Coucher dans un lit amoureux

(Y chante.) « Las ! de mon triste desplaisir « À vous belle je me complains.

« Vous y traictés mal mon désir, « Sy tres avant que je m'en plains « Entre vos mains, « Par mons par plains, « Sans nul confort, « Dont sur ma foy, « Comme je voy, « Vous avez tort.

« Mainct homme en est crochu et tord ?

« Dame, de bien et de santé. »

LE JEUNE

Mainct homme en est gaillard et fort Possédant des biens à planté #.

LE VIEL

Mainct homme en est bien suplanté *.

LE JEUNE

Chacun doibt en amours hommage, Car de luy vient force et beaulté.

LE VIEL

Mais deuil, desplaisir et dommage.

Dido la royne de Cartage

S'occit par folement aymer.

Et Léander s’en mist à nage!

Tant qu'il fut noyé en la mer.

LE JEUNE

On doibt les sos amans blamer Qui ne savent que vault amour ; Et les sages moult estimer,

Qui d’aymer ont congneu le tour.

LE VIEL

Ne voys-tu pas de jour en jour Comme plusieurs en sont gastés !

LE JEUNE

A !'ils ont faict trop long séjour, Avec les filles assotés.

S'ils eusent congneu les bontés Des sages femmes, et honnestes, Pas ne fusent si mal traictés

Si vilains, ne si deshonnestes.

LE VIEL

Femmes nous font bestes, Et rompre les testes

Par cris et tempestes ;

Et tousjours sont prestes Nous estre nuysantes.