La demeure, le logis

Que mauldit soit le coquin !

LE CHAUSSETIER, Voicy la pièce de morquin, De quoy bien je le vous feray.

Mais, monsieur, je vous diray, Votre varlet ne m’entend pas.

LE GOUTEUX.

Bien voy que suis à mon trespas ; Ce n'est pas ce que je demande.

LE CHAUSSETIER

Une chausse doibt estre grande Pour y entrer plus à son ayse.

Ça, la jambe, ne vous desplayse ; Elles seront prestes matin.

À l’ayde ! larron, chien mastin, Tu m'as bien achevé de paindre.

LE CHAUSSETIER

Le drap, monseigneur, l’ay faict taindre Pour Perrin, sans faulte nulle.

LE GOUTEUX.

Helas ! j'avois icy la mulle!

Que ce villain m'a faict seigner.

LE VARLET, I ne m’a voulu ensaigner La maison, aussi le vicaire, Où demeure le presbitaire Que vous me demandez ainsi.

LE CHAUSSETIER

Dea, je fourniray aussi De doubleure, cela s'entend.

LE VARLET

Ma foy, mon maistre, il prétenc Tirer de vous je ne sçay quoy, Voyre, et se congnoist autant En medecine comme moy.

LE GOUTEUX.

Que j'ay soulcy et grant esmoy Pour ces deulx lourdaulx insciens®!

Allez vous-en hors de ceans, Que jamais je ne vous revoye.

LE CHAUSSETIER

Je borderay ung peu la braye, Et la decoupera qui vouldra.

LE VARLET

Par ma foy, vous n’en bevrez jà, Puisque vous m'avez voulu battre. ,

LE GOUTEUX.

La male mort vous puisse abatre, Sans que puissiez avoir secours.

Il n'est point de plus maulvais sours Que ceulx qui ne veullent ouyr. Messeigneurs, pour vous resjouyr, Oyons tous la comédie.

Supplyez à la maladie+.