Conduise

Nous vucille garder et deffendre.

LE DYABLRK,

Il me convient aller attendre Le chevalier qui doibt venir

Et sa femme, pour parvenir

Au point Où J ay picçà tendu.

Puisque du tout il s’est rendu À moy, et puis sa femme aussi, Par ceste lettre que j’ay cy,

Qu'ilz ne soyent tous miens par sentence

Rien n’y vault le contredire.

LA DAME

Je vous requiers qu’en ceste eglise Voyse ung petit pour Dieu prier,

La Vierge où je me veulx fier,

Et puis après viendray à vous.

Mon cueur sera hors de courroux

Et de pensée, mais que humblement J'aye presenté devote ment

Ma petition à Marie.

Mon doulx seigneur, je vous en prie Que vous m'ottroyez ma requeste.

LE CHEVALIER

Vous me faictes mal en la teste

De tant quaqueter ; allez doncques Et gardez, pour choses quelconques, Que vous veniez incontinent Qu'aurez fait.

LA DAME

Croyez seurement, Si feray-je ; n’ayez soucy, Je reviendray en ce lieu cy Tout maintenant sans arrester.

Devant toy me viens presenter, Vierge, que chascun doibt prier

Et honnorer;

Vueille entendre ma prière ;

Plourer, gemir et lamenter

Je dois bien, et me dementer, Sans deporter ;

Assez y a cause et matière :

Mon mary, Vierge tresorière 1,

M'ameine en ce boys là derrière,

Mais la manière Ne me veult jamais declairer.

Si te prie, estens ta lumière ; En toy est ma fiance entière.

Soys ma bannière, Viens moy, s’il te plaist, conforter.

Par ta saincte Conception,

Soye garantie, Vierge digne.

En toy est ma protection.

Sans fiction, Humblement vers toy je m’encline ; Helas, dame, je suis indigne, Que ta doulce grace benigne

Sur moy consigne Pour avoir supportation.

Mais tu es la vraye medecine

1, « Qui as tous les trésors de la grâce. «

Qui des cueurs oste la racine Très-maligne

Qui fait estre en perdition.

Garde mon mary, doulce dame,

De pensée villainc et de blasme De corps et d'ame,

Tant qu’à te servir il g'accorde.

Oste le de la voye infame.

Et moy, qui suis sa povre femme Qui te reclame,

Fais nous vivre en paix et concorde.

Le fauix Sathan point ne le morde.

Se sa vie a esté orde !, Si le recorde ?

Bien pour eviter la flamme

. D'enfer. Oste le de la chorde

De peché remply de discorde ; Son faict recorde,

Devant Dieu #, qu'il n'aÿt diffamc.

NOSTRE DAME

Mon filz, grace je te preclame Pour une qui est bien m'amyÿes Laquelle n’a desservy mÿe Qu'elle soit du tout reffusée ; Car elle a tousjours sa pensée A te servir et moy aussi.

Or est-elle en grant soucy Pour ce que le faulx Sathanas Tient son mary fort en ses las ?, Et tant que luy a fait promettre Et de son sang faire une leltre Que sa femme luy livreroit.

Site prie, filz, par bon droit, Que la femme soit garantie,

Et pour le chevalier te prie Que du dyable delivré soit,

Car Sathan très fort le deçoit Par ses abus dyabolicques

Et par ses fallaces oblicques, Dont son ame est en grant danger.

Mon filz, ne te vueille venger De luy, je ten prie humblement.

DIEU

Mère, vous sçavez plainement Qu’à voz justes petitions

Ne fais point contradiclions.

Vostre vouloir s'accorde au mien, Et pour tant, mère, je vCUx bien Que la femme soit delivrée,

Car à tort elle est obligée.

Mais au regard de son mary, Mère, saichez qu'il est ainsi Qu'il m'a regnyé, et l'eglise, Par quoy il pert toute franchise, Et de son sang lettre en a faict,