La Canée
cuydasmes aller pour ce que on doubtoit qu'il y eust pestilence à Candie.
DE LA VILLE DE CANDI l.'.
Dinicnchc ncufviesmc de juillet au matin, arrivasmes à la cite de Candie et fusmes devant, loing de la ville, jusques à ce que le patron eut nouvelles certaines si la pestilence estoit cessée. Et vindrent des seigneurs de la cité lui certifier qu'il n'y avoit nul dangier; de quoy chascun fut bien aise, etprincipallement les galiotz pour cause de vendre leur merchandîse.
Nostre gallée entra dedans le port et liable qui est le plus beau et mieulx fermé que je veis oncques, soit depuis Venise jusques à ce. La cité est belle et forte et non pas tant de beaucoup que Raguze. On la fortifie continuellement et est bien artillée. Il y a plusieurs belles églises entre lesquelles les Cordeliers est la plus belle. L'église cathedralle est fondée de sainct Titus evesque ; Titus estoit le disciple de sainct Pol et fut ordonné evesque de Candie par sainct Pol et est son corps audict Candie.
11 y a deux églises de Cordcliers dont les uns sont de l'observance.
En l'église des Jacobins y aune ymaigede Nostre
Dame que ung ange a paincte. Toutes les églises sont grecques excepté les religions et deux ou trois aultres.
Devant la porte de midy, y a une jolye petite chappelle de Nostre Dame qui a esté préservée miraculeusement, car on a fait abattre les maisons d'entour pour fortifier la ville et ladicte chappelle n'a peu estre abatue, et y dit on les heures canonielles aux festes par prestres grecz qui^portent tous de grans chappeaulx collez et vernis par dessus, et par dedans sont rouges et ne les portent que lesdictz prestres grecz. Lesdictz prestres sont mariez ; mais, s'il advient que ilz soyent trouvez en adultère avec aultres femmes, ilz sont dégradez et spoliez de toute auctorité sacerdotale et ne portent plus le chappeau blanc ne tout autre ornement de prestre ; et sont doresnavant infâmes et bannis de la compaigiiie des gens de biens; et ont plusieurs belles ordonnances touchant Testât ecclésiastique.
Toutes les maisons, tant de la ville, faulxbourgs que villaiges d'entour, sonthaultes et de fortes pierres et sont toutes plates dessus comme une belle salle ; et va on par dessus lesdictes maisons, tout ainsi que par les rues ; et sont painctes et couvertes de cyment si bien que Teaue y pourroit demourer comme en une cisterne, combien qu'il n'y en ayt point, car, dès environ Noël, il n'y avoit plus comme riens.
Tout le pays est tant sec que c'est adventure
comme il y peut croistre riens. Les vins sont si ardans qu'on n'en sçauroit boire ne que de vin aigre; et se appellent Icsdictz vins malvoisie et muscadet et en a on bon marché pour ce qu ilz sont trop fors et en les beuvant, il faut trois foys plus d'eaue que devin.
Les raisins, figues et amendes sont bons à manger des le moys de juîng et en treuve on grant habondance aux marchez et recueille on les bledz audict moys.
Nous veismes aux Augustins que on avoit moissonné du blé sur les maysons, car encore y estoit la paille en plusieurs lieux. 11 y a assez bon marché de blcz et de pain; on vent la farine au poix. Et fault achepter Teaue qu'on boyt que les gens vont quérir environ demie lieue loing sur des asnes;et nous cousta ung baril d'eaue qui n'estoit que la charge d'ung homme trois marquetz qui vallent deux blancs; et fusmes à la fontaine le secrétaire de monseigneur de Liège * et moy avecques ung bonhomme grec qui portoit nostre baril, et nous cousta cncoires ;i tirer ladicte eaue deux tournoys. Il y a eu depuis trois ans en ça, grande mortalité qui a fort despeuplé le pays et encoires à présent, on y mouroit*. Et les Grec/ ont une coustume que quant
1. Louis de Bourbon, qui occupa le siège cpiscopal de Liège de 1456 à 1482.
2. La peste avait dcsolé l'Ile de Crète et fait périr vingt mille habitants ; elle avait cessé un mois avant l'arrivée des pèlerins.
Le duc de Candie, Marco Giustiniau, qui s'était embarqué l'année pré-
rhomme ou la femme est morte, il y a gens propres qui, ung an durant, vont es maysons desdictz Grecz, tous les matins, faire de grans cris et lamentations en signe de deuil. Nous cuydions que ce fussent gens enragez qui cryassent ainsi.
Ladicte cité de Candie est moytié dedans la mer et moytié dehors, es ysles de Crethe qui sont moult grandes et dit on qu'il y a es dictes ysles dix huit mille tant villes, chasteaulx que villaiges tant de chrestiens, Juifz, Sarrazins, Turcz que de toutes • aultres conditions de gens qui sont tous tributaires et subjectz aux Veniciens. Il y a, sur une grande montaigne prés de Candie, ung petit hermitaige ou sainctPol a demouré et preschoità ceulx desdictes ysles et fut chassé hors desdictes ysles par les habitans de là et s'en alla à Romme. Nous estans audict Candie, nouvelles vindrent que les seigneurs de Rhodes avoyent tué grant quantité de T.urcz qui tenoyent le siège devant Rhodes. Il y avoit, au hable dudict Candie, environ vingt grosses naves, tant de guerre comme de marchandise, qui n'osoient passer oultre en leurs affaires, pour doubte desdictz Turcz qui estoycnt en grant nombre sur la mer et en Rhodes ; et disoyt on que ilz couppoyent les vignes et destruysoient toute l'isle de Rhodes. Plusieurs pellerins
Ci^dcnte à Modon sur la galère, d'Agostino Contarîn, mourut cette année et l'île fut gouvernée par le capitaine Georgio Fantinô. Sancto 3rasclu, fo 9, Creta wcra. Veneliis, 175 S » P* m» P^g*-* 397-
dudict Candie entrèrent en nostre gallée pour venir avccques nous en Ilicrusalcm. Nous fusmcs quatre jours audict Cindie; et y a de Modon trois centz milles.
Le jeudy trezicsmc de juillet, environ trois heures après minuyct, nous partismes dudict Candie et passasnies par devers l'isle de Scarpente * qui est en la fin des isles de Cretlie. Et là, laissasmes la droicte voye de Hierusalcm pour éviter l'armée du Turc qui estoit en grant puissance devant Rhodes, qui estoit nostre droict chemin, et entrasmes en grant mer. Et perdismes terre de tous costez, en laissant Rhodes à main senestre.
Nous tirasmes du costé de midy, loing dudict Rhodes, par advis des galiotz, environ quatre vingtz milles. Et tous, tant le patron que tous ceulx de la gallée, estions en grant péril et doubte dudict Turc ; car si nostre Seigneur ne nous eust préservez en nous donnant bon vent, nous estions perduz et chcuz entre les mains des ennemys de Dieu et de la foy chrestienne qui estoyent sur mer et sur terre. Pour laquelle armée éviter, nous tirasmes vers Barbarie' et nous fut force de passer par tout le meillicu du gouffre de Sathalie qui dure de travers cent milles, et est le plus grant dangier qui soyt en tout le chemin pour les grans tempestes, impetuositez et fortunes qui continuellement sont audict gouffre.
1. Scarpanto était depuis 1204 sous la domination des Vénitiens.
