I . Ce signe manque dans toutes les éditions

passasmes par devant la maison de la Veronnicque; par dessoubz la maîson du maulvais riche qui traverse par dessus une rue, et de là allasmcs à la mayson de Symon le Pharisien qui rogabat Jesiim ut ntanducaret mm eo in domo sua. Et la Magdeleine y vint laver les piedz de Nostre Seigneur. En cedict lieu, luy furent tous ses péchez pardonnez par Nostre •Seigneur. De là, allasmes par le Heu qui se dit Trivium ou les Juifz firent porter la croix de Nostre Seigneur à Symon Syreneen. De là, nous allasmes ou Nostre Dame se pasma quant elle veit qu'on menoit crucifier son enfant.

Item, par dessoubz la porte ou sont les deux pierres blanches ou Nostre Seigneur fut assis et Pylate, quant ledict Pylate donna la sentence contre luy. Par devant la mayson de Herode et Pylate, et par devant les deux portes du temple Salomon et fusmes au lieu que on appelle Probalica piscina, quinque portions hahens, tihi descendebat angélus et movebatur aqua^ et primus ingrediens post motionem aqna sanabatur. Et de là, en Galilée près de Olyvet et aultres lieux de dévotion.

Mercredy iii"^^ jour d'aoust au retour du Sainct Sepulchre et des aultres lieux, tous les pellerins demandèrent au patron qu'il les menast au fleuve Jourdain qui est à trente milles de Hierusalem pour ce que audict fleuve et au chemin, y a de beaulx pellerinaiges ; et adonc, ledict patron dist qu'il estoit informé qu'il n'y pouvoit aller à cause des Arabes

DE HffiRUSALEM 87

qui estoyent audîct fleuve en armes et puissance pour destrousser les pellerins et que Tannée précédente, pour semblable cause, les pellerins n'y furent point*. Et après plusieurs plainctifz que firent les pellerins de ce qu'ils ne pouvoient aller audict fleuve, il fut dict par les commissaires et truchemens du Souldan que, si les pellerins y vouloyent aller, qu'il failloit avoir renfort et puissance de gens d'armes pour garder les pellerins et résister audictz Arabes; à quoy se accorda Icdict patron et fut advisé qu'on prendrait en Hierusalem telle puissance de gens d'armes avec ceulx qui conduysoyent les pellerins que ilz seroyent assez fors pour destruire et chasser Icsdictz Arabes. Mais pour ce qu'il n'estoit point de coustume d'avoir de gens d'armes aultres que ceulx qui, par coustume, conduysoyent les pellerins le patron dit que ce seroyt aux despens d'iceulx pellerins; à quoy lesdictz pellerins firent grant résistance disant que moyennant la grant somme d'argent qu'il avoit receue à Venise desdictz pellerins qui à luy avoycnt payé chascun lv ducatz, il avoit promis de les faire mener seurement par tous lesdictz lieux accoustumez; et y a eu de grans noises et altercations entre ledict patron et lesdictz pellerins. Et aprez tous debatz, le patron dit qu'il

I . Moudjir eddin nous apprend que le 1 1 du même mois de Djoumazy oui akhir 885 (18 août 1480) le gouverneur de Jérusalem cerna, à Jéricho, le chef arabe Amr ibn cl Ghanim et tua un grand nombre de ses gens. Histoire de Jhusakm et d*Hébron, p. 655.

n'iroit point, et ne payeroit pas lesdictz gens d*armes. Et adoncles pellerins requirent que les commissaires duSouldan les conduissent comme ilz estoyenttenuz sans avoir garde et qu'ilz avoyent esté préservez des mains du Turc qui est plus grant chose que lesditz Arabes et avoyent espérance que Dieu les garderoit desdictz Arabes. Et adonc le gardien du mont de Syon avec plusieurs des religieux dudict lieu dirent qu'ils nous accompagneroyent. Et partisnies après vespres dudict Syon, et descendismes par le pont de Cedron qui divise la vallée de Josaphat de la vallée de Siloe, et passasmes par la mayson de Judas Scarioth et en descendant en une vallée qui est derrière le mont d'Olivet, nous passasmes par le lieu ou Nostre Seigneur mauldit le figuier qui avoit des feuilles et n'avoit pas de fruict, lequel figuier signifioit les Pharisiens , et incontinent ledict figuier devint tout sec.

