demaine, Forment plore, molt se demente, Qu'en lui avoit mise s'entente.
A ce que ele ainsi parloit
Et son segnor Dex regretoit,
À lui s’aparut nostre sire.
Soef li commencha a dire:
« Marie, dist il, ne plorer ;
Molt te dois bien reconforter, Car je sui Dex, nel mescroi mie.
Or pues de fi savoir, Marie, Qu’envers toi ai grans amistez, Quant premerain m'i sui mostrez Qu’a mes apostres n’a ma mere. »
— « Sire, dist ele, Jhesu pere, Qui de ton sanc nos as sauvés, Bien soies tu resuscités. »
Lors le volt prendre et embracier Et les piés son segnor baisier :
Mes il li dist : « Fui toi, Marie, N'aras or plus ma compaignie ; N'ai encore esté a mon pere. Alez reconforter ma mere
Et mes apostres et ma gent,
Si lor dites tout vraiement Que hui cest jor veu m'avez.
En Galilee les menez ;
La me verront li mien ami. »
Atant Jhesu s’en departi,
Et Marie si s’en retorne.
Des apotres querre s’atorne; En Golgatas les a trovez,
Ou molt estoient tormentez.
Quant li apostre oïent Marie Et il ont la novele oïe,
Tout furent raempli dejoie, Chascun desire qu'il le voie.
Quant li apostre entierement Oient le Deu commandement, Trestot errant s'’acheminerent, En Galilee s’en alerent, Couchierent soi a oroison,
Vers Deu ont torné lor sermon, Si li proient par sa puissance Que il lor face demonstrance S'il est de mort resuscitez, Se tele i est sa volentez.
Quant il ont Deu ainsi proié
Et il se furent redrecié(r),
Dex s’aparut a grant luor,
À merveillose resplendor.
« Que faites, dist il, mi ami?
Ne soies en tristror por mi.
Ge sui Jhesu, vostre sauvere ; Resuscitez est vostre pere.
Esgardes, connoissies me vos? »
— « Oil sire, bien vieigniés vos. »
Dex s’en torna isnelespas.
Atant es venu S. Thomas.
Cil li content q'il ont veu Nostre segnor le roi Jhesu.
Dist S. Thomas: « Je nel crerrai Jusq’a tant que je le verrai. »
DE SAINT FANUEL 91
Autre foiz Dex se raparut
As apostres, si comme il dut.
Adonc iestut S. Thomas,
Dex l’apela isnelespas,
A raison devant toz mis l'a:
« Thomas, fet il, entendes cha.
Thomas, dist Dex, tu ne crois mie Que je soie de mort a vie Resuscitez ne revescus ;
De toi ai esté mescreüs ;
Vien cha, n’en soies en doutance, En error n'en desesperance.
Vez ci les paumes et les dois
Que j'oi cleufiquiés en la crois.
Que t’en semble ? connois me tu ?»
Lors l’a Thomas reconneü.
« Vez ci mes pies et mes costés, Que j'oi perciés et entamés. »
Moilt par out Thomas le cuer noir, As pies Jhesu se lait kaoir.
« Pere, dist Thomas, ge te pri Que tu aies de moi merci ; Pardonne moi ma mescreance ; Bien sai tu es Deu sanz doutance. »
— (Thomas, et tu aies pardon;
Et apres ce je faz un don,
Que tout cil qui ne me verront
Et bonement en moi crerront Soient assous et beneoïit
De Deu mon pere, qi tout voit. v
À itant Dex s’en departi,
Puis ne le virent si ami
De si au jor d’'Ascension,
Ainsi comme lisant trovon.
Adonc ce nos dit li escris S'aparut à aus Jhesu Cris,
À ses amis, a ses sergans,
Qui tenu orent ses commans,
Que tot le mond archangelor
L'en porterent a grant honor.
Quant venu fu a ses amis,
Si lor dit a touz: « Pax vobis / Ma bone gent de Galilee,
Qui por moi estes esgaree,
Je m’en vois, ne soiés mari...
En tel maniere revendrai,
Quant je men jugement tendrai, Et cil qui le mal aront fait Seront en molt dolereux plait; Hors seront de ma compaignie.»
Ainsi lor dist le fiz Marie,
Et li apostre s’en tornerent ; :
En Jerusalem s’en alerent
En une maison tot ensemble.
Iluec furent, si com moi samble, Une grant piece a grant paor, À grant doutance, a grant fraor, Car li juis les manechoient,
Qui touz destruire les voloient, Por ce que li poeples disoit
Que Jhesu suscitez estoit.
