I. Catalogne

Le capitaine noir du chasteau nous dit que en tout leroyaulnic, il n'y a point de loups, de rcgnars> de cerfz ne de biches, ne aultres bestes sàulvaiges et n y peuvent vivre pour la grande sécheresse et grande clialleur du pays. Il y a audict pays des moutons sàulvaiges qui ont le poil tout ainsi comme un cerf et courent parmy les champs comme bestes sàulvaiges. Tous les chevaulx, jumens, mules, muletz et asnes qui sont nourris audict pays vont tous les embles ou haquenée, naturellement, sans ce que on leur apreigne, comme nous dirent ceulx dudict lieu.

Et en plusieurs heux dudict pays croist le sucre en canes comme bastons creux ; et aussi y croist le cotton et les pommes de grenade et les cappes.

De Nymesson en Cypre jusques à JafFe qui est le port des pellerins et commencement de la Terre Saincte, y a deux cens milles.

Le jeudy xx^ jour de juillet après midy, nous arrivasmes devant la cité de Joppe dicte à présent JafFe, laquelle fut premièrement commencée par le troisiesme fils de Noé nommé Jafet et est le premier port et le commencement de la Terre Saincle. Et fut nostre gallée encrée à un grant quart de lieue dudict JafFe; et est la coustume, car on n'oseroit descendre ne marcher sur ladicte saincte terre, jusques à tant qu'on aytcongié du Souldan ou de son seneschal qui communément se tient à Rame à dix milles de JafFe et aulcunes fois en Hierusalem. Et environ vespres, l'escrivain de la gallée et deux de nos tru-

chemens descendirent en Terre Saincte pour porter les lettres de nostre patron audîct seneschal pour avoir congié de descendre en terre. Cependant, nous demourasmes là, sans aller avant et arrière, quatre jours jusques au retour dudict escrivaîn. Et le samedy xxii dudict moys, jour de la Magdclaîne, furent tendus et levez deux pavillons par les Mores sarrazins de la terre, prés du port, devant nous, pour loger le seneschal du Soudan qui devoit venir pour recepvoir le tribut et les pellerins. Semblablement fut mandé le gardien des Cordelliers du mont de Syon qui vient toutes les foys que les pellerins viennent pour recepvoir les religieux pellerins. Et nous fut dit que ledict gardien avoit esté à Jaffe le jour devant que nous arrivasmes, pour sçavoir se il estoît point de nouvelles de nostre gallée et de nostre venue, et s'en estoit retourné en Hicrusalem. Ce dict jour, aulcuns povres chrestiens tributaires demourans au port de Jaffe, vîndrent vers nous et nous apportèrent du pain, des œufz, des poyres, des raysins et des grosses choses comme pompons nommez engoric qui sont grosses comme la teste d'ung homme et plus, toutes plaines d'eaue doulcc • qu'ilz nous vendoyent et a len assez bon marché desdictes choses. Tous les soirs, nous voyons grant quantité desdictz Sarrazins qui venoyent sur le port

I. Ce sont des melons d'eau ou pastèques qui portent en arabe le nom de u baththikh » et en turc celui de • qarpouz. »

pour nous veoîr et en avoît environ xxvi ou xxx sur des chamcaulx qui vcnoycnt jusques sur le bort de la mer.

Le Dynienche ensuyvant xxiii^ de juillet, vint en nostre gallce après souper, le messagier du Souldan qui dist au patron que les seigneurs et commissaires dudict Souldan debvoyent venir lendemain; et coucha ledict messagier en la gallèe.

Le lundy xxiiii^ dudict juillet, veille de Sainct Jacques et Sainct Christofle, au matin, le gardien du mont de Syon vint en nostre gallée dire que chascun se apprestast et que les commissaires estoyent venuz*. Et tantost, le gardien et le patron et les quatre trompettes descendirent en terre pour avoir seuretù et congié de descendre les pellerins. Et incontinent, nous descendismes. Et àTentrée de terre, estoient plusieurs Sarrazins en armes qui menoient chascun ung pellerin Tung après Taultre devant le gardien et patron et lesdictz commissaires qui prenoient les noms de nous et de nos pères seuUcmcnt.