En la vallée est le chemin pour aller en ung lieu ou souloyt estre une religion de sainct Sabbe et y avoit, durant le temps dudict sainct qui estoit abbé dudict lieu, quatorze [mille] moynes. De là, nous passasmes par Bethanie et ne visitasmes point les lieux jusques au retour; et cheminasmes longtemps de nuyct jusques à tant que nous veinsmes en une grande vallée ou il y aune vieille cente et masure qui estoit à Marie Marthe, et y a une fontaine de laquelle Nostre Seigneur beut en passant par là. En ce dict lieu, nous dormismes emmy les champs environ

deux ou trois heures, et puis chemynasmesungtrés maulvais chemin par grandes roches; et, sur le point du jour, jeudy ni^* jour dudict moys d'aoust, nous passasmes la maison de Joachin en laquelle il s'en alla visiter ses pastoureaux et futlàengrant doulleur, pour ce que on Tavoyt rebouté du temple et reffusé son oblation. Et audict Ueu, l'ange luy vint annoncer la conception Nostre Dame, moyennant laquelle: ToUeretur opprobrium ejus. Et incontinent, s'en retourna en Hierusalem et rencontra Helizabeth qui Tatendoit soubz la porte dorée par l'admonition de l'ange. Oultre ce lieu, environ six milles,' est la mayson ou demouroit ledict Joachin qui est à la fin d'une grant montaigne. Et au dessoubz de celle, joignant au chemin, est une petite fosse mussée autour, ou se vint mettre le povre aveugle quant il sut que Nostre Seigneur Jesuchrist devoit passer par là et quant il ouyt le bruyt des gens qui passoient, il se print à crier: Jesti fili David miserere mei\ Et ceulx qui passoyent le blasmoyent et luy disoient qu'il se teust : Ipse vero muJfo magis cJaniabat. fili David ! Et en ce dict lieu, Nostre Seigneur le guerist en luy disant: Fides tua salvum te fecity et est à main senestre. Et d'aultre costé, à demy traict d'arc, est le lieu de quoy dit l'evangiliste : Hic quidemdescendehat de Hierusalem in Jerico et incidit in latrones, semivivo relicto. De là, on va tout beau chemin jusques en Hierico qui est une belle plaine, et on passe par le Heu ou Zachée estoit monte sur ung arbre pour veoir passer Nostre Sei-

gneur quant il lui dist : Zachee fcsiimns descende. Et s'en alla Nostre Seigneur en la mayson dudict Zachée qui est en Hierîcho et passâmes par la dicte maison ou il y a de grans murailles en façon d'ung vieil chasteau et est à présent la dicte cité de Hierico ung povre village fort ruineux ; et tout autour, y a grant quantité de roziers comme fyguyers desquelz on dit : plantatîo rose Hierico. Dudict Hierico jusques au fleuve Jourdain, y a environ six milles, et en descendant audict fleuve est le monastère de sainct Jehan ou il se tenoit quant Nostre Sdgnturlxxy dist: Johannes, baptisa me. De là, on va tousjours descendant au lieu ou Nostre Seigneur fut baptisé. Et ipso orante apertum est celum et descendit spirittis sanctiis corporali specie in eum et vox patris audita est : hic est filins. Et est ledict fleuve aucunes foys merveilleusement grant. Tous les pcUerins se baignèrent et bcurcnt dudict fleuve et y a plain pardon et remission à tous ceulx qui y vont u^r.

