CHAPITRE LXIV
En quel mage mirent ceulx de Geneue leurs autels, après qu'ils eureut receu VEuangille.
OuT amsi que nous lisons es anciens prophètes, que Dieu feroit ruyner les abominations des Gentilz et de ceulx qui se moucquoynt de son sainct ser- ;uice et qu'il feroit des retraictz de leurs temples et fienter sus leurs autelz et croylre l'herbe des lapas, ainsi Dieu a faict sus leurs autelz, en aulcunz lieu et temple des Prebstres de Geneue, et àl'enuyron. Car après que ceulx de Geneue ont heu ruyné les ydolles et mis bas les autelz dans leur ville, ilz ont faict du temple S* Germain, n'estant bien propice pour y prescher, vne boucherie à ven-
de la Cité de Geneue. 231
dre de la chair : et aulcuns disoynt ces parolles; Ça dedans les Prebstres ont souuentesfoys sacrifié lesus Christ, car sacrifier signifie tuer comme l'exemple d'Abraham qui vouUut sacrifier son filz Isac; et maintenant on y tue les bestes et y faict vne boucherie. Toutesfoys on a trouué plus propice pour y tenir de l'artillerie dedans à présent, que de fayre boucherie. De celluy de Riue des Courdelliers et de Pallays des lacopins, auec les maysons des faulxbourcz, desia au commencement de la guerre ruynés, en ont faict les murailles et bouUeuars tout à l'entour de Geneue, car en aulcuns lieux de S^ Gerues estoynt clos de hays et ioncz de boys ; et en vng aultre lieu les vieilles murailles tombèrent par terre de par elles, après que les ennemys s'en furent allés. Touchant aux pierres de leurs autelz, ilz les ont faict seruir à aultre vsaige que au parauant en plusieurs lieux et en plusieurs manières; c'est assauoir sus leurs murailles et bouUeuars, pour euacuer l'eaue, et aussi en aulcuns lieux pour fayre des ponts à passer les eaues, des aullres en ont faict des tables pour leurs iardins; des aultres es retraiclz publicques de S^ Anthoine, pour euacuer l'ordure. Mais les troys les plus beaux et excellens qu'ilz sceurent trouuer dans Geneue ont faict vng lieu esleué en hault, (comme on csleuoit le grand autel des Eglises,) auprès du gibet, en Champel, troys ensemble, pour y sacrifier, c'est a dire exécuter les malfaicteurs; et dessus ces autelz l'exécuteur de la haulte iustice leur couppe la teste. Et le premier qui y fust exécuté ce fust vng Prebstre ,
nommé Messire lehan Soultier, aultrement Pellissier de Boygine, au mandement de Tyés, subiect de Geneue, qui auec son frère et sa mère consentant, auoynt creué les yeulx auec vng ganiuet à leur tiers frère, nommé Ruiïier, l'ayant lié de cordes sus vne table, et vng peu après le tuèrent misérablement pour auoir son bien, en luy donnant entendre qu'ilz le voulloynt mener à S* Glaude, mais le menèrent ou plus tost le iecterent en l'eau. Mais pource que Messire lehan estoit Prebstre et que saincte mère Eglise est miséricordieuse , ne voullant tuer personne, disans; Non nobis licet interficere quemquem; l'Euesque de Geneue auoit faict grâce à ce Prebstre de ce qu'il auoit creué les yeulx à son frère; mais ceulx de Geneue la luy confirmèrent auec l'cspee vng peu après qu'ilz eurent le pays de Tyés, que le Roy tient à présent. Car ainsi que le Prebstre qui, selon la loy Papalle auoit sacrifié lesus Christ sus les autelz, aussi y fust le premier sacrifié ; et non pas le premier ne le principal de Geneue, comme dictParadinus hystoriographe, qui ne faict que reuer, et ne sçait qu'il dict en cella; comme plus amplement en pourra estre parlé au chapitre des diuisions après l'Euangille receu, en parlant de la mort de lehan Philippe, que cestuy appelle lohannes ilndreas, ignorant le nom encores plus que la cause : car n'eust pas ainsi parlé de luy à la voullee, en faysant vng miracle, principallement s'il heust veu les affayres, comme l'aucteur de ce liure a veu.
de la Cité de Geneue.
