À renom, crédit

Mais je vous prie en toute humblesse!, Que vous ayez pitié de nous.

EXPERIENCE

Les conseilliers vous seront doulx:

On ne vous fera que raison.

Sus, sergens, entendez à vous?

Remenez ces gens en prison!

LE FOL

Baillez-leur chascun ung grison?, Pour passer plustost la poterne? Vien ça, visaige de busson®?

Iray-je porter la lanterne?

Clistere les maine en prison.

CLISTERE.

SuSs, sus, venez en la caverne?

Le lieu n’est pas encores plain.

SAIGNÉE

Il y a mauvaise taverne:

On n’y trouve ne vin ne pain.

PILLULE.

Demourez là jusque à demain :

On vous fera vostre paquet.

DIETTE.

Nous vous laissons en ce lieu sain.

SURRESSE.

Adieu, Soupper !

| DIETTK.

Adieu, Bancquet!

EXPERIENCE

Seigneurs, vous cntendez le fait De ce trouble et de ce maleur:

Bancquet est ung murtrier parfait, Soupper batcur et mutileur,

Vous estes gens de grant valeur, Pour sçavoir telz cas decider: Conseillez-moy, pour le meilleur, Comment j'y devray procederÿ

YPOCRAS

Nous ne faisons que commander Qu'on se reigle, qu'on se temperc; Mais nul ne se veult amender :

Velà dont vient le vitupere*.

Quant à part moy je considere Les excès el polacions,

Se le monde ne se modere,

Il en mourra par millions.