Oultre ledict fleuve est Arrabie, et est le lieu ou Marie l'Egyptienne fist sa sépulture et veoit on auprès de là grans montaignes et desers dudict Arrabie. Le dict fleuve entre à main senestre dans la mer Morte à ung quart de lieue de laquelle mer sont abismés Sodome et Gomorre et trois aultres citez : et est la mer Morte si puante et amere que nul poisson ne s'y tient et nulle beste n'en sauroyt gouster; et dit on que qui en mettroitsur sa langue, qu'on ne pourroit durer de la grant ardeur et puanteur qui

DE HffiRUSALEM 91

y est, et que les oyseaulx qui volent par dessus meurent et cheent dedans à cause de l'infection d'icelle; combien que le fleuve Jourdain soit grant rivière, toutesfoys la dicte mer n'est que ung lac, ne n'en croist point.

Nous retournasmes en Hîerico entour de laquelle, filii Israël posuerunt tentaria sm, quant ilz prindrent la cite par Judas Macliabeus. Et veoit on après ladicte mer Morte le monastère et désert ou se tint long temps sainct Hierosme qui s'appelle: In vasta solitu- (Unis. De Hierico, nous tournasmes à main dextre vers Orient pour aller au mont de la Quarantaine auquel Nostre Seigneur jeusna quarante jours et quarante nuictz'; et y a au pied du mont ung beau ruisseau d'eaue doulce ou nous disnasmes. Et de là, on monte audict mont au meillieu duquel est une caverne ou Nostre Seigneur fist sa jeusne comme dessus est, et après eut faim; et en ce dict lieu le diable luy dit : 5/ filins Dei es, die ut lapides isti panes fiant et a esté ladicte caverne autresfoys paincté, mais les Sarrazins ont gasté les ymaiges des sainctz. Et de là, on monte la nioytiè plus liault, sur le chief d'une très merveilleuse montaigne ou le diable monstra à Nostre Seigneur tous les royaulmes du monde et luy dist : Hee omnia tibi dabo si cadens adoraveris ine. Et y a une petite chappelle déserte. C'est une merveilleuse montaigne. Ce dict jour, nous retournasmes toute la nuyct jusques au lieu ou nous avions dormy la nuict précédente et y dormismes jusques au jour.

Vcndredy iiii^ jour dudict moys d'aoust, nous partîsmes dudict lieu et veismes contremont grandes montaignes en Bethanie * et fusmes en la maison de Marie Marthe ou Nostre Seigneur fust plusieurs foys comme TEvangille dit: Intravit Jestis in quoddam castellutn etc. Et est le lieu ou il dit: Martha^ Martha solicita es. Et quant Marie Marthe luy dist: Domine, non est tibi cura quia soror mea reliquit me etc. Et à ung •traict d'arc en descendant vers midy est la maison Marie Magdeleine qui, après sa conversion, laissa son chasteau Magdalon et se vint tenir prés de sa seur Marthe. Entre les deux maisons y a une pierre sur laquelle Nostre Seigneur estoit quant la Magdeleine vint luy dire : Domine, si fuisses hic, f rater hic meus non fuisset mortuus. Ung quart de lieue de là, en venant en Hierusalem est Bethanie en ung hault, et en une chappelle est le sepulchre du Lazare frère desdictes deux Maries auquel sepulchre Nostre Seigneur vint avec lesdictes Maries pour ressusciter le Lazare qui avoit jà esté en son tombeau mi jourset en la présence de plusieurs Juifz, comme dist TEvangille ; Jésus ergo fremens in semetipso flevit dicens: Tollite lapidem. Et après : Voce magna clamavit : LuT^are veni foras. Et nota qu'il estoit deux lieues loing du tombeau et avoit le dos contre Hierusalem parquoy tous ceulx qui estoyent presens cogneurent clerement que la ressuscitation fut faicte par vertu divine et non point par attouchement ne par sort.