Toz les voloient lapider,
Tous essillier et assorber,
Que il ne feissent renon
De la sainte surrection.
Ainsi furent en molt grant doute De si au jer de pentecouste, Que Dex les vint reconforter, En Jherusalem visiter.
La se raparut le salvere,
Li rois del ciel et de la tere.
A grant lumiere, a grant clarté, Est nostre sire entr” ex entré, En la maison ou il estoient
Et ou il nuit et jor manoient.
Si les conforte doucement
Et si lor dist molt bonement :
« Mi bon frere, mi bon ami,
DE SAINT FANUEL
Des or ne soiez esbahi,
Soiés liés et vos confortez ;
S. Esprit en vos retenez, Cerchiés les tertres et les mons, Faites mes predications,
Les cles de paradis portés ; Dites que sui resuscités ;
Et cil qui croire vos voudra
Et por moi se baptisera
En paradis iert coronez,
Au jor del juise sauvez;
Et qui croire ne me voudra
EI parfont puis d’enfer ira.
Iluec ne li faudra doulor
Sanz definanche et sanz dolor. »
Dex a baisiez tous ses amis, Del $. esprit les à emplis,
Et touz langages lor aprent Paricelui saint baisement.
Nostre sire ne demora,
Mes des apostres s’en torna.
Atant departent, si s'en vont Li apostre par tot le mont.
Saint Thomas ala preechier
En Ynde la loi essauchier;
Et $. Pierres alla en Grice,
S. Jaques ala en Galice,
S. Andreu ala en Escoce,
S. Bertremeu en Capadoce,
S. Felippes en Samarie,
E S. Jehan en Aumarie.
Ainsi alerent li deciple
Et li apostre et li manciple, Aiïnsi porterent il la loi.
Onques nel laissierent por roi, Ne por comte ne por nul prinche, Tant le trovassent fier ne riche.
Ainc jor ne douterent la mort, Qu'il avoient Deu a confort.
La anoncierent par maint jor La sainte loi nostre segnor.
Adonc fu primes Dex connus Par lor vies, par lor vertus.
Donc primes furent en luor
Cil qui furent en tenebror;
Et ainsi fu gent bauptisiée,
La gent parfete et essauchiée, Et li apostre si fonderent
St Eglise et estorerent.
Si abatirent les ymages,
Les ydoles, les dex salvages, Et establirent sainte Eglise, Les hores et tot le servise ; Donc furent fait li mariage Par droit, chascun son sen parage.
Ainsi alerent longuement
De si ques au trespassement La sainte mere au salveor ;
La furent puis tot a .1. jor.
Conté vos ai de Deu le pere, Or vos conterai de sa mere, Com de cest mond fu trespassée Com ele fu el chiel portée.
Apres la sainte passion
Ert nostre dame en sa maison, En Nazareth ou el fu nee, Molt corocie et molt iree:;
Por desirrier del roi autisme Se dementoit a soi meisme:
« Forment, fait el, desir que fusse Ou mon chier fix veoir peusse, La ou il est, en paradis,
Que il otroie a ses amis. »
Es vos l’angle nostre segnor, A merveillose resplendor, Devant li vint, si li donna
.[. raim de palme q'il porta, Qu'il aporta de paradis.
DE SAINT FANUEL
En la maison laiens s'est mis,
O le raim devant li s’estoit,
Salue la, si comme il doit:
« Dame, dist il, ne t’effreer,
Je vien o toi por conforter.
De cest siecle trespasseras
Et au tiers jor el ciel seras ;
Fai devant ta biere porter
C'est raim que Dex t’a fetdonner.»
Quant li angles ot si parlé
Et le raim en sa main livré,
Et il fu de la chambre issus,
La dame a autres dras vestus, Puis est de la maison tornée.
El mont d'Olivete est alée, Oroisons fist, par grant douchor, Envers son fiz nostre segnor:
« Dex glorieus, vrai dox benignes, Onques nul jor ne fui tant dignes Qu'en moi deusses converser Ne ta deité demostrelr|;
Mais nequedent g'ai bien gardé Le tresor que tu m'as livré.
Aies de moi ramenbrement, Soies a men trespassement
Que nule infernal tempesté
N’ait sor moi nule poesté. »
Ainsi la dame deprioit,
Qui son trespassement doutoit.
Bien devrions estre effreé,
Qui n’avomes nule bonté
Et ne faisons se pechié non.
Rendre nos covendra raison,
Au jugement, de nos mefais
Que nos arons envers Deu fais.
Atant es S. Jehan venu
A l’ostel ou la dame fu.
De Frise vint ou preechoit
Et a la gent sermon faisoit.
Terre fu mote, si trembla,
La nue del ciel l'aporta,
En Nazarez l’a descendu,
En l’ostel ou la dame fu.
Quant S. Jean fu aprochiés :
«Jehan, dist ele, bien veigniés; Jehan, dist ele, je te pri
Que tu praignes garde de mi Les paroles que Dex parla, Quant il a toi me commanda, Car li juis ont porparlé,
Et si ont entr’ ax devisé Qu'apres ma mort feront ardoir Mon cors, s’il le poent avoir, Por ce que Jhesu Crist portai, De mes mameles l'alaitai.»
Atant s’en va en .I. recoi
La dame, S. Jehans o soi;
Si li monstra .1. vestement
A son ensevelissement.
« Jehan, dist ele, tien ces dras Dont ensevelir me feras. »
Puis, si li a un raim mostré Que li angle li ont donné:
« Jehan, dist ele, a mon fenir, Fai devant moi cest raim tenir. »
Dist S. Jehan :«Ge ne puis mie Tel mestier fere sanz aïe,
Se li apostre o moi ne sont
Qui ta sepulture feront. »
Entrementieres q'il parloient Et les apostres demandoient, Es vos les apostres venuz
Et d'une nue descenduz.
De plusors lex les aporta
La nue quilesencarga,
Ou il estoient preechier,
Por la loi Jhesu essauchier.
Quant devant l'ostel venu furent
DE SAINT FANUEL
Ou la dame ert, lors se connurent; A molt grant miracle le tindrent, Quant en tel maniere se virent.
Donc estS. Jehan fors issus 3765 De la maison, ses a veüs ; Doucement les a saluez, Puis les a a l’ostel menez.
Et quant li apostre enz entrerent, Nostre Dame toz saluerent:
3770 « Dex vos gart, Virge beneie!»
— «Et vos! ce dist S'° Marie, Et Jhesus soit el ciel loez, Qui ci vos a touz assemblez, Por fere moncommandement, 37759 Encontre mon trespassement.
Segnor, des ore mes veillons, Et si soions en oroisons [F° 58] De si adonc que Dex voudra, Que m'ame del cors partira. »
3780 La dame fu en grant tristror, De si que ele vint al jor Que li angle terme li mist.
La dame si fu en son lit, Qui de la mort iert trespensée.
3785 Li apostre l’ont confortée, Et ont tant veillié ovec li Que tuit se furent endormi Li apostre par la maison, Entor la dame et environ.
3790 Atant es vos nostre segnor À merveilleuse resplendor, O lui sa bele compaignie De la celestiau lignie, Qui chantoient par grant douchor 3795 Et looient nostre segnor.
Adonc parla Dex nostre sire, Qui sa volenté voloit dire:
« Virge sainte, a moi espeuse, Marie, mere glorieuse,
Ge sui ton fiz, tu es ma mere, Tu es ma fille et je ton pere, Tu me norris et alaitas,
Tu me peüs, tu me gardas.
Quant je voeil le poeple salver, Aler par terre et converser,
Ne peu veoir ne esgarder Nesune fame ne trover
Virge que seulement en toi,
Ou g'eusse fait mon secroi.
Bien m'as servi, bien m'as gardé, Tu as bien fet tot a mon gré.
Or dois le guerredon avoir
De ce q’as fet tot mon voloir.
Ma douce mere genitrix,
Vien t'en o moi en paradis.
Ilueques te coronerai
Et en mon regne t’asserrai,
De moi la poesté aras
D’aidier toz cels que tu voudras.
Quan que voudras si sera fet ; J'a n’i ara si grant meffet
Ne soit a toz cels pardoné
Qui en toi aront seurté
Et en toise convertiront
Et volentiers te serviront. »
Quant nostre dame l’entendi, Jus devant ses piés s'estendi, Oroisons fist molt simplement A Deu del ciel omnipotent.
« Fiz, fait ele, si com tu ses Que je ai gardé tes secrés
Et ton commant ne trespassai, Et bien te fis et bien t'amai
Et obeiatoz tes dis,
Fiz, maine moi en paradis. »
Quant ele ot s'oroison fenie, Atant si fu el ciel ravie,
Que quant l’ame est del cors issue,
DE SAINT FANUEL
Li dous Jhesu l'a receue.
Li angle vont entor chantant
Et doucement a Deu loant.
De la joie de la roïne Chantoient tuit a voiz hautime.
« Dex, dient il, loés soiés,
Tant par nos as esleeciés, Quant la dame a no creator Avons o nos par grant doucor. »
Ainsi chantoient tout li angle Et disoient tout li archangle.
En paradis l’en ont portee;
La l’a nostre sire honoree
Et l’a assise a grant honor,
Ou Dex nos maint par sa douchor.
Trois virges la dedenz estoient Qui o les apostres veilloient.
Toz dormoient et eles veillent ; De ce q'ont veu se merveillent.
Le cors saintisme apareillierent Et de ses dras le despoillierent.
Tant le troverent bel et cler Que ne le porent regarder.
Quant le cors orent desnué, Enseveli et atorné,
En une biere l’ont posé(e)
Et molt gentement conreé.
Li apostre duel demenoient.
Quant le cors en la biere voient, Lors voelent enterrer le cors De la virge qui estoit mors.
Adonc vontentr” ex demandant Qui porteroit le raim devant Qui venus est de paradis.
Donc a S. Jehan le raim pris,
À saint Pierre l’ala livrer.
«Tu dois, fait il, le raim porter, Car tu portes del ciel les clés; Si as SOr nos grans poestés. »
Et S. Pierre li respondi :
« Jehans amis, n'est mie ainsi,
La virge te commanda Dé,
Si as gardé virginité ;
Si dois aler devant la biere
Et porter le raim de lumiere. »
Et S. Pierre li otria; .
S. Jehan de sa main pris l’a.
Li apostre communalment
Si chantoient molt doucement
In exitu, emprès le cors,
Car en Deu estoit lor confors ; Mes por la mere au creator Plorent tuit et mainent tristror.
Quant li juis l'ont perceue Et il ont la clarté veue,
À la noise trestot corurent.
Quant il le virent et connurent
A la biere que cil en portent, D'abatre la ne se deportent.
Dist le plus mestre : « Or tost avant!
Prenez la biere maintenant.
Fiz a putains, lerres provez, Lessiez ia biere, avant n'irez;
En feu iert arse l'aversiere
Par qui no loi est molt arriere.
Ele a honie nostre loi.
Or tost venez ent entor moi ;
La biere atout le cors ardrons ; Venez 1 tost, si le prendrons. »
Cil responent : « Or del bien faire!»
Lor pensent d'un molt grant feu fere, Et vont molt grant noise faisant.
A la biere se vont prenant :
« Lessiez la biere, souduitor,
Si l’arderons a grant doulor.
Vos meisme serez destruit. »
À la grant noise et au grant bruit Que demenoient li tirant,
DE SAINT FANTVEL 101
Es vos le plus mestre acorant.
La biere cuide as mains combrer Et encontre terre verser;
Mais la vertu li defailli,
Le cuer li faut, et a pali.
Si li tindrent les mains au fust Que por .M. mars d'or nes eust, Et li compaignon avoeglerent.
Parmi le feu ardant alerent
Et caïrent de toutes pars;
Si furent li auquant tot ars.
Cil qui aers fu a la biere
Ne pot ses mains retraire arriere; Forment li vint a grant contrere, Durement commencha a brere.
Donc se commence a esmaier
Et les apostres a proier
Que ses mains qui tiennent delivrent Et saines avoir li feissent.
S. Pierre dit que non fera
Ne james arrier nes rara,
Et tuit li autre ne verront,
Ne joie ne clarté n’aront,
« Se ne creez en Jhesu Crit,
A qui fet avez tel despit. s
— «Pierres, dist 1l, je te crerrai Et volentiers Dex servirai ;
Si crerrons en sainte Marie,
Jou et toute ma compaignie. »
Tantost com il a dit : « Ge croi», Si tost si traist ses mains a soi. Dist S. Pierre: « Tu es garis,
Se tu crois ainsi com tu dis.»
Li autre juis qui la erent
De maintenant tot alumerent, Cil qui Jhesu vorent creir;
Lues se firent tot beneir.
Entor le cors maïnent grant joie.
Tant ont alé a droite voie
Que au monument sunt venu, La ou Dex avoit porveu.
El val de Josafas le mirent, En .1. sepulcre que il firent; La l'ont li apostre enterrée, Si ont la loenge chantée.
Puis les prist la nue a itant, Ses en porta tout maintenant Es contrées ou il estoient Par devant et ou preechoient.
Le cors qui la fu enterrez
Le jor meisme en fu portez El ciel lassus; ce fu droiture, Qu'il avoit esté sanz ordure.
Iluec fu l’ame el cors remise, A grant honor el ciel assise.
Explicit le romanz de saint Fanuel et de sainte Anne et de Nostre Dame et de Nostre Segnor et de ses apostres.