Et incontinent que ung cstoit escript, ung Sarrazin le mcnoit en une vieille estable orde comme une

I . Le révérendissime gardien du couvent du mont de Sion était le père Giovanni Tomacelli, issu d'une noble famille de la province de Sant* Antonio, au royaume de Naplcs. Il fut revêtu de cette dignité de 1478 à 1481. Cljronica de h proviucia de Syria y Tierra Santa de Gerusakn, par le P. Fr. Juan de Calahorra. Madrid, 1684, page 29. Guarmanij QVItaUant in Terra Santa, Bologne, 1872, page 416.

6o LE VOYAGE DE LA SAINCTE CYTÉ

estable à pourccaiilx et puante. Car lesdictz Sarrasins y avoyent foict leur aysement; et y fusmes tous mis Tung aprdîs raultre;ct incontinent vindrcnt vers nous plusieurs povres chrestiens du pays nous apporter du pain, des œufs cuitz, des poyres, des raisins et de l'eaue à vendre et nous vindrent veoir plusieurs desdictz Sarrazins à tous leurs arcz bendez et leurs trousses; et fusmes dans ladicte cave et estable, jusques au mardy lendemain matin après mynuict; et fusmes recontez et contrerollez par lesdictz commissaires en ladicte cave. Et sur le midy, lesdictz commissaires s'en allèrent disner soubz trois aultres pavillons qu'on avoit là levez et lenduz pour eulx; et le gardien etle patron descendirent soubz une roche prés de l'eaue pour faire collation et disner. Et auprès d'eulx avoit grant quantité de chameaulx, de chevaulx, mulles et asnes pour lesdictz commissaires et leurs archiers pour nous mener, car ilz ne souffrent jamais que les chrestiens voysent de pied ; et prennent grant argent de les mener sur les asnes, et se mocquent desdictz chrétiens en disant qu'ilz ne sont pas dignes de marcher sur leur terre, Nous avions grant peur quant nous descendismes à terre de veoir ces merveilleuses gens et si diversement habillez, et aussi pour ce que ilz nous prcnoyent soubdainement pour nous mener auxdicts commissaires. JafFe est peu de chose, car il n'y a que chasteaux meschans dont l'ung, du costé dextre, est le plus gros, et y a peu de maisons qui sont toutes sur

DE HIÉRÙSALEM 6i

le bort de la mer, faictes en façon de caves, et sont soubz la montaigne comme barbacanes et regardieres. Et est le hable ou port dangereux à approcher, car il est tout clos de roches et pierres. Et estoient les undcs grandes quant nous descendismes et falkit que les matclotz entrassent en Teaue jusques à la saincture pour nous porter hors de la barque. Et est le lieu ou sainct Pierre se tenait pour pescher quand il dit à Nostre Seigneur : Domine, salva ttos quia perimus ; et aussi sainct Pierre ressuscita Tabita la servante des apostrcs, et le lieu ou Jonas fut getté en la mer et englouty de la balaine, pour ce qu'il ne vouloit obéir au commandement de Dieu qui luy commanda qu'il allast prescher en Ninive.

Et le lundy au soir, environ soleil couchant, on nous fist tous sailHr dehors pour partir; et quant nous fusmes sur le bort de Teaue ou estoient les asnes, subitement on nous rechassa en la cave et y couchasmes. Ce dict jour, ung bonhomme chrestîcn vendit des patenostres en ladicte cave et en a voit vendu là ung AUemant pour ung ducat; et un galiot kiy dit qu'il cstoit trompé et s'en plaignoit Icdict galiot au nom dudict Allemant à un Sarrazin, lequel Sarrasin se coursa merveilleusement audict vendeur et le vouloit mener par force devant Icsdictz commissaires pour estre puny de ce qu'il avoit trop vendu; et fist rendre l'argent audict Allemant en rebaillant les patenostres, dont nous fusmes esbahis et disoit chascun qu'on n'eust point fait

telle raison à Venise ne es aultres villes chrestiennes. Et bailla ledict Sarrazin audict vendeur trois ou quatre coups de la main sur le col dudict vendeur pour punition. On nous a dit que le Souldan avoit mandé aux commissaires qui nous debvoyent recevoir qu'ilz nous fissent le plus gracieusement qu'ils pourroyent et qu'il vouloit que nous fussions bien traictez.

