CHAPITRE LXVÏ

Du Collège de Riue.

OuT ainsi que I Hospital de Geneue, en grande difficulté fust reslituc et mis en estre, J aussi fust le collège des enfans au conuent des Courdelliers à Riue : Car tous les conseillers de Geneue ne tiroynt pas à vne corde ; les vngz auoynt grand cueur à restaurer la religion, et leur Republicque dcsirans que la ieunesse fust bien instruicle, mais des aultres non ; et ceulx qui attendoynt, comme l'on dict communément, leur Messias, ne s'en soucioynl guyeres. Ce nonobstant toute la résistance que les non fauorisans à ce sçeussent fayre : si est ce qu'il fust ordonné qu'on deubt fayre vng collège pour les enfans à Riue, et cent escus pour le Recteur. Et fust Anlhoyne Sounier le premier constitué de la Seigneurie le Principal et Gouuerneur d'iccUuy collège, qui y bouta vne bonne et honnestc pollice. Et pource que Maturin Courderius estoit homme expérimenté en telles choses, et comme l'on dict, le plus apte et conuenant à exercer Escolles que homme de nostre temps aye esté en la langue Françoysc, fust enuoyé quérir en France, en vne ville qu'on appelle Bourdeaux (que de nostre temps, l'an 1548, estoit rebellée contre leur Roy

240 Actes et Gestes merueilleux

(le France,) dans laquelle estoit Régent, el amena beaucop de gens sçauans auec luy. Lequel aussi a maintenu ce bon ordre ^ desia commencé, durant son temps, tellement que ce collège print grand bruict pour la venue de Courderius. Mais à luy et à tous les auUres Regens, fallut absenter Geneue, au dechassement de tous les Predicans d'icelle, et de plusieurs aultres gens de bien, tant bourgoys que estrangiers, ne voullansacquiesser ne recepuoir certaynes cérémonies que aulcuns Pasteurs et aultres mirent au dessus dans Geneue, contre la première Reformation qu ilz auoynt receue : qui fust vne grande playe et escandalle à l'Eglise, non seullement de Geneue , mais à toutes les aultres de la langue Françoyse. Mais dempuys ce collège a esté peu à peu restauré, auec l'Eglise de Geneue, et à présent les enfans proffitent grandement, et tou^ le peuple aussi a la parolle.

de la Cité de Geneue.