DE LA VILLE DE RAME

Rame est grant ville assise en très beau lieu en laquelle y a plusieurs tours, belles, haultes et rondes et sont leurs temples et synagogues. Et y a tant autour de la ville que dedans, plusieurs beaulx arbres comme grans oliviers * qui sont plus haulx que toutes les maisons et portent les dates à gros tas comme la teste d'ung homme et les branches qui portent lesdictes dates n'ont point de feuilles. Il y a plusieurs grans sicomores qui portent petits grains carrez de quoy on fait des patenostres, plusieurs grenadiers, orangiers, cappiers qui portent les cappes et ressemblent fort à grozeUiers. Tout le pays est plein de divers arbres. On donnait huit grenades pour un marquet qui vault environ deux doubles.

Toutes les maysons sont playnes et voultées et n*y a point de boys. Nous estans là, tous les soirs ung Sarrazin allumait une lampe sur une tour prés de nostre hospital et puis crioyt tout autour et tendait les mains en amônt comme s'il eust voulu embrassef quelque chose. On ne Tentendoit point, car il parlait tout hebrièu.

Jeudy xxviii de juillet, environ trois heures après midy, nous partismes de Rame et laissâmes