Dont j'ai peur, que je redoute

4. « Tort qui puisse léser qui que ce soit. » 5. « Tes plaintes ne servent de rien. »

LE CHEVALIER

D'icy à trois jours ou à quatre, En ce boys qui est près d’icy, Point ne seray hors de soucy, Tant que vous y soyez menée.

LA DAME

Avez-vous voulenté fermée À ce propous, mon bon seigneur?

Mais que ce soit sans deshonneur Ne sans villennie de mon corps, Je suis de tous vos bons accordz Contente ; mais je suis en doubte Pourquoy vostre vouloir se boute De me mener en ce boys là, Car il ne vous advint piecà !

D'en parler. Ne sçay dont ce vient.

LE CHEVALIFR.

N'en parlés plus; il le convient ; Avancez-vous ; il le fault faire.

LA DAMF.

Puis que le cas est necessaire, Allons y donc quant vous voudrez; Vos gens avec nous mencrez:

Compaignie est bonne en tel cas.

LE CHEVALIER, Non feray, car je ne veulx pas Qu'il ÿ ait nul que vous et moy.

LA DAMF.

Cela me fait au cueur esmoy Quant ÿ voulez aller seullet, Sans avoir paige ne varlet

Que vous et moy ; que veult ce direr

LE CHEVALIER

N'en parlez plus.

LA DAME

Nenny, beau sire :

Puis qu’il vous plaist, je le veulx bien,

Pourveu qu’on ne me face rien Avec vous.

LE CHEVALIER

Estes-vous en doubte ?

LA DAME

Nenny. Mais je crains, somme toute, Aulcun que pourrons rencontrer.

Ne vous en vueillez point doubter ; Homme ne vous fera nul mal.

Decvaller vous fault par ce val Affin que nul si ne vous voye.

LA DAME

Or allons, que Dieu nous convoye * Et la doulce Vierge Marie,

À laquelle requiers et prie,

Au nom de sa Conception,

Que de cruelle affliction