Prunû, d'abord

374 FARCE DU GOUTEUX.

LE VARLET

Comment ! tendez-vous ung baston !

Sur moy, pour demander un prebstre ?

Je m'en vois le dire à mon maistre.

Cela debvez faire à ung paige ?.

LE CHAUSSETIER

Ce n’est donc pas pour vostre usaige ; Allons donc sa mesure prendre.

Helas ! j’ay beau ici attendre Pinsonnet ou l’apoticaire, Mon varlet ne me peult entendre.

Helas! j'ay beau ici attendre.

Que la foyre le puisse prendre Tout royde mort, s’il est plus guère.

Helas, j'ay beau icy attendre Pinsonnet ou l'apoticaire.

LE VARLET

En luy demandant ung vicaire, Qui-vint mon maistre confesser, Voyez comme il me veult fesser.

Je m'en plaindray à la justice.

LE CHAUSSETIER

Si la chausse n'est bien faicte, J'en attendray le reproche.

Marche devant.

LE VARLET

Dea. ne me touche.

Voyla ung sourd hors de raison.

LE CHAUSSETIER

Bevrons-nous point à la maison ?

Ouy, puisque c’est pour le maistre.

LE VARLET

Cité serez à comparoistre, À ma requeste, en jugement ; Demain auray, par mon serment, Tresves de vous et asseurance.

LE CHAUSSETIER

Monstrez-moi tost la demeurance ?, Car j'ai haste de besongner.

LE VARLET

Ha, je vous feray empoigner, Car vous me suyvez de trop court. Mon maistre, hau! voicy ung sourt Qui me veult battre et faire ennuy, Et n'ay onc sceu savoir de luy Où est l’homme que demandez.

LE GOUTEUX.

Au diable soyez commandez Tant vous me faictes de laydure.

LE CHAUSSETIER, Prendre fauldroit vostre mesure.

Ça, la jambe. Bonsoir, mon maistre.

LE GOUTEUX.

Tu me fais bien besler et paistre.

1. Ici, le chaussetier lui place sur le dos son aune, que le valet prend pour un bäton dont il veut le frapper.

2. « Cela est bon pour un page. » Ou les bâtonnait alors, ct les fessait tres-voluntiers.