CHAPITRE Ll

Comment ceulx de Geneue allèrent à Couppet,

incontinent qu'ils sceurent la venue

de ceulx de Neufchastel.

^^^^!K Endematn de la balaille de ^j^Gingin, que ceulx de Geneue furent aduertis de la venue et de la victoyre de ceulx de Neufchastel, ne furent lâchez a despartir enuyron de deux mille hommes, principaulx souldartz et gendarmes de toute la cité, bien ecquippés, auec bonne artillerie et munition, et se sont milz en chemin en rench de bataille, pour aller au deuant, à l'ayde et secours d'iceulx. De quoy incontinent furent infourmés les ennemys, tant par leurs espions que par aulcuns traytres de Geneue, si que furent tant estonnés les ennemys, les voyans desia iusques aux portes d'vne petite ville, nommée Couppet, qui ne scauoynt plus que fayre sinon aulcuns s'enfuyr, des aultres se cacher soubz des choulx par les courlilz, et des aultres à nager auec leurs allebardes sus le lac, à faulle de pâlies et ne pensoynt point aultrement sinon estre tous prins et destruictz et le pays gaigné. Ce que facillement pouuoit estre faicl si n'eussent esté persuadés par Loys de Dysbach. Ambassadeur de Berne, à s'en retourner, comme desia auoit per-

198 Actes et Gestes merueilleux

suadé à ceulx de Neufchastel, de l'aultre couslé, tant par doulces parolles que par certaine folle crainte qui leur bailla des ennemys, combien que les Sauoysiens fussent tant effarouchés qui ne scauoynt pas ontilz estoynt. Et fault entendre que sans iceluy (auquel on se fyoit) Loys de Diesbach. ilz se fussent conioinctz les vngz auec les aultres; mais Dieu voulloit fayre d'aultres plus grandes choses que les vngz ne les aultres n'entendoynt point pour lors. Or les ennemys donc, se tenans asseurés d'iceluy, reprindrent couraige, et inuenterent entre eulx vng vieulx tour de guerre, c'est assauoir ce que tout homme, se voyant vaincus , cherche voullontiers la paix. Et se mit icelluy Diesbach en grande diligence, ou pour le moins en faysoit le semblant d'estre le moyenneur de ceste paix pour en fayre retourner ceulx de Geneue, (mais pour le ralifTier et fayre falloit auoir Iroys de Geneue) à foy

et fiance , assauoir lehan Darlon ,

lesquelz y sont allez, soubz leur foy et promesse, pour parlementer auec leurs ennemys dans Couppet, pensans que ainsi fust. Or ilz virent bien boyre et manger et banquetter ce Diesbach, le moyenneur de la paix, auec les ennemys dans le Chasteau; mais au lieu de leur parler de paix, leur fallut tenir aultre propoz, et s'en aller en la fourteresse de Chilien , liés et garrottés comme brigans, la ont ilz furent menés et mal tractés, ont desia auoit esté Mons'" de S* Victeur prisonnier pour les alfayres de Geneue, desia six ans passés. Ceulx de Geneue donc se fiant aux promesses de leurs ennemys, attendoynt bonne issue de la responce, et le retour des troys sus-

de la Cité de Geneue. 199

dilz. Mais quand aulcuns se doublant que c'estoit allée sans relourt, enuoyerent leur trompeté Amy Voullier pour scauolrque c'estoit, qui rapourtaauoir veu dans les vignes tout autour de la ville plus de gens que non pas de souches de vigne, ce que leur bailla grande craincte; et mal auiséss'en retournèrent par ce faulx rapport, exlimans estre ainsi comme il disoit : mais quand sceurent le contrayre, luy voulloynt coupper la teste, et dempuys n'a iamais esté extimé de plusieurs dans Geneue. Ces troys doncques, auec Monsieur de S* Victeur, furent relâchés à la prinse du pays, et ramenés dans Geneue en grande ioye. Mais s'il fust aduenu que Mess" de Geneue et de Neufchastel se fussent conioinctz, le pais fust esté gaigné et rendu du tout, sans aultre ayde d'hommes, disoynt tous; mais estoit à craindre qu'ilz ne l'eussent pas gardé si longuement que les Bernoys, leurs bons alliés et combourgoix ont faict. Les cappitaynes de Geneue estoynt Glaude Bernard et lehan Golle et le gênerai Baudichon ; le grand Preuost Domenne Darlot; les pourteurs d'enseignes, AmyPerrin, Francoys et lacques Desars.