Primo, d'abord
LE PREMIER
Vous piaignez-vous pour si petit?
Sommes-nous gens si enragez?
LE MONDE, Gens nouveaux, petit à petit, J'ay grant puur que ne me mangez, LE SECOND.
Il fault que vous vous reclamezt, A vous le dire franc et court.
LE MONDE, Vous estes si très affamez Que ne povez entrer en court ?, LE TIERS, Vous parlez en parolles maigres; Dictes vostre desconvenue.
LE MONDE, Vous mordez de morsures aigres, Gens nouveaux, à la bienvenue.
LE PREMIFR, Les Gens nouveaulx auront leur tour, Puis que une foys sont esveillez.
LE MONDE, En me monstrant signe d'amour, De nuyt et jour vous me pillez.
LE SECOND
Il faut que vous appareillez À nous bailler ung peu d'argent, Monde.
LE MONDE, Si souvent! si souvent!
LE TIERS
Voire si souvent, plus encor.
Ça, de l'argent.
LE PREMIER
Ça, ça, de l'or, Monde, nous vous garderons bien.
LE MONDE
Or ça, quand je n’auray plus rien, Sur moy ne trouverez que prendre,
LE SECOND
Nous sommes encore à prendre; Monde, endurez cette saison.
LE TIERS
Je cuide que ceste maison
Lui ennuye. Changeons de place, Affin que soyons en sa grace.
Monde, voulez-vous desloger ?
Nous vous ferons ailleurs loger Honnestement, mais qu’il vous plaise.
1. « Que vous vous réclamiez, que vous fassiez appel contre nous, » Se réclamer était, dans ce scus, de la langue du droit.
2. Autre terme de pratique,pour dire : accorder des délais ; l'expression « entrer cn quartier», qui se trouve dans Cotgrave, avait le même scus.
DER Po
sd
FARCE DES GENS NOUVEAULX. 13
LE MONDE
Je ne suis pas fort à mon aise; Je suis en mal; c’est grand soucy.
LE PREMIER, Sus, sus, vous partirez d’icy.
Venez-vous en.
LE MONDE
Dieu me conduye.
LE TIERS
Pour gucrir vostre cueur transy, SUS, Sus, vous partirez d’icy.
LE MONDE
Gens nouveaux, faictes-vous ainsi ?
LE PREMIER
Il est conclus, n’en doubtez mye.
Vecÿ plaisante hotellerie.
Monde, logez-vous y, beau sire.
LE MONDE
Ha, Dieu, je vois de mal en pire!
Que me faictes-vous, Gens nouveaulx?
Vous m'estes faulx et desloyaulx; Vous me logez de mal en pire.
LE PREMIER
Autant vous vault plourer que rire, Monde, prenez bon reconfort.
LE MONDE
Que ne descend tantost la mort, Mordant par diverse poincture!
Privé me sens de tout confort;
Dure durete et passion dure,
Dures pleurs me convient getter,
Sans nul espoir, fors regreter Regretz piteulx, et lamenter
Lamentz mortelz qu’on ne peult dire; D'ire me fault tout tourmenter; Tourmenté en [lrès] grant martire, Tiré suis en logis mauldit.
Gens nouveaulx en font leur edit.
Ha ! Monde, où est le bon temps
Que tu plaisoys à toutes gens?
Et ores tu es desplaisant.
Peuple, d’avoir bien ne te attens Quant Gens nouveaulx sont sur les rens, Toujours viendra pis que devant.
LE SECOND
Vous estes en logis plaisant.
De quoy vous allez-vous plaignant ?
Vous plaignez-vous des Gens nouveaulx?
LE TIERS,
Se plus vous allez complaignant Encore aurez pis que devant; Ce ne sont que premicrs assaulx.
LE MONDE
Or voy-je bien qu’il m'est mesticr De le porter patiemment.
Chascun tire de son cartier !
Pour m'avoir, ne luy chault comment.
Vous povez bien voir clerement Que Gens nouveaulx, sans plus rien dire, Ont bien tost et soubdainement Mys le Monde de mal en pire.
Fort est grant le mal que j'endure. 1. De son côté.
FINIS
Farce nouvelle moralysée des Gens nouveaulx qui mengent le Monde et le logent de mal en pire.
FIN DE LA FARCE DES GENS NOUVEAULX
