Buson, buse

4, « Le bläme (vituperatio). »

296 LA CONDAMNACION DE BANCQUET.

GALIEN

A la verité, bien scavons

Dont viennent ces faultes pessimes! :

Largement escript en avons,

Baillant deffences et regimes.

Ypocras, en ses Amphorismes,

Conseille bien la creature,

Et moy, par gloses infimes,

Aÿ commenté son escripture.

AVICENNE

Ung chascun corrompt sa nature,

Par trop de viandes choisir,

Car qui abonde en nourriture

À peine peut-il sain gesir ;

Et pourtant aÿ-je prins plaisir

À denoter expressement

Que après appetit et desir

On doit manger non autrement.

AVERROYS

Quant on a souppé largement

Tout à loisir, sans soy haster, Comment peut estre proprement L'estomac prest pour bancqueter?

Nous retardons, sans point doubter, Nostre digestion du tout,

Ainsi que quant on vient bouter

De l’eaue froide en ung pot qui bout,

YPOCRAS

Comme l’eaue froide en pot bouillant

Peut retarder ou dommaiger ?,

Ainsi ung estomac vaillant

Est bien grevé pour trop manger.

Mais, pour eviter ce danger,

Notez ceste rcigle distincte,

Qu'on n’y en doit point lant loger,

Que Ja chaleur en soit extincte #.

GALIEN

Et pourtant me fut demandé,

Par disciples plains d’eloquence, Ung regime recommandé

Pour durer en convalescence;

Je leur respondis que abstinence Est de si parfaicte valeur,

Qu'elle augmente l'intelligence,

Et nourrist l'homme sans douleur t.

AVICENNE

Je vous diray ce qu'il me semble D'ung grant abuz et d’ung deffault, Quant vii ou viii metz tout ensemble En ung estomac loger fault;

Se l’ung fait tempeste ou assault, L'autre est picquant ou perilleux :