Chapitre Troisiesme
de l’estat el propriete
des Rois et des Princes
La propriété des Rois et des princes et de leurs chevaliers, consideres que leur estat et vocation est pour le bien commun defendre tant ecclesiastique que seculier, et de entretenir justice et paiz entre leur subjects, et que pour bien faire, bien auront et en ce monde et en l’autre et que pour mal faire ne vient que peine; et qu'il conviendra quelque jour laisser le monde pour aller rendre compte de son entremise et recevoir son loyer. Et de exposer leur vie pour aultruy dont entre tous autres estaz du monde sont plus à louer et honnorer. Et pource que le bien commun qui regarde plusieurs, qui est la chose publique du Royaume est plus louable que le particulier, par lequel souvent est empesché le bien commun; on a volontiers mis en escript les faiz des princes et de leurs chevaliers, et toute bonne doctrine qui sert à leur estat.
Je ne voy rien qui tant ayt destruit et adnihilée la puissance
des Romains, que ce qu'ils entendoient plus au bien particu-
lier que au bien commun .
De Justice
Quant Justice regne en un royaume, le bien commun est bien gardé, et aussi le particulier: car Justice est celle vertu, qui garde humaine compaigne et communauté de vie, si que chacun use en bien des choses communes comme communes; et des particulieres comme particulieres.
Qui vieult ensuivir justice, 1l doit aymer et craindre dieu, afin qu'il sort aymé de lui; mais on ne le peut mieulx aymer que de faire bien à chascun et à nul mal, et lors les gens le clameront juste et le suivront, et luy feront révérence et le aymeront,
Qui vieult estre juste, ce n'est pas assez à non dommage eres aultres, mais il convient aussi contrarier à ceulx, qui veulent les aultres dommager :
Homme est juste ainsi pour aparailler paix et transquillité .
De justice apartiennent deux choses: volunté de proffter à tous, et de non nuyre à aultruy.
Quant les malles œuvres commencèrent à multiplier au monde périlleuseument, afin que les mauvais fussent chastiés, les hommes soubzmisrent leurs colz à la servitude de seigneurs, qui furent lors institués à garder droicture entre eulx.
Selon la nature des gens et des pays, les Roys en leurs terres establirent lois, par lesquelles leurs pays et Royaumes estoient et seroient maintenus : Car ence que l’un est Chevalier, l’autre marchant, et l’autre laboureur, ét que le profit de l’un empire le gaing de l’autre, guerres et haynes naistroient et seroient à la
destruction des hommes, si justice nestoit, qui garde et deffent la communité de vie, de qui la force est si grande, que les malfaiteurs ensemble veullent que justice soit entre eulx gardée.
Un Roy est bon et noble, qui en son Royaume oste la mauvaise loy, pour la bonne, et se garde de rompre la loy, qui est profitable au peuple, car le peuple obeist tousjours au bien-faisant.
Le greigneur et souverain bien, que Roy en son Royaume puisse avoir, est obeissance de ses subjectz, car plus ne demande Dieu de ses creatures.
Par observation de la loy les Royz et les princes font au peuple, ce qu'ilz doivent et ce qu'ilz sont tenuz de faire, et en ostent ce qu 11 sont tenus de oster.
Quant les Royz ne ont regard à la loy, ilz ostent au peuple ce qu ilz deussent laisser, et ne leur baillent pas ce qu'ilz deussent avoir, et en ce faisant ils font leur peuple serf, et perdent le nom de Roy: car nul ne doit estre appellé Roy, fors celui qui regne et seigneurist sur les frans, car les frans de nature ayment leurs seigneurs, mais les serfs naturellement les hayent, comme les esclaves leurs maistres. Un Roy regnant en droit et en justice est Roy de son peuple, et s’il regne en iniquité et violence, combien que les subgects le tiennent à Roy, toutefois leur volunté et leur courage s’encline à un autre. Car le Roy ressemble à un grant fleuve, duquel yssent petites rivieres et petitz ruisseaulx, et s’il est doulx et net, les petites rivieres et les petitz ruisseaulx seront nettes et doulces, et s’il est rude et salle elles seront rudes et salles.
Quant le Roy use de sa seigneurie autrement qu'il ne doit, envie croist sur lui, par laquelle naistra mensonge, et
apres hayne, et puis injustice, dont naistra bataille, par laquelle perira la loy et Justice, et si se perdront ses possessions et son domaine. Mais quant le Roy use de sa seigneurie, comme il doit, verité croist en son Royaume, de laquelle viendra justice; de justice amour; de amour grans dons et services, par laquelle la loy sera maintenue et gardée et defendue, et vivra son peuple en paiz et union et si sera accru.
