CHAPITRE LXIII

Quant et comment la Monnoye a esté faicie dans Geneue.

Urant le temps que Geneue n'auoit pas receu l'Euangille, l'Euesque se disoit eslre leur Prince temporel et espirituel, les messes et toute la Papaulté y regnoit, ilz ne faysoynt point de monnoye , tant auoynt ilz layssc perdre de leurs libertés et franchises. Car aultresfoys en soulloynt fayre comme à présent : mais les Ducz de Sauoye et leurs Euesques les auoynt desia tant alaictés et tiré le miel de leur cité, qu'ilz n'ausoynt point fayre de monnoye dans leur ville. Mais le Duc de Sauoye la faysoit balre dehors la ville, auprès de la porte deS'Gerues, septante quatre pas, en tirant à Lausanne; car les franchises [c'est à dire les limites] ne passoynt pas plus outre de ce couslé.

Mais dempuys que la prophétie de leurs armories a esté accomplie et qu'ilz ont receu la lumière après ténèbres, ont esté restitués en leur principaulté par icelle, comme ilz soulloynt eslre auant qu'ilz eussent esté tyrannisés de leurs Euesques. Et si ont esté plus heureux que prudens, car la plus part resistoynl de

Actes et Gestes merueilleux

tout leur pouuoyr à rencontre, n'entendans pas d'obtenir vng si grand bien par icelle lumière de l'Euangille. Donc par la grâce de Dieu, auoir esté restitués et réintégrés Princes et reiecté leurs ennemys, ont vsé et vsent de Sénat, comme leurs bons allés, de petit et grand Conseil, des 24, des 60, des 200, et du gênerai : et si font batre bonne monnoye, des cscus, des lestons, demi testons, des soulz, des pièces de troys et deux cars, et de quarts, et de fortz, et de deniers.