Saus attendre davantage. s

LE RICHE derrière l'autel.

Demande, je te octroyray.

Mais que ce soit juste demande.

Or ça doncques il vous demande De bon cueur, le pauvre Drouet, A qui vous donrez sil vous plaist Un cent d’escus tant seullement.

LE RICHE

N'en voudroys tu point moins de cent?

LE PAUVRE

Nenny par ma foy c'est le cas.

LE RICHE, Tu auras soisante ducatz.

LE PAUVRE

Par sainct Sire je n’en veuil nulz, Car je veuil avoir des escutz, De ducatz je n’ay point d’envie t.

LE RICHE

Tu en auras quatre vingtz dix De bons et fermes en un tas.

LE PAUVRE

Beau sire, ymaginez le cas,

Et que vous fussiez devenu Comme moy pauvre, quasi nud, Et que je fusse Dieu, pour veoir :

Vous les voudriez bien avoir,

Cela est piéça tout commun ?.

LE RICHE

En voyla cent, il s’en faut un, Pren les, ou laisse se tu veux.

LE PAUVRE

Or ça, n’en auray-je donc plus ?

Vous me faictes un grand forfaict.

Les prendray-je donc en effect?

Ouy, on ne scet qui va, qui vient.

Puis y a un point qui me tient, Que m'en pourroyc bien repentir:

Pourtant les me faut recueillir, Pour ua escu ne plus ne moins.

LE RICHE

Ha par bieu! ne par tous les sains Vous les rendrez, maistre couart!

Ca, que le dyable y ayt part,

Par la mort bieu, y les emporte.

Raporte, mon voysin, raporte.

| LE PAUVRE

Quel diable esse qui m'apelle ?

LE RICHE

Par nostre Dame, je lay belle

1. Il n'est pas étonnant que le savetier Drouet ne veuille point de ducats, qui étaient une monnaie étrangère, à laquelle il n'entendait rien. Le cours n’en fut assez considérable en France que dans la dernière partie du règne de François Ier, comme on le voit par son ordonnance de 1540, « pour le fait des monnoies. » IL valait alors 46 sols et quelques deuiers,