LA FEMME DU RICHE

Mon seigneur, vous avez trop chauit; Et si vous estes eschauffé,

Aussi yré ! et courroucé.

Or vous rasseurez ung poy?.

Dame, par la foy que vous doy,

Je ne me puis plus soubstenir;

À terre je me lairray choir :

Portez-moy tost, sans plus attendre.

LA FEMMEe

Monsieur, j’ay le cueur trop tendre, Et me vient à grant desplaisir

Du mal que je vous voy souffrir. Trotemenu, viens sans tarder; Monsicur, fault vous aller coucher.

Je ne sçay quel mal luy est pris, Dont tout le corps a entrepris.

Je croy, certes, qu'il se mourra; Jà de ce mal n’eschappera.

Il le nous fault aller coucher.

Delivre-toy, je t’en requier, Ainçoys qu'il soit plus agravé; Moult est palle et descoulouré.

Cela luy a faict ce truant

Qui à celle porte devant

Ne cessa huy de cliqueter,

Sçavoir s’on luy vouldroit donner Des myetes de nostre table.

Se n'est pas chose trop coustable; Mais monsieur trop le heyoit 3 Pource que tousjours revenoit Ceans à l'heure de disner;

Ses cliquetes faisoit sonner,

Dont mon seigneur est courroucé.

Or fault qu’il soit tantost couché.

Allons le coucher vistement.

TROTEMENU,

Ma dame, à vo commandement.

Allons y donc sans plus atendre.

Je voys la couverture estandre;

Allez, si le faictes venir.

Lasse, il ne se peult soubstenir.

Vien t'en m'ayder à le mener,

À pou qu'il ne peult mais aller.

Voy comment il est noircy.

Or sa, monseigneur, je vous pry, Plaise de vous resconforter,

Il vous fault ung peu reposer

Et vous coucher sur vostre lit.

LE RICHE

Par Dieu, dame, j'ay grand despit;