LE BON

En non et en honneur de Dieu, créateur et seigneur de ‘toutes choses, et du bénoist son flz Jhesu-Christ et du Saint Esperit, de toute la sainte Trinité et de la Vierge Marie, et de tous les sains et saintes qui sont en la grâce de Dieu, je Gaston, par la grâce de Dieu, surnommé Fébus, comte de Foys, seigueur de Béarn, qui tout mon temps me suy délité par espicial en trois choses, l’une est en armes, l’autre est en amours et l’autre si est en chasse. Et comme des deux offices il y a heu trop de meilleurs maistres que je ne suy , quar trop de meilleurs chevaliers ont esté que je ne suy, et aussi moult de meilleurs chéances d’amours ont heu trop de gens que je n'ay; pour ce seroit-ce grant niceté (niaiserie) si je en parloye ; mès je remet ès deux offices d'armes et d'amours, quar ceux qui les voudront suyr à leur droit y aprendront mieulx de fet que je ne le pourroye deviser pour parole, et pour ce m'en tèray; mès du tiers office de qui je ne douhte que j’aye nul mestre, combien que ce soit ventance, de celuy voudray-je parler, c'est de chasse.

Ore te proveray come vénéours vivent en cest monde plus joyeusement que autre gent ; quar quant le vénéour se liève au matin, il voit la très douce et belle matinée et le temps cler et serin, et le chant de ses oyseles qui chantent doulcement, mélodieusement et amoureusement, chescun en sonlengage du mieulx qu’ilz puent , selon ce que nature leur aprent. Et quant le spuleill sera levé, il verra celle douce rousée sur les rainceles et herbetes, et le souleill par sa vertu les fera reluysir ; c'est grant plaisance et joye au cuer du vénéour. Après quant il sera en sa queste et il verra ou encontrera bien tost sans trop quester de grant cerf, et le destournera bien et eu court tour ; c'est grant joye et plaisance au vénéour. Après quant il vendra à l'assemblée et fera devant le seigneur et ses autres compaignons son report, ou de veue à l'ueill, ou de reporter par le pié, ou par les fumées qu'il aura en son cor ou en son giron. Et chescun dira : «a Véez-ci grant cerf. » Et s'il esl en bonne