Ne sorte

Dictes hardiment que j’affolle,

Se je dy huy autre parolle,

A vous, ne à autre personne,

Pour quelque mot que l’on me sonne, Fors Bée, que vous m'avez apprins.

PATHELIN

Par sainct Jean ! ainsi sera prins Ton adversaire par la moe !.

Mais, aussi, fais que je me loe, Quand ce sera faict, de ta payc?

LE BERGIER

Monseigneur, se je ne vous paye A vostre mot ?, ne me croyez Jamais. Mais, je vous pry', voyez Diligemment à ma besongne.

PATHELIN

Par Nostre Dame de Boulongne 1 Je tiens que le juge est assis; Car il se siet tousjours à six Heures, ou illec environ.

Or vien après moy : nous n'iron Pas tous les deux par une voye.

LE BERGIKR.

C'est bien dit : afin qu'on ne voyc Que vous soyez mon advocat?

PATHELIN

Nostre Dame! moquin, moquat, Se tu ne payes largement!

LE BERGIER

Dieux! à vostre mot vrayement, Monseigneur, n’en faictes nul doubte.

PATHELIN, seul

Hé dea, s'il ne pleut, il desgoute *.

Au moins auray-je une espinoche ° :

J'auray de luy, s’il chet en coche, Ung escu ou deux, pour ma paine.

Devant le Juge.

Sire, Dieu vous doint bonne estrainc, Et ce que vostre cueur desire!