Les subgectz du Roy sont avecques le Roy comme le vent est avecques le feu: Car quant le feu est alumé, là où il ne y a point de vent, il tarde de tant plus à ardoir.
Le Roy doit penser de l’estat de son peuple et le doit visiter ainsi souvent, comme un bon jardinier fait son Jardin: Car tout ainsi qu'il appartient au peuple de estre subjects et obeyssant au Roy: tout ainsi appartient-il au Roy, de diligemment entendre au gouvernement de son peuple, et y doit estre sa principalle cure: car les biens qu'ilen tire, sont pour tenir et gouverner son peuple en paiz et en Justice.
Le Roy est avecques son peuple, comme l'ame est avec le corps: si le ame se encline à mal, le corps le ensuit, Jouxte le verbe commun, ‘‘ De tel seigneur mesgnée duyte”.
Nul ne peut mieux estre aymé de son peuple ne avoir seigneurie durable, que pour luy bien faire: car en le grevant, posé que on ait la seigneurie du corps, à peine peut on avoir la seigneurie des courages. Moult peu y a à faire, de en estre aymé; et grant peril en est advenu souvent de le corrocer, car de courroux s’engendre hayne, et la hayne du commun s’encline souvent au barat de ses ennemis.
Les Roys sont honnorés par instrucions de bonnes loix,
par conquestz de Regions, et par peupler terres désertes,
Il appartient à un Roy conquereur, de garder et mettre bonne justice es Royaumes et seigneuries, qu'il a acquises: Car combien que griefve chose soit de les conquerir, encores est-il plus grief de les bien garder.
Un Roy doit tousjours user et faire par conseil et par bonne et mure deliberacion: Car de tant que sa puissance est plus grande, de tant est plus perilleux pour luy et pour son Royaume, de ensuivir ses voluntez sans conseil.
C'est plus grant chose de savoir seigneurier sa volunté, que de seigneurier le monde de Orient en Occident.
Qui a bons et loyaulx conseilliers et les croit, son Royaume et sa puissance croissent et fleurisent, comme le vergier arrousé de bonne eaue: Car comme le vergier par secheresse et faulte de eaue ne peut fruélifier, ainsi le Prince ne son Royaume ne peuvent fructifier, s'il n’a de bons et loyaulx conseilliers, et qu il les croye.
Un sage Roy de bon entendement amende moult et fait valoir ses conseilliers.
Quant un Roy sçait que aucun de ses subjeciz a commis deliét contre lui, il doit hastivement et sans attendre enquerir du fait la verité, et la quantité du délit, et s'il est de fait à pensée, ou par ignorance, et aussi s’il est acoustumé de ce faire, et s’il est vray-semblable qu'il doive rencheoir, et sur chacun de ces poins remedier hastivement.
Et quant un Roy de bonne discretion à deux choses trèshastives à faire, il doit commencer à la plus noble et à la plus proffitable : et si toutes deux sont de un mesme estat, 1l doit
commencer à celle, qui moins se pourroit recouvrer au temps advenir.
Si un Roy tient en aussi grant amour les desloyaulx et les maulvais comme les bons, on ne le devroit pas tenir pour Roy, ni ne devroit pas longuement regner.
Un Roy doit commetre ses besoignes à celluy. qu'il a esprouvé en sens, en foy, et en gouvernement: et si tel ne peut trouver, preigne celuy qui aura toujours conversé avec les sages et non point avecques ses ennemis.
Un Roy ne se doit fier en celuy, qui le desprise; en homme convoiteux; en celuy, qui est sailly de grant pauvreté en grant richesse; en celuy, qu'il a privé de ses biens et de sa seigneurie; en celuy, qui a souffert plusieurs dommages par l’ordonnance Royal: ne en celui, qui a quelque intelligence ou amitié avec aucuns de ses ennemys; qui autrement le fait, se met à mercy de son ennemy: Et sur tout bien se doit garder de ennemy reconsilié, car tel, s’il pouvoit une fois veoir le temps de soy venger, 1l ne se pourroit saouller de son sang.
Un Roy ne doit point estre deceu, si plusieurs se offrenr à luy en sa prosperité, ne laisser à honnorer sa chevalerie et leur donner grans gages, pour tant qu'il cuide avoir peu de ennemis, car en quelque lieu que ce soit, tousjours en peut il avoir afaire.