Ce dict jour, après disner, mardy xxv^ dudict juillet après minuyt, on nous fist saillir hors de la cave et incontinent que nous fusmcs hors, tous les Sarrazins vindrentnous prendre par le poing comme prisonniers et nous baillèrent chascun ung asne. Et incontinent, tous les Sarrazins vindrent à cheval à tous leurs arcs et trousses et javelles, les ungs devant, les aultres derrière. Et partismes tous ensemble, et estions que pellerins que Sarrazins xnn vingtz ou troys cens personnes tous à cheval tant sur asnes, chevaulx que muletz et muUes et fusmes à la cité de Rama à soleil levant qui est loing de JafFe dix milles et passasmes par deux villaiges * ou il y avoit ung petit temple de Sarrazins fiiict à tournellcs rondes comme les mousticrs de Venise et y avoit grant quantité de lampes ardans dedans; et autour, avoit deux cimitieres qui estoient plains

I . Les deux petits villages que Ton rencontre sur la rouie de Jaffu A Ranilèhet dont ilcst question ici, sont ceuxdeYozouretdeBcit-Dedjan.Les noms de ces deux villages sont défigurés dans la relation de Santo Drasclia: « nel camino longe dal GiatTo circa miglia quattro se trova due castelle ruinate, uno chiamato Losor, l'altro Petegneneth. » f» lo.

de pierres agûes environ d'ung pied et demy de Iiaut hors de terre, comme les chrestiens font en aulcuns lieux de petites croix sur les fosses des trépassez. En cheminant, lesdictz Sarrazins venoyent aux pellerins et beuvoient le vin de leurs bouteilles ; et ne se pouvoit on eschapper de eulx, combien qu'ils ne faisoient point de mal que aux bouteilles et sont fort frians de vin, car ilz n'en osent boire en leurs villes et maisons s'ilz ne semblent secrettemcnt, car il leur est dcffendu en leur loy, mais quand ilz se treuvent avec les chrestiens, on ne les peut saouUcr de vin.

Nous cntrasmcs à Rame à soleil levant et nous fist on descendre hors la ville, et feusmes comptez et mis en une maison et hospital ou demourent aulcuns povres chrestiens soubz tribut* ; et là, en une petite court, on chanta la messe devant les pellerins, et plusieurs Sarrazins estoient sur les maisons qui sont toutes plattes et voultées, qui nous rcgardoyent et se rioyent de nous.

Après la messe, le cordeHer qui chanta nous dist, de par le gardien, que tous ceulx qui estoient venus sans la licence du Pape se tirassent vers le

I. Les Franciscains s'étaient établis à Ramléh en 1296 et y avaient acheté, pour y bi\tir un liospice, quelques maisons situées non loin du lieu 0(1 s*élcv:tit celle de Nicodénie. Le couvent fut construit en 1393. Q.uaresmius, Hislorica tlxologica et moralis clucidatio Terrœ saticta, Venise, 1880- 1882, tome II, p. 9, notes.

Le duc de Bourgogne, Philippe le Bon avait, au xv« siècle, acheté une maison A Ranilch, pour y établir un hôpital pour les pèlerins. Hans Tucher, Reisc nacb âem gehhien Land. Augsbourg, 1482, F° 10, v*.

gardien pour estre absoubz; et aussi que tous les pellerîns qui là estoient fussent patiens se aulcuns desdictz Sarrazins leur faisoyent aulcune chose et que nul ne frappast lesdictz Sarrazins, mais que on le feist sçavoir à nostre patron lequel en feroit faire justice par les seigneurs et commissaires du Souldan qui nous menoycnt; et au partir de ladicte cité de Rame, chascun s'en alla par ordre la droicte voyc parmy le chemin, sans aulcuncmcnt marcher sur les sepulchres des Juifz et Sarrazins qui sont ensepulturez hors la cité, car lesdictz Sarrazins tiennent à grand injure contre eulx faicte quant un chrestien passe par dessus les fosses de leurs prédécesseurs.

