S. POL

Se vous dictes bien, resgardez Qu'’au premier assault je m’enfuic, Qui ne doy doubter! vent ne pluie, Roys ne princes, ne duc, ne conte :

Sire, ce seroit trop grant honte

Et escande* pour les enfermes#,

ANANIAS

Bien sçay, frère, qu’estes sy fermes Que vous ne doubtez point mourir; Mais, pour Dieu, vueilliez secourir Au monde qui est en erreur!

Ce n'est escande ne horreur

S'un pou vostre mort différez ;

Mès grant bien et grant sen ferez, Por mielx en la foy labourer,

Et Jhésucrist plus honnourer

Qui a en vous sa grâce mise

Et vous a fait de sainte Eglise Noble docteur et son apostre.