Le bon Roy doit ressembler à la bonne et belle riviere courant, qui porte proffit à chacun. Le bon Roy se delicte en sa bonne Chevalerie et en son bon peuple: Car par sa chevalerie son Royaume est defendu, et par son peuple lui et sa chevalerie ont tout ce que mestier leur est: et pourtant le Roy doit plus
avoir de attention de adreçer et maintenir son peuple en paix et justice, que de habonder en chevalerie: Car sans peuple ne peut estre chevalerie maintenue: et de tant que le peuple sera mieulx gouverné, de tant en sera il plus obeyssant: ne il n'est rien mieulx convenable à un Prince, que de convoiter l'amour de son peuple.
Bon Roy est celui qui met peine de garder ses subjectz comme soy-mesmes, et qui n'est pas si rigoureux ne oppressant, qu'1l leur conviegne laisser sa seigneurie: et qui aussi ne leur est pas si debonaire, que 1ls desprisent ses commandements.
Si un Roy est misericors, ses besoignes grant bien, s'il est prudent et véritable son peuple s'en esjouira avecques luy, et s’il est juste, son regne durera.
Un Roy ne doit corriger tout à la rigueur les faultes des hommes, car les hommes ne se peuvent pas du-tout garder de faillir, par quoy il convient aucunefois pardonner les erreurs, et si convient de necessité faire punicion, il doit monstrer, qu'il le fait plus comme contràint de la drecer, et non pas en semblant de venegance.
Le Roy, quant il cognoist celuy, qui le ayme, il le doit bien garder, car en la perte de un amy on gaigne plusieurs ennemys .
Le meilleur Roy qui soit c’est celui, qui n’est pas subject à sa volunté, et qui fait toutes choses qui sont bonnes et profitables à son peuple, et qui plus a l'œil et le cueur au bon gouvernement de son Royaume, que aux deliéz de son propre corps, ne à ses voluntez.
Le Roy ne doit point conmettre a autruy les besoignes de
son Royaume, qui lui sont nécessaires a faire, car chacune besoigne de son Royaume est petite, laquelle ne luy apartient a faire, ou elle est grevable, laquelle lui apartient à faire, sans
commettre à autruy.
Doncques s'il commet à autruy les grandes besoignes de son Royaume, et qu'il se employe es petites, il apercevra quel dommage luy adviendra au temps advenir.
Et si le Roy desprise ou delaisse aucunes des petites choses, qui luy appartiennent de faire, il en delaissera voluntiers de plus grandes. Et ainsi se pert et destruit peu à peu, comme la petite maladie croist et destruy le corps, si bon remède n y est mis à heure.
Et si le Roy est paresseux ou non challant de chercher ou enquerir les faiz de ses Chevaliers et de son peuple et de ses ennemis, il ne sera pas un jour surement en son Royaume.
Le plus grant profit que le Roy puisse faire à son Royaume est de en oster les maulvais et remunerer les bons: Car s'il donne aux meschans qui ne le ont desservi, 1l ostera le courage de bien faire aux autres, et en bref temps sera si plain de gens de neant, qu'il ne se en saura delivrer,
Un Roy doit mieulx aymé les rudes parolles profitables et veritable que les doulces parolles de barat et de flaterie: et especiallement ne doit croire doulces parolles de son ennemy: Car ainsi comme aucuns mettent venin en doulx breuvage, semblablement soubz doulces parolles sontsouvent musées et embuschées barat et trayson: jouxte le dit de Caton, « Le oyselleur flageole doulcement quant il vieult decevoir loysel. »
En ce cas le Roy doit estre sage, prudent comme le serpent
nommé aspic qui clost ses oreilles afin qu'il ne oye point l’enchantement par lequel on le veut decevoir: et doit considerer que les medecines, qui plustost donnent santé, sont les ameres et d’estrange saveur: aussi un rude parleur donne souvent meilleur conseil, que le beau langageur.
‘Foutefois si comme l’or surmonte toute maniere de metal, aussi est la science de bien parler plus noble, que nul art du monde: dont Tulle dit que la plus haulte science de peuple gouverner, si est retoricque, qui est science de bien parler car si parolle ne feust cité, ne seroit ne nul establissement de justice, ne de humaine compaignée.
Sur quoy on doit savoir que les loquences ou parleures sont données de quatre manieres.
Car les uns sont garnis de grant sens et de bonne parleure, qui est fleur du monde; les autres sont vuides de bonne parleure et de sens, qui est très grande meschance.
Les uns sont vuides de sens mais ils sont trop beau parlans, qui est très grant peril, desquelz le Roy se doit souverainement garder.
Et les autres sont pleins de sens mais 1lz se taisent pour la pouvreté de leur parleure, et ce requiert ayde.
En la bonne parleure convient us et art qui sont pleins de grants enseignemens, et enseignement n'est autre chose que sapience qui comprend les choses selon ce que elles sont, et les prevoit, et leur met certaine fin et certaine mesure: et quant elle est jointe à parleure, il n’en peut yssir que bien.
