CHAPITRE LVIII
Les saccagemens y et pilleries qu'on faisoit après
la guerre, par les villages et cliasteaux
tout autour de Geneue.
Oz lisons aux saincles hystoyres du Vieulx Testament , ique plusieurs gens ydolalres, ayant résisté contre le peuple de Dieu ont esté pillés, saccagés, et milz en seruitude , par le voulloir d'iceluy, et par son commandement; si que Dieu en a faicl fayre de grandes vengeances et si a grandement humilié les ennemys de son peuple, par
de la Cite de Geneue. 2'23
petit nombre de gens. x\ l'imilation et exemple de telles hystoyres, ceulx de Geneue, après leur deliurance de la guerre, se sont fondés à fayre les pillages et saccagemens de leurs ennemys, tout au tour de Geneue, allegans cella que Dieu auoit autresfoys faict par son peuple d'Israël. Disans aussi que ce qu'ilz faysoynt n'estoit que pour exécuter l'arrest que les deux Seigneuries, Berne et Geneue, auoynt baillé par droict de guerre, et non aultrement. Mais les Prescbeurs crioynt incessamment à i'encontre ; disant que on en faysoit trop : car plusieurs y alloynt sans regarder l'exécution de l'arrest, mais seullement pour soy enrichir, et non pour mettre en exécution telle vengeance de Dieu; et disoynt en les reprenant les Prescbeurs; Il vous doitsouffire que Dieu vous aye desliuré de vos ennemys et qui le vous aye mitz entre vos mains sans leur laysser rien ; car en leur bien faysant vous les gaignerés à l'Euangille. Toutesfoys peu s'en trouvoit qui voullut croyre, ains couroynt presque tous au pillaige, hommes, femmes et enfans, mesmement ceulx qu'on extimoit les principaulx à l'Euangille, tellement que Dieu et son Euangille en a esté blasphémé des infidelles : et les Papistes n'ont heu aullre argument de se plaindre que cesluy cy, car vng commun prouerbe a longuement régné parmy les paysans et genlilz hommes, disans que c'estoit l'Euangille Robin, l'Euangille doré, l'Euangille larron, et plusieurs aultrcs blasphèmes contre Dieu et sa parolle; n'enlendans pas que Dieu les auoit voullu humilier à cause de leurs péchez et maulx qu'ilz auoynt faict contre ceulx de Geneue, qui n'auoynt
Actes et Gestes merueilleux
guyeres el presque rien deuant la guerre qui se sont faiclz riches au pillaige des aulires et ont heu et meslé beaucop de ce bien auec le leur, qui n'a guyeres proffîté. Des aultres en ont faict triompher eulx et leurs femmes mais peu s'en sont trouués qui en ayent faict grande restitution, que ie aye peu sçauoir, sinon aulcuns comme Aymé Leuet, qui après le pillage, luy et sa femme restituèrent le tout, à tous ceulx qui venoynt recongnoistre leurs affavres.
