JEHANNE LA PUCELLE

Pucelle ; et fut celle sentence exécutée à la fin de may, mil.cccc.xxxi, comme il appert par les lettres nombrables de ce verset :

Jgnibus occubuit Geminis Musa puella .

Et son corps fut réduict en cendres, qui depuis furent jetées au vent hors la ville de Rouen, ne oïicquès puis les Angloys ne prospérèrent en France, ains en furent déjectez ensemble de tous les pays circonvoisins, à leur grant honte et confusion. Et est à présumer que ce fut par le juste jugement de Dieu, lequel ne voulut, entre aultres iniquitez et pilleries par eulx commises, que le jugement par eulx ainsi faict de la dite Pucelle, demourast impugny.

Car par expérience chascun voit Ce que on dict communément.

Que Dieu (vray juge) quant que ce soit Rend à ung chascun son payement.