I. riches homs ot une fille
Qui trespassoit parmi la rue; Joseph la vit, si la salue,
Et nostre dame l'apela,
Molt doucement li demanda S'ele avoit ostel ne maison, Qu'el lor prestast .1. anglechon Ou il peussent reposer,
Car ne poent avant aler,
Tant que la nuit fust trespassée.
La pucele dist que senée :
«E Dex, ge ne sui mie bome, Anchois sui fille a .r. riche home, Mes g'irai mon pere proier
Se il vos voudroit herbergier.
Certes j'en aroie grant joie. »
Son pere apele, si li proie:
« Sire, por amor Deu le grant,
Herbegiés ceste povre gent,
Car il sont molt desconseillié, Li grans Dex ait de vos pitié,
Tant que la nuit soit trespassée, Car ceste dame ‘est molt lassée. »
— «Fille, ce dist li riches hom, Je ai si plaine ma maison
Des chevaliers de cest pais Qu'il ont tot mon ostel porpris, Que ge nes aroie ou couchier, Si ne les ai ou herbergiel[r]. »
— «Sire, dist ele, si avez:
En cele estable les metez. »
— «a Fille, fet il, et je l'otroi, Por ce que beles gens les voi.
Menés les i, ses i couchiés,
À vo pooir les aaisiés. »
Ele si fist tout maintenant,
Les i mena molt doucement.
Anestese fu debonere :
Molt s'entremist de lor affere, Et mex lor fust, s’ele poist.
De lor liz fere s’entremist
De la blanche paille et d’estrain ; Mes el n’avoit ne pié ne main.
Son pere, qui riche home estoit, De tel vitaille come avoit
Lor fist porter a grant foison, Pain et vin et char et poisson, Puis les commande au salveor, Qui fist clarté et nuitet jor.
Quant la sainte virge ot soupé Et li lit furent apresté,
Donc est la noire nuit venue;
Et Dex, qui toz li mons salue,
Trois candelabres de fin or, Qui bien valoient .1. tresor,
Et ur. grans cierges alumez,
Qui rendoient molt grans clartez,
DE SAINT FANUEL
Com li solaux la matinée, Quant il s'espant parmi la préc, Devant la virge sunt venu Et a grant joie descendu.
Segnor, ce ne mescreez mie, Devant l'autel St Soufie En art li uns et nuit et jor, Qu'il ne puet perdre sa luor; Et a Meques resont li dui, Bien l'avez oï dire autrui, Devant li deu as Sarrasins:
C'est Mahomes et Apollins ; Non pas por ce que Dex les aint, Mes il ne poent estre estaint.
Trestoz jors ardent et ardront, Ne james n'amenuiseront.
Segnor, el font de haute mer [Ardroient il autresi cler.
Quant S. Joseph la clarte vit, Dedenz son cuer s’en esjoist, La sainte virge en apela :
«Dame, dist il, entendez ça ; Dame, dist-il, or nos couchons; Diex est ceains ensenble o nos, Car bien le voi apertement; Il en fait bien l’aparissant. »
La nuit quant il furent couchié Et ilse furent resveillié,
. Grant piece ert de la nuit alée
Fo 7r° a]
Et pres estoit de l'ajornée.
Nostre dame issi del lit, Josep apela, si li dist :
« Levez tost süs ignelement, Ovrez ces huis hastivement, Si me montez tost les degrez; La damoisele m’apelez Qu’ersoir nos herberja ceeins.
4 Ms. 1533 de la Bibliothèque nationale.
Je ne quer plus de toutes gens ;
Si recevra le saveor,
Qui nestera contre le jor. »
Josepmolt tost s’apareilla
Et vint a l'uis, sel desfrema,
Trois moz hucha la damoisele :
«He, Diex, dist ele, qui m'apele?»
— «Dame, dist il, li povres hon
Que herberjas en ta messon.
Vien tost, siaïde a ma dame, Qui molt a grant mestier de fame.
Je sui uns hons, n'i doi touchier, Je ne soi riens de tel mestier. »
— « Sire, dist ele, n’est pas droiz;
Diex! ja n'ai je ne mains ne doiz:
Mes toutes voies ge irai
À tout mon povair aiderai. »
La pucele vint la corant,
Delez la mere vit l'enfant,
Tout autresi con vos veez
Quant li soleil est eschaufez
Et il tresperce la verriere,
La ou ele est la plus entiere,
Si con li soleil vient et va
Et la verriere mal n’en a,
Trestout autresi sainement,
Ice sachiés vos vraiement,
Nostre dame s’en delivra,
C’onques son cors n’en viola.
La pucele sanz mains estoit,
De l'enfant molt grant joie avoit,
As .I11. moignons le volt lever,
Et Diex, qui tout a a saver,
Andeus ses mains li a rendues.
Plus gentes ne furent veues,
Beles et blanches come flor.
Ele en vait prendre le seignor,
Celui qui nasqui purement,
Pour racheter toute la gent.
DE SAINT FANUEL 41
En une creche le coucha,
De blans drapiax l’envolopa.
Sainte Anestese torne ariere
A son ostel, a bele chiere.
Ses peres estoit archeprestres Et de cele loi estoit mestres.
Sa fille voit qui avoit mains
Et les doiz lons, traitis et plains.
« Dont vien tu, dist il, ou alas?
Noveles mains qui te dona ? »
— « Pere, dist ele, li saverre, Qui orendroit est nez de mere »
Li archeprestre fu crueus,
Ne volt pas croire ce fust Dieus.
