CHAPITRE XLII
D'vng poure brodeur venant a Geneue auquel fust
baillé troys estrapades de corde à Peney, et
de sa vie et de sa desliurance de prison.
Urant la fureur et rage que les Peneysans estoynt possédés contre Geneue suruint vng poure homme, broudeur d'Auignon , qui auoit esté prisonnier par six moys, pource que n'alloit, ne son mesnaige, à la messe. Et fust interrogué s'il y auoit long temps qui n'y auoit esté troys ans, dict il : et son mesnaige aultant, mais à la mienne volunté que iamais n'y eussions esté; et ne l'ousoynt fayre mourir, pensant qu'il fust deuenu fol, Voyant ainsi parler: de quoy furent fort estonnés , mais encores plus de ce qu'il auoit demouré onze iours dans prison sans boyre ne manger furent esmerueillés (et disoil que ce n'estoit pas grande chose, car il auoit ainsi accoustumé estant au parauant en la Papaulté tant supertitieux en ieunes, sans boire ne manger, que n'estimoit rien cella; aussi alloit il et venoit d'Auignon à Lyon, pour vng sol de Roy qui sont plus de 6 0 lieux fran-
de la Cité de Gencue. 175
coyses). Or cependant qu'il fust dans Auignon detenu prisonnier, suruint une grande peste, que vng cliascun fuyoit hors la ville, et laysserent les prisons toutes ouuerles. Voyant cella le poure broudeur s'en sort, et vint iusques à Geneue, et fust lougé auec l'aucteur de ce liure, enuiron de deux moys, à qui racompla toute l'atfayre; et d'empuys s'en est informé, lequel a trouuc ainsi qu'il disoil. Mais en venant fust appréhendé des Peneysans, et interroguc qu'il aloit fayre à Geneue, auquelz respondit sans faintise, constamment et rondement, selon sa coustume ; le y ves ouyr prescher l'Euangille , n'y voullés vous pas aller pour l'ouyr aussi? Nenny, dirent ilz; et il leur redict ; Allons y ie vous prie; ie suys esmerueillé de vous, qui estes si près, et n'allés pas ouyr prescher; et moi ie viens bien d'Auignon, expressément pour cella; ie vous prie que y veniés. Allors luy dirent; Vien, meschant, auec nous, et nous t'apprendrons à prescher, et d'ouyr ces dyables de Geneue, et estant dans le Chasteau luy donnèrent troys estrappades de corde; et luy disoynt; c'est au nom des troys dyables que tu voullois aller ouyr prescher, assauoir Farci, Viret et Fromment Ce nonobstant il perseueroit tousiourt à leur dire qu'ilz vinssent auec luy pour ouyr prescher l'Euangille, et le vouUoynt fayre retourner ; ce que ne voullut pour chose qu'on luy sçeut fayre. Tellement qu'ilz pensoynl qu'il fust hors du sens, comme l'auoynl crcu les aultres d'Auignon, voyans qu'il perseueroit ainsi d'aller à Geneue ; car aultrcment l'eussent faict mourir. Brief ces Peneysans estoynt les exécuteurs de
176 Actes et Gestes merueilleux
tous les maulx qu'ilz pouuoynt fayre conlrc ceulx de Geneue, et contre ceulx qui y alloynt.
