B. Humbertas, abbas Igniacensis

Juxta vero predictum locum, eminentiorem aliis, in parte sinistra, primum locum obtinet D. Humbertus, monachus Case Dei, qui cum jam esset mature etatis ad B. Bernardum se contulit, et prioris officium sub eo aliquandiu subministravit. Deinde factus primus abbas Igniacensis cenobii, in eodem plurimis annis cum maxima reverentia ita est laudabililer conversatus, ut vix in eo aliquis ociosum non dico verbum, sed nec motum aliquem advertere posset inspector quantumlibet curiosus. Idem etiam monasterium Signiacense,

missis ab Igniaco monachis, ordinavit. Postea, sicut in epistola a B. Bernardo ad eum scripta diligens leclor inveniet, ad suam Claramvallem rediit, et VII id. septembris obiit. De cujus moribus, et a Deo sibi collata multitudine gratiarum, predicta epistola et sermo, quem B. Bernardus locutus est in capitulo ipsa die sui obitus, super his non mediocriter lectorem poterunt plenius erudire.