Toute la route, des Sarrazins grans et petis montoyent sur les maisons pour nous veoir et regarder mieulx à leur aise et venoicnt parmi les chrestiens demander à boire du vin et toutes choses qu'ils veoyent avoir aux chrestiens. En la court dudict hospital, on vendoit toutes manières de fruictz et vivres auxdictz pellerins et avoit on apporté de Hierusalem du vin en des bouteilles pour le gardien et les religieux et en beurent plusieurs des pellerins. Quant la messe fut dicte le matin, on baissa ung tableau ou estoyt painct Nostre Seigneur et Nostre Dame qui le tenoit mort. Puis, entra en la court ung grant Sarrazin qui alla frapper les dictes ymaiges et les èust rompues que on ne les luy eust ostées. Et nous dit on que c'estoit un chrestien regnié qui

sont pires que les aultres Sàrrazins et persécutent plus les chrestiens. Ce dict jour, après disner, les Mores Sàrrazins vindrcnt a nostre hospital jouer devant nostre patron et les pcllcrins d'cstrangcs instrumens en façon de herpès et aultres, et chantoient en jouant, et y estoicnt les seigneurs et commissaires sàrrazins qui nous gardoyent. Et puys, nostre patron fist jouer le tabourin de nostre gallée qui jouoyt de batcaulx et de enchanterie et fesoit muer chastaignes en lymaccs et plusieurs aultres choses, et mengoit son Cousteau et ses besognes et les fesoit retourner en aultre sorte. Il y avoit grant compaîgnie de Mores Sàrrazins qui estoient esbahis de le veoir.

Ledict jour au soir, les asnes furent admenez en nostre hospital pour aller en la cite de Ledia ' à deux milles de Rama, ou il y a une église de Sainct Georges et là, il fut martyrizé. Item, audict lieu sainct Pierre guerist une femme paraliticque, nommée Enea; et ne y fusmes point, pour ce qu'il y avoit des Arabes qui sont maulvaises gens et nous eussent pillez et batus, car ilz ne sont point subgectz et ne craignent rien.

Ce dict jour, au soir, nous voulions partir pour

I. Loudd, Lydda est le lieu de naissance de saint Georges, martyrisé à Nicomédie lors de la première persécution de Dioclétien et de Maximien. Ses restes furent transportés i Loudd, et l'église où ils étaient déposés fut, à différentes époques, détruite par les musulmans. Elle était en ruines au xvc siècle et les Grecs en occupaient une partie.

aller nostre chemin de Hierusalem, mais nous fusmes arrestez et nous faillut coucher en nostre hospital pour ce que ung seigneur de Caire* envoya ses officiers contre nous, disant que le tribut que les commissaires du Souldan avoyent de nous receu appartenoit audict seigneur; et lesdictz commissaires disoyent que non pour ce qu'il estoit absent et hors du pays et y eut grant débat entre culx.

Nous fusmes derechef menez devant les nouvcauk commissaires et appelez par nom, selon que nous avions esté escriptz, et fusmes menez à ung des temples, emmy la court, devant lesdictz commissaires. Et print le patron quinze pellerins et les présenta en disant que c'estoyent des serviteurs de la gallée, Tung cannonier, Taultre arbalestrier, les aultres galiotz, affin qu'il ne payast pour eulx que demy tribut combien qu'il avoit reçu de chascun Lv ducatz. Et aulcuns desdictz pellerins passèrent pour serviteurs, les aultres furent reffusez et payèrent plain tribut et n'y vallut riens la cautcUe dudict patron combien qu'il gaigna beaucoup sur ceulx qui passèrent.

I . Il faut substituer au mot de Caire celui de Gazère (Gazza) . Moudjir eddiii nous apprend que Sibay» gouverneur de cette ville, en était parti au mois de juillet pour se rendre à Jérusalem et de là à Ourtas en passant par Ramlèh. Il avait été chargé de réparer, avec ses soldats, les deux bassins d'Ourtas connus sous le nom de Bourak cl Merdjy. Moudjir eddin, éd» du Kaire, page 554.