FES AL CCE LITE I LIL TEL LIT IL EL SESELI SELS ENS LE ITTIEES ET VS
et gens de religion, pour gratifier de sa retraille aux prières de sa mère, cela n'estoit pas tant honorer sa mère que déshonorer son païs, lequel fut préservé par pitié, et moyennant l’intercession d’une femme, et non pas pour l'amour de soy-mesme, comme s'il n'en eust pas esté digne. Ainsi fut ceste retrailte une grâce à la vérité fort odieuse, cruelle, et de laquelle ny les uns ny les autres ne sçeurent gré à celuyÿ qui la feit, pource qu'il se retira, non point à la requeste de ceulx à qui il faisoit la guerre, ny du consentement de ceulx aux despens desquelz il la faisoit; de tous lesquelz accidens fut cause la seule austérité de sa nature, et sa trop présomptueuse, haultaine et fière opiniastreté, laquelle estant de s0y-mesme odieuse à tout le monde, quand elle est jointe à l'ambition, alors devient encore plus sauvage, plus farouche et plus intolérable : car tes hommes qui ont ce vice-là de nature, ne veulent point faire la cour au peuple, comme voulans monstrer qu'ilz n'ont que faire d'honneur populaire ; et puis, quand on ne leur en fait, ilz s'en courroucent el en sont marris.
Carun Métellus, un Aristides el un Épaminondas avoyent bieu ceste manière de faire, de ne vouloir point flatter la commune, ny rechercher la bonne grâce du menu populaire par caresses et paroles Batteresses, mais c’estoit pource que véritablement iB mesprisoyent ce que le peuple pouvoit ou donner ou oster : pourtant ne se courrouceoyent-ilz point à leurs citoyens quand ilz les condamnoyent à quelques
amendes, ou qu'ilz les bannissoyent , ou qu'ilz leur faisoyent endurer quelque rebut ; ains les aimoyent comme devant, tout aussi-tost qu‘ilz monstroyent se repenlir du tort qu'ilz leur avoyent fait, et se réconcilioyent facilement avec eulx, incontinent qu'ilz estoyent rappellez : car celuy qui desdaigne de caresser le peuple pour en avoir faveur, doibt aussi moins que tout autre chercher à s'en venger s'il en est rebuté, pource que prendre ainsi aigrement à cueur un rebut et un refus de quelque honneur, ne procède d'autre chose que de l'avoir trop ardemment désiré.
Pourtant Alcibiades ne dissimuloit point qu'il ne fust bien aise de se voir honoré, et marry de se voir mesprisé el rebuté de quelque honneur, mais aussi cherchoit-il les moyens de se rendre agréable et bien voulu de ceulx avec lesquelz il vivoit : là où la fierté et haultaineté de Martius l'empeschoit de caresser ceulx qui le pouvoyent honorer et avancer, et néantmoins son ambition faisoit qu'il se despiloit, courroucçoit et douloit, quand il se sentoit mesprisé. C'est tout ce que l’on pourroit avec raison reprendre en luy : car au demourant (outes autres bonnes et jouables qualitez estoyent en luy fort apparentes : car en tempérance et netteté de mains pour ne se laisser point corrompre par argent, il se peut accomparer aux plus vertueux, plus nets et plus entiers des Grecs, non pas à Alcibiades, qui en cela certainement a Lousjours esté trop licencieux et trop dissolu, et a eu peu de regard au devoir de l'honesteté,