Quant ot nomer sainte Marie, Lors cuide bien perdre la vie.
« Fille, dist 1l, mar le pensas. Pour nostre loi que fausée as, Te trencherai an.m. les mains. »
Li juys, qui d’ire fu plains,
Vint a s’espée, si l’a traite ;
Sa fille prent par ire faite, Andeus les mains li volt trenchier ; Et quant ce vint au cop hauchier Et il dut sor les mains ferir, Lors n'i pot il goute veir.
A sa fille demande: « Ou es ?
Avulgies sui par mes pechiés, Pour Jhesu que mescreu ai.
Fille, james ne te verrai,
Terre, chalor, noif ne gelées.
S'a tes mains que Diex t'a donées M'avoies tenu et tasté,
Ja m’auroies enluminé. »
Sainte Agnetese respondi :
a Si m'’aït Diex, qui ne menti, Ja par moi n’averez aie,
Se ne creez sainte Marie
Et son chier filz, que je vi né
Sans luxure en virginité. »
— «Fille, dist le pere, bien croi Que tenis le soverain roi
Qui de la virge est nez en terre, Pour nos ames d'enfer retrere.»
A ces paroles la veue
Fu au yuif tost revenue.
A icel jor que Diex nasqui,
Uns angles du ciel descendi
A grant clarté, a grant luor.
Vait Diex loant, nostre seisnor, Et huche et crie a haute voiz:
« Bien soit venu li sov(e)rain roiz, Li conseillere et saverre,
Qui de la virge fist sa mere.
Molt a el ciel joie et baudor, Por la naissance au criator,
Et en terre por sa venue
Soit pes et joie maintenue.
Or s’enpliront les profecies
Des profetes, qui sont oïes.
Ore ertle mont en grant luor, Qui devant ert en tenebror. »
Mult par fu grande la clartez, Quant nostre sire Diex fu nez.
Droit en enfer, jusqu'en abisme, Vint la clarté du roi hautisme, Si que Adam la vit d'enfer.
Mult s’en merveilla Lucifer
Et trestuit li autre infernal, Qui la jus estoient aval.
Ne sorent pas que Diex fu nez.
Mult estoit laieins desirrez
De ses amis, qui la estoient,
Qui doucement le reclamoient.
Adam, Noe et Abreham,
Jacob, David et Moysem, Ezechias et Jeremie,
Yorobabel et Ysaie,
DE SAINT FANUEL 43
Et saint André, qui ert la sus, Virent la clarté de Jhesu.
Deable mult se merveilla 1660 Quant en enfer clarté trova.
Ore est bien droiz que je vos die De ma dame sainte Marie.
Sainte Agnetesse a l'enfant pris, Qu'’ele n'ia lonc terme quis.
1665 En une creche l’a posé, De blans drapiax envolopé.
En cele creche ou Diex estoit Deus mues bestes i avoit. L'une s’ert vache debonere,]| [F°24]! Et l’autre iert mule por mal traire.
1671 La vache as cornes qu'ele avoit Nostre segnor acovetoit, La mule as denz le descovroit.
Savés que ce senefioit ?
1675 La vache qui Dex coveta En essample senefia Que la novele loi vendroit Qui la vieille acaableroit ; Et la mule que je vos di 1680 Senefñfa, quant descovri, La viese loi qu'est abatue Et despecie et corrompue, Et le larron qi pendu fu Delez la crois au roi Jhesu, 1685 Qui ainc ne valt merci crier; En ynfer l'en covint aler.
L'un des larrons ot non Dimars, Et ses compains ot non Gestas.
Compaignon furent et voisin, 1690 Si partoient lor larrechin, Tout ce qu’en la forest embloient, Quant la bone gent derroboient.
Dimars fu de grant carité,
iMs. de Montpellier.
En escripture l'ai trouvé.
De quan qu’en la forest embloit Une soue mere en paissoit ; Ainc ne fist mal a povre gent, Tant com il pot, a escient;
Ains lor donoit de ses deniers Améement et volentiers.
As povres genz tot departoit, Fors seulement qu’il s’en vivoit.
Puet donc nus fere carité D'autruli] avoir, s’il l’a emblé ?
Oil, certes, et grans aumosnes, Quant il les met as mains as povres.
Ainc Dex ne fist si fort larron, Se par vraie confession
Voloit a Deu merci crier,
Dex ne fust prest del pardoner.
En celui jor que Dex fu nez, Vint uns angles toz enpanez
As pastors, si lor anonça
Dex estoit nez, qui tot cria :
« Alez molt tost en Belleent,
Si l’aourés devotement,
Ne le tenez pas en vilté
S'en viez dras est envolopé,
Car ce est Dex tot vraiement, Qui est venuz salver sa gent. »
Et une estoile est aparue
Qui onques mes ne fu veue.
Quant li pastor l’estoile virent, En la cité corant en vi[njrent, En l’estable s’en sunt entré, Grant joie ont que Dex ont trové.
Li angle chantent hautement :
« Dex qui est pardurablement, Done nos joie et pais en terre, Et volenté de toi requerre. »
Au sepme jor que Dex nasquit, Si con trovomes en escrit,
DE SAINT FANUEL 45
Li juis, qi la loi tenoient
Et qui a gouverner l’avoient,
En l’estable s’en sont venu,
Ou l'enfant et la mere fu.
Li mestre prestre dist avant:
« Faites nos tost venir l’enfant, Lever l’estuet et baptisier. »