On list du Roy Alexandre, que jasoit que son père le Roy Philippe sur le point de sa mort l’eust couronné et fait Roy de
son Royaume et seoir en son siège Royal, et que les Princes et les seigneurs en feussent contens, neantmoins apres la mort de son pere, pour attraire les cueurs de ses hommes et subjectz, leur dit entre autres plusieurs belles parolles: Beaux seigneurs, je ne vueil avoir aucune seigneurie sur vous mais vueil estre comme l'un de vous et ce quil vous plaist me agrée: Je vueil aymer ce que vous aymerez et hayr ce que vous hayrez: Je ne vueil en aucune maniere estre contraire à vous ne à vos faiz. Mais Je, qui hay frauldes et malices et vous ay tousjours aymés au vivant de mon père et encore fays et feray, vous conseille et prie, que vous craignez dieu et que lui obeyssez comme au Seigneur souverain et celuy eslisez à Roy, que vous voyez le plus obeyssant à dieu, qui mieulx pensera du bon estat du peuple, et qui mieulx sera debonnaire et misericors aux pauvres, qui mieulx gardera justice et le droit du foible comme du fort, qui mieulx exposera son corps es choses publicques, qui pour nulles delectacions ou delices ne sera paresseux de vous garder et defendre, qui plus hardiment se mettra en peril de mort pour destruire vos ennemys, et qui par moyen de ses bonnes œuvres vous defendra de tous maulx: car tel homme doit estre eslu à Roy et non autre.
Et comme ses hommes eussent ouyes ses raisons et cognu sa grande discretion et subtil entendement, 1lz furent moult esmerveillés et luy respondirent: Nous avons ouyes tes raisons, et avons reçeu et recevons ton conseil, si te suplions et voulons que tu regnes et seigneurises sur nous tousjours, et ne tenons pas que nul autre ait mieulx desservy à estre nostre Roy. Et ainsi le esleurent à seigneur et à Roy, et le couronnerent et lui don-
nerent leur benediction et prierent à dieu, qu'il le voulsit maintenir. Auxquels 1l dist: J'ay ouy Île oraison que vous avez faicte pour moy, et comme de bon cueur vous m'avez faiz Roy, si requiers humblement à dieu, qu'il afferme l'amour de moy en vos courages, que pour quelque delettacion il ne me souffre faire chose, qui ne soit à vous proffitable et à moy honorable.
On list aussi du Roy Salomon, que pour les beaulx jugemens qu'il faisoit le peuple l'encraignoit plus fort. Et ainsi de plusieurs autres, dont la vie doit estre comme lumiere à ceulx qui viennent aprés.
Du Bien commun du Royaume
Les lois principales des princes regardent le bien commun, qui est la chose publicque du Royaume, et chevalerie est principalement establie, pour la deffence d’iceluy bien commun, si comme font les cités et le Royaume.
Au commencement du siecle la vie champestre et desaornée des hommes fut desseurée de la communauté des bestes mues et sauvages, par les cités et villes, quant elle furent faites premierement .
Et citez fut premierement le nom du bien commun ou de la chose publicque.
Cité est un assemblement de gens à habiter en un lieu, et à vivre à une loy: et ainsi comme les gens et leurs habitacions sont diverses, aussi le visage et les droiz sont divers parmi le monde, et selon ce sont diverses segneuries, pour garder le bien commun, si que le fort ne griefve le foible, et que chascun ait ce qui est sien, et qu 1l en euse par droit et raison.
Le gouvernement du Royaume doit estre ferme et assis sur trois piliers.
Le premier est Justice, qui doit estre fermé et establement dedans le cueur du Roy, qui doit à un chascun rendre son droit, et ne ployer à destre ne à senestre.
Salomon dit que “ 7uste Roy n'aura ja meschances”.
Le second pilier est reverence, qui doit éstre au peuple jouxte le Apostre, qui dit, ‘ Æonorez vostre Seigneur ”, C'est la seulle chose au monde qui poursuit les merites de foy, et qui tous sacrifices sourmonte.
Le tiers pilier est amour, qui doit estre en l’un et en l'autre : car le Roy doit aymer ses subjeétz de grant cueur et de chere foy, et veiller jour et nuit au profit commun du Royaume, et de tous ses subgects: Aussi doivent-ils aymer leur Roy de droit cueur et de vraye intencion et luy donner conseil et aide à maintenir son estat et seigneurie. On dit, celui est bon chevalier et ayme de dieu, qui ayme loyaulment celui qui regne par l’auctorité de lui.
