CHAPITRE XV II
Continuation de riiistoyre de l' empoysonnement de Viret.
^ Près l'acoinlance el complot faict entre les Prebstres et la femme qui empoysonna Viret, comme a esté dict au précèdent chapitre, à laquelle auoyt promilz donner à force 'argent, icelle femme, non contente d'auoir empoysonné sa may tresse , nayant aussi peu empoysonner, selon leur entreprinse , tous ceulx qui debuoynt rece puoir la Cène de Nostre Seig^ laquelle on faysoit à pain commun, s'est eflburcée d'empoysonner les troys Prescheurs, Farel, Viret et Fromment. Mais comme Dieu n'auoit pas ainsi ordonné l'heure comme elle et ses consors voulloynt, y n'y eust d'empoysonné (qu'on aye peu scauoir,) que Viret, combien que à tous troys fust baillé d'vng mesme poutaige, et à vng chascun sa soupe à part. Mais tu diras comment peut il estre faict cella, que vng seul receut la poyson , et non pas les aultres. Il fust faict ainsi; c'est que Farel ne voullut point manger allors de poutaige : et Fromment, en voullant manger sa souppe , on luy appourta nouuelles que sa femme et ses enfans cstoylit arriués dans Geneue, à celle heure ; lequel layssa le tout et s'en va pour les reti-
Tierre^ y^^eé
de la Cité de Geneue. \03
rer. Mais cependant le poure Viret mangeoit la menestre : et la misérable le voyant manger piouroit amèrement, et ne peult demeurer à sa présence, du temps qu'il mangeoit la souppe, ains du regret qu'elle eust s'en alla plourer et iecter larmes de cocodrille, en la cuysine, ne voullant dire qu'elle auoit : mais tous pensoynt qu'elle ploura la mort de sa maîtresse ou quelque aultre chose : et auoit grand regret d'auoyr faictvng si lâche tour àcest homme, ainsi qu'elle a d'empuys confessé , et luy fist boyre vng verre d'eau, sans luy voulloir dire la cause pourquoy.
Non obstant tout cella, on n'eust iamais rien aperceu, ne pensé qu'elle eust faict cecy, si ne fust suruenu aultre chose : mais elle auoit desia desrobé du linge à son maistre, lequel s'en estant apperceu luy donna congé. Et cependant Viret tomba fort mallade au lict, duquel on attendoit plus losl la mort que la vie , et eurent suspicion de ce que luy auoit faict boire vng verre d'eau. Elle donc, sachant bien que ce n'estoit pas ieu, et que si l'alTayre venoit à notice, son cas ne se pourleroit guyeres bien : se fist conduyre de hors la ville, sus le Lac, iusques à Couppet, deux lieues loing de Geneue. Ce voyant, son maistre eust plus grande suspicion et dict; puys qu'elle m'a desrobé , elle pourroit bien auoir iouyé vne finesse à Viret, et vistement allèrent après elle. Laquelle firent reuenir par doulces parolles; mais quand ilz la remenoynt elle disoit tousiours, vous me trayssés, et descendant du basteau dict : vous mcsmes iouyez vos mesmes tours, et secretlement se despartil
'104 Actes et Gestes merueilleux
d'eulx, leur layssant ses enfans et tout son petit bagaige au riuage du Lac, cl s'en alla musser en la caue de Mons"" le Clianoyne Dourciere qui luy auoit baillé le conseil, en la Pellisserie, et de là fust menée en prisom et puys exécutée. Mais cependant que ce mislere se faysoit, Virel fust mené, bien mallade, à la maison d'vng Conseillier de la ville Michel Balthezard , là ont il fust bien tracté par les médecins et médecines, que par la femme du conseillier, la Dame Pernette , qui luy fist de grandz seruices et de grandes humanités. Mais Dieu seait quelz regrets les fidelles et femmes protestantes auoynt dans Geneue, quelz souspirs ilz iectoyent les vngs auec les autres, quand ilz sceurent l'affaire, disans; faut il que par vne si misérable femme l'Eglise soyt ainsi fruslée d'vne telle perle que ceste icy. Certes, s'il eust pieu à Dieu, il auoii bien assés de mal du cop d'espée que le Prebstre luy auoit baillé ces iours passés, sus son doz, sans luy bailler encores la poyson. Car fault entendre que, vng peu au parauant que Viret vinsse à Geneue , il auoit receu vng cop d'espée mortel sus son doz, duquel n'estoit encores guary, par vng Prebslre , en venant de Neufchastel pour aller prescher à Payerne, tout seul. Lequel layssa sus la place pour mort : mais quand le Prebstre s'en fust allé, Dieu luy fist miséricorde, et se saulua, par la bruyne des nues qui estoynt grandes par sus la terre, si que le Prebstre ne le vist releuer : car si l'eust veu fuyr l'eust du tout assommé, comme à présent il confesse, et dict qu'il eust pensé fayrc grand sacrifice à Dieu, auquel a esté pardonné con-
de la Cité de Geneue.
gnoissanl sa resipisence. Certes c'estoynl les sallaires, les prébendes et bénéfices, du commencement de l'Euangille, à ceulx qui prescboynt, aultant ou plus de cops et oultraiges que de bons repas. Et icclle femme fust exécutée en ChampeK comme est contenu en sa sentence.
