Lacs, filets

Dont il a grandement meffaict.

Or est ainsi que ne doy pas, Veu le merveilleux faict et Cas, Luy pardonner legierement.

NOSTRE DAME

0 juge, voy planierement

Que ce qu'il a fait et commis, Comme hors de sens et desmis De raison il a perpetré ;

Par quoy luy doit estre impelré Remission en Ce Cas CYy.

Et de rechef, mon filz, aussi

Tu scès, quant il te regnia,

Que raison en lui fourvoya

Et n'eut pas à la fin regard.

Item et mesme, d’aultre part, Oncques ne voulut regnyer

Mon nom. Pour tant je te requier Qu'il soit de ce peril dehors

Et que luy soys mysericors ï Entendu l’orde abusion

Et la grant persuasion

Que le dyable son adversaire

Luy a faict par cas soubdain faire.

Mon filz, n’en prens pas par sentence De son meffaict telle vengence, Comme le cas bien le desire.

DIEU

A vous ne veulx point contredire, Doulce mère, c’est bien raison, Jaçoit ce que Sa desraison

A peine se peult pardonner.

Confort vous luy yrez donner

Et delivrer la damoyselle

Qui vous sert en vosire chappelle En faisant sa petilion.

A luy yrez en fiction

De sa femme *?, et puis vous menra Au lieu où mener vous vouldra, Cuydant que ce soit sa partie; Elle demourra endormie

Jusques à tant que vous viendrez.

Au faulx Sathan vous osterez

La lettre qu'il tient en sa main, Et le chevalier tout à plain Delivrerez, aussi la dame;

Car vostre pitié me reclame

A luy faire grace el pardon.

Anges, tous allez à bandon ?

La convoyer benignement.

NOSTRE DAME

Je te mercye humblement,

Mon doulx filz courtoys et begnin.

Anges, mettons-nous à chemin Pour aller vers ce chevalier.