MARS

Monsieur mon cousin,

J'ay receux hier vostre lettres par lesquelles j’entens le domache que on vous a faict, que j'en suis fort mary, mais Dieu vous restituera quelque aultre choses en recompance de cella, et tous vous voisins et amis vous assisteront à remesoner, et moy pour le premier en choses qu'il me sera possible. Jay receux une lettres par vous et mon oncle de Francquemont (1), que vous prions d'aller querir mes tantes et mes cousines qui sont à Montbliardt pour ce retirer en quelque part, je vous envoya une lettres par le capitaine Lesages come j'etois devant les portes pour les rescevoir et les mener la oux qu'il leur eut pleu pour estre en sauvegarde, et mesme je feux trouvé mons” le marquis et mons’ de Guise pour avoir scaves guardes pour vostre maison et jen'en suis jamais peut avoir. Ont m'’at porté domage à ma signorie de plus de quatre mil escus en ma signorie, aussy estant arrivé à ma maison es enten-

(1) Jacques de Franquemont avait épousé en premières noces Ursule de Brunighoffen, tante d’Elisabeth d'Arbois, dame de Morvillars; c'est par son mariage avec Elisabeth d’Arbois que Jean Sébastien de Reinach était devenu neveu de Jacques de Franquemont.

deux par mon granger de Dalle et d'autre part que Son Excellance avoit mis la mains es terres et signories sur sa juridiction et faire defendre ne moy rien payer de ce que ont me devoit en sad. signorie, mais je scaurois volontiers les resonns pourquoy moy n'ayant faict nulle tor ou mal à Son Excellance qu'el puis prandre mon bien, mais au contraire Son Excellance scait bien que je luis suis de tout ancieneté serviteur moy et mes parens, nostre armez de reitre l'ayant plustot prescervé que de luy porter domage, sinon que vivre resonablement, mais entre nos povres soldas faut obeïir aux chef que nos comandé aurest. Je vous supplie de supplier à Son Excellance de me pardoner ceste pour ceste fois, et que je luis suis tousjours serviteur come du tans passé, et vous prie de me favoricé envers Son Excellance de avoir responce de ceste pour queles reisons il me detient mon biens, et serez tousjours atteneux de vous faire service. Du surplus touchant la cedule qu'avez de moy, je me troveré ces jours à Monbliardt pour aller revisoter mes tantes et mes cousines et mes bons voisin, et cepandant nous traiterons par ensemble de ce que je vous dois, aultre choses pour ceste, sinon mes tres humbles recomandations à vous bonnes graces et à celle de madame vostre famme, ma cousine, et à tous les betites cousin, et s’il vous plaict, vous ferrez le semblable à tous mes oncles et tantes, et mes bons amy de ma cognoissance de par delà, que prie à Dieu que à vous doinst,

Monsieur mon cousin, en santé, prosperité, heureuse et bone longue vie. De Monthereulx (1), ce quatrieme en mars, l’an 1588.

(1) Montreux, Haut-Rhin, territoire de Belfort, cant. de Fontaine.

Ma fame vous baise les mains ensemble de madame vostre fame, sa cousine, et à tous les petites cousins.

Vostre humble serviteur à jamais, SÉBASTIAN DE REINACH (1).

Suscription : À Monsieur mon cousin, Monsieur de Willermin, barron du Chatellardz, à Monbliardt.

Original sur papier, autographe.

Archives Nationales, fonds Montbéliard, K 1966.

Lettre missive du sieur Besançon de Belfort, archer de la garde du duc de Lorraine, à M. de Beaujeu, gouverneur de Montbéliard, pour se disoulper des accusations dirigées contre lui principalement au sujet d'Héricourt.

1588 — 10 Mars.

Monsieur,

La bonne affection et amitié que j'ay cogneu que mon seigneur le comte de Sallme (2) vous pourte m'ont occasioné l'advertir que l'on m'avoit mandé

(1) D’après les enquêtes qui furent instruites après le départ de l'armée des Guises, Jean Sébastien de Reinach, seigneur de Mor- Villars, surnommé le Boiteux de Morvillars, aurait prôté les mains aux désordres commis par les troupes lorraines dans le comté de Montbéliard, ce qui explique le séquestre mis à titre de représailles sur ses terres et seigneuries par Frédéric de Wurtemberg.

(2) Jean IX, comte de Salm, fils de Jean VIII et de Louise de Stain ville, mort sans alliance en 1600,

que Son Excellance estoit tres mari en mes endroict par quelques faulx rappors que l'on luy pourroit avoir faict ou à ces officiers, je vous prie bien humblement en faveur de mon seigneur le comte vouloir faire entendre à Son Excellance que je luy supplietres humblement vouloir commander à quelque personage des siens que information soit faicte en ces terres de moy envers ces pauvres soubject, et s’il ce trouve ung seul homme qui puisse dire avec verité que j'aye logé une seule heure, ni moy ni ceulx qui estoyent en ma puissance, ny prins hommes, ny bestial, ny la valeur d'ung denier, mais aultant s’en fault que je l'aye faict. Que l’on demande le maieur d’Arbre (1) et tous les villages à l'entour, cy je ne suis party nuictanment d'auprès de Clerevaulx pour les advertir, et leur dire: « Retirez vous incontinant avec tout vostre bestial, ou aultrement, vous estes perdu. » Et mesme je treuvat de nuict beaulcoup de ces pauvres soubject, lesquelz ce retiroyent du costée de que l'ennemi venoit, dont je les conduict jusque hors des troupes. Et ce treuverat ausy qu'il n’est esté jour que je n'aye faict rendre hommes et bestial, et mesme au petit village où que j'ay une grange, les soubject de Son Excellance ensemble des femes, enfans et bestial c’y estoyent retirée, qui assureront que je les ay faict à garder par des soldatz, comme les mien propres, sans en avoir prins la valeur d'ung blanc, et ce treuverat que j'ay renvoyée cinq de ces soubject depuis la coste de Saverne, dont le plus jeusne avoit l'age de soysante, comme que je preuveray facilement que j'ay rachetez jusque au nombre de dix sept des soubject de

(1) Aïbre, Doubs, arr. et eant, de Montbéliard.

Son Excellance, sans en avoir prins la valeur d'ung blanc, car je savoys bien les volontez de Son Alteze et de monseigneur le marquis et de monseigneur le comte de Sallme, qu'estoyent de ne faire aulcungs desordres aux terres de Son Excellance, sinon que de passer le plus ligierement que possible seroit, dont Son Alteze a sceu à la verité le bon debvoir que j'en ay faict de ma petite puissance, dont Son Alteze m'at dict à mon departement à la presance de monseigneur le comte que je luy avois faict services bien agreables, et m'at commandez de ne rien demander à Claude Bourrelie (1) qui est esté exantez par voz faveurs, neanilmoins que j'ay payé et contanté le capitaine La Forest des quatre vingt escus que j'avois promis, Son Alteze m'at dict qu'en cas que le capitaine La Forrest ne me rendroit les quatre vingtz escus, qu'il les me feroit à rendre de ces finances. Touchant Esricourt, je ne puis nier que je n'y sois esté avec mons” de Sainct Bellemont lequel estoit mon corronel, et vous promect la foy que le capitaine Sage est esté cause que la terre d’Esricourt n’est poinct esté brulez, car les aultres avoyent conclu entierement, que cy mons’ de Saint Bellemont n'y entroit, qu'il entreroyent par forces, mesme le peuple desiroit l'entrée, car il sont venu eulx quatres bourgois jusque au

(1) Claude le Bourrelier, bourgeois de Montbéliard, que l’on voit receveur de Blamont en mars 1582, avait été fait prisonnier et mis à rançon par le sieur de Frenicourt, lieutenant de la compagnie de gens d’armes de M. de Rosne; nous le trouvons mentionné dans une lettre du comte de Salm, datée du 9 février 1588, dont le texte est reproduit plus loin; il figure également dans un acte de partage du domaine de Taillecourt avec Henri et Jacques de Franquemont en date du 15 janvier 1580. (Archives Nationales, fonds Montbéliard, K 1797, K 2212).

village de Regiessant (1), signorie de Belfort, pour faire entreer en leur ville, et dire que quant le capitaine Sage ne le voudroit, qu'il le feroyent sans luy. Et promect la foy que je n'y coucha qu'ung soir, dont le capitaine Sage y estoit encour au lougi d'une mienne parante vefve de feu Bichin, dont ung officier de Son Excellance y estoit, qu'est le foretié de Luse, qui dirat que quant il ce fasoit quelque desordres pour des livres que l’on bruloit, je allay treuver led. corronel et luy fit entendre que je ne voulois plus demeurez en la ville, et si j’euse pansé que ce ne fuse les volontez de mons’ le marquis, je n'y fuse pas allé, et depuis je ne me y suis plus arrestée. Vous priant bien humblement de croyre que tout ce qu'est cy desus est veritable, et vous requier en faveur de mon seigneur le comte de Sallme, m'advertir si je serois assurée au terres de Son Excellance ou non, ce me seroit ung grant regreet d'estre exullée des terres d'ung prince sans l'avoir méritée, et vous assure sur ma foy que si je l'avoys meritez, je n’en ferois aultre poursuitte, sinon de me garder si je pouvoy et rechercher ceulx qui ont puissance de me commander, dont je m'assure que me manderez ce que s’en est, car mons° le comte m'at commandé d'ensuyvre vos volontez, ce que je feray et vous rendray toute ma vie tres humbles et fideles services d’ausy bon ceur,

Monsieur, que je prie le Craulteur vous tenir en santez heureuse et longue vie, de Belfort, ce 10*° en mars 88.

Vostre obeissant soldat et